Onde wɛ atakanyiyaka lo dikambo dia tena di’amɛna diakayetshaka kaamɛ l’ekambi wa Jehowa, ɛnyɛlɔ losanganya lɔmɔtshi la l’etshumanelo lakakokeketsha, losanganya la woke lakakosha ɔngɛnɔngɛnɔ, dui dimɔtshi dia dimɛna diakahomana la yɛ l’esambishelo kana sawo dia dimɛna diakayasawola la osekayɛ ombetawudi? Mbokɛmaka dia wɛ atohɛ Jehowa, ndo nde lawɔ atakohɛ. Nde mbohɔka olimu wa la kɔlamelo wakayookambɛka. Ndo nde ekɔ la nsaki k’efula ka kokimanyiya dia wɛ nkalola le nde.

Jehowa mbutaka ate: “Enda, dimi dime layuyanga ekoko ami wulu, layuwêla. Uku atuyangaka ulami limba landi l’ekoko lu lushi lakawadiangana, osoku mbayumuyanga ekoko ami [ndo mbayomalesha]. Dimi layêsanganya uma l’ahuli tshe wakawadianganya.”—Ezekiyele 34:11, 12.