ETENYI 3
Ngande waki lɔsɛnɔ lo paradiso?
Jehowa akasha Adama la Eva diangɔ efula di’amɛna. Etatelo 1:28
Jehowa akatonge Eva, womoto la ntondo ndo akawosha Adama dia monga omɛnde.—Etatelo 2:21, 22.
Jehowa akaatonge la wɛɔngɔ ndo l’alemba wa kokele waha l’ɛkɔmɔ.
Vɔ wakadjasɛka lo Paradiso kaki lo ekambɔ k’Ɛdɛna, dihole di’olangala efula diaki l’ɛkɛdi w’ashi w’amɛna efula, etamba w’elowa ndo waa nyama.
Jehowa akatɛkɛtaka la wɔ; nde akawaetshaka. Otondonga vɔ wakohokamɛ, tshike wotɔsɛna pondjo pondjo lo Paradiso ka la nkɛtɛ.
Nzambi akaasekɛ paka elowa w’oma l’otamba ɔtɔi oto. Etatelo 2:16, 17
Jehowa akɛnya Adama la Eva otamba ɔmɔtshi w’elowa lo ekambɔ k’Ɛdɛna ndo akawatɛ dia naka vɔ ndɛ elowa w’oma lɔkɔ, kete vɔ wayovɔ.
Ondjelo ɔmɔtshi akatɔmbɔkwɛ Nzambi. Satana Diabolo mbaki ondjelo wa kɔlɔ ɔsɔ.
Satana konanga dia Adama la Eva nkitanyiya Jehowa. Ɔnkɔnɛ, nde akakambe la olui dia mbutɛ Eva ɔnɛ, naka nde ndɛ olowa w’oma l’otamba akɔ, kete nde hatovɔ koko ayonga oko Nzambi. Ɔsɔ mɛtɛ aki dui dia kashi.—Etatelo 3:1-5.
Enda ndo lo...
ESSENTIAL BIBLE TEACHINGS
Lande na kakatonge Nzambi nkɛtɛ?
Andja aso ɔnɛ ndola la diangɔ di’elangala. Nkɛtɛ manganyema la wonya lo yɛdikɔ yakoka, tɔ kitshama it is tilted at just the right angle, and it rotates at just the right speed. Lande na kakadje Nzambi efula dia nsala ntonga nkɛtɛ?
