Adama la Eva wakote ana ndo anto wakakome efula la nkɛtɛ. L’edjedja ka wonya, andjelo amɔtshi wakayoyelaka Satana l’ɔtɔmbɔkwɛlɔ ande.

Vɔ wakaye la nkɛtɛ ndo wakayɔlɔta alemba w’anto dia vɔ ntshuka wamato. Wamato asɔ wakote ana w’akongote waki ngala ndo la wolo.

Andja wakalole la anto wakasalaka akambo wa kɔlɔ. Bible mbutaka ɔnɛ: “Kolo k’anto kaki efula la nkɛtɛ, ndo tokanyi t’etema awɔ tshɛ mbɛlɛka otsha lo kɔlɔ nshi tshɛ.”

Nɔa aki onto ɔlɔlɔ. Jehowa akawotɛ dia nde ayanga ndanya anto wa kɔlɔ la Mvula k’elola ka woke.

Nzambi akatɛ Nɔa nto dia nsɛla waato wa woke wakelamɛ ɔnɛ waato wa luudu, ndo dia nde mbɔtɔ la nkumbo kande kaamɛ la weho tshɛ wa nyama lɔkɔ.

Nɔa akewola anto dia Mvula k’elola kakahombe ndɔ, koko vɔ kompokamɛ. Amɔtshi wakɔlɛ Nɔa ndo akina wakohetsha.

Etena kakashile waato wa luudu, Nɔa akɔtshiya nyama lɔkɔ.