ETENYI 8
Nyɔi ka Yeso alembetshiyatɔ le yɛ?
Yeso akavu dia sho nkondja lɔsɛnɔ. Joani 3:16
Nshi shato l’ɔkɔngɔ wa nyɔi ka Yeso, wamato amɔtshi wakatshu dia tenda diombo diande ko wakatoditanaka hwe. Jehowa akolola Yeso oma lo nyɔi.
L’ɔkɔngɔ diko, Yeso akayɛnamaka le ambeki ande.
Eelo, Jehowa akolola Yeso oko etongami ka wolo ka lo nyuma kahavu. Ambeki waki Yeso wakawɛnyi atadɛ l’olongo.
Nzambi akolola Yeso ndo akawetɛ Nkumekanga ka Diolelo diande. Danyɛlɛ 7:13, 14
Yeso akakimɔ lɔsɛnɔ lande dia mfuta tshungo dikambo di’anto. (Mateo 20:28) Lo tshimbo ya tshungo kɛsɔ, Nzambi akatosha diaaso dia sho nsɛna pondjo pondjo.
Jehowa akasɔnɛ Yeso oko Nkumekanga dia nde mbolɛ laadiko dia nkɛtɛ. Nde ayolɛ kaamɛ l’anto wa kɔlamelo 144 000 wanɛ wakolwama oma la nkɛtɛ dia tɔsɛna la nde l’olongo. Yeso nde l’anto 144 000 wekɔ lo nkenga Diolelo dia l’olongo diaki Nzambi diele la losembwe.—Ɛnyɛlɔ 14:1-3.
Diolelo diaki Nzambi diayokadimola nkɛtɛ paradiso. Ata, diakatanelo, wola ndo ndjala hatoyala nto. Anto wayoyala l’ɔngɛnɔngɛnɔ wa mɛtɛ.—Osambo 145:16.
Enda ndo lo...
ESSENTIAL BIBLE TEACHINGS
Lande ka kakavu Yeso?
Bible mbɔsaka nyɔi ka Yeso la nɛmɔ di’efula. Onde nyɔi kande kaki la sangwelo dimɔtshi?
EOHWELO
Tohɔ nyɔi ka Yeso
Tambokelɛ la wangasanu tshɛ dia wɛ ndjonga kaamɛ la so lo diaaso di’ohomba sɔ. Wɛ ayoyeya woho wakoka lɔsɛnɔ ndo nyɔi ka Yeso kokondjiyɛ wahɔ.
ABUKU & TOBUKUBUKU
Onde mɛtɛ anto wakavu wayɔsɛna nto?
Onde wɛ ambovushaka onto ɔmɔtshi lokayɛ ngandji? Alaka wa lo Bible koka kosamba.
