WEKELO 10
Ngande wakokayɛ mbeya ɔtɛmwɛlɔ wa mɛtɛ?
1. Onde ɔtɛmwɛlɔ wa mɛtɛ wekɔ paka ɔtɔi?
‘Nyewɔ amvutshi wa kashi.’
Yeso aketsha ambeki ande ɔnɛ ɔtɛmwɛlɔ wa mɛtɛ wekɔ paka ɔtɔi. Vɔ wekɔ mboka katɔla otsha lo lɔsɛnɔ la pondjo. Yeso akate ate: ‘Anto yema tshitshɛ tsho mbatokiɛnaka.’ (Mateu 7:14) Nzambi mbetawɔka paka ɔtɛmwɛlɔ ɔtɔi watondja wetshelo awɔ oma l’Ɔtɛkɛta ande w’akambo wa mɛtɛ. Atɛmɔdi wa mɛtɛ tshɛ wekɔ kâmɛ lo mbetawɔ ɔtɔi.
2. Kakɔna kakate Yeso lo kɛnɛ kendana l’Akristo wa kashi?
‘Vɔ mbutaka lo sɛkɛ dia vɔ mbeyaka Nzambi, koko vɔ mbaangunaka oma l’etsha awɔ.’
Yeso akate di’amvutshi wa kashi wayolanya Lokristo la mɛtɛ. Vɔ mɛnamaka oko atɛmɔdi wa mɛtɛ. Ɛtɛmwɛlɔ awɔ ndjaɔsaka oko ɔtɛmwɛlɔ w’Akristo. Koko wɛ kokaka mbaeya dimɛna dimɛna. Lo ngande? Paka ɔtɛmwɛlɔ wa mɛtɛ mbele la Akristo wa mɛtɛ ndo vɔ mbeyamaka oma lo waonga awɔ ndo oma lo yoho yawɔ ya lɔsɛnɔ.
3. Ngande wakokayɛ mbeya atɛmɔdi wa mɛtɛ?
Sho kokaka mbaeya oma l’akambo atanu anɛ:
-
Atɛmɔdi wa mɛtɛ nɛmiyaka Bible oko wetɔ Ɔtɛkɛta wa Nzambi. Vɔ salaka tshɛ dia nsɛna lo yoho yɔtɔnɛ l’atɔndɔ wele lɔkɔ. Ɔnkɔnɛ, ɔtɛmwɛlɔ wa mɛtɛ ntshikitana la wa kashi wohikami lo tokanyi t’anto. (Mateu 15:7-9) Atɛmɔdi wa mɛtɛ sɛnaka lo yoho yɔtɔnɛ la kɛnɛ ketshawɔ.
—Adia Joani 17:17; 2 Timote 3:16, 17. -
Ambeki wa mɛtɛ waki Yeso nɛmiyaka lokombo la mɛtɛ laki Nzambi, mbuta ate, Jehowa. Yeso akalɛmiyaka lokombo la mɛtɛ laki Mateu 6:9) Lo dihole diodjashiyɛ, ɔtɛmwɛlɔ akɔna weyanya lokombo laki Nzambi?
Nzambi lo lieyanya le anto akina. Nde akakimanyiya anto dia vɔ mbeya Nzambi ndo akawaetsha dia vɔ nɔmba dia lokombo laki Nzambi nkidiama. (—Adia Joani 17:26; Romo 10:13, 14. -
Akristo wa mɛtɛ sambishaka awui wendana la Diolelo diaki Nzambi. Nzambi akatome Yeso dia ndjosambisha lokumu l’ɔlɔlɔ la Diolelo. Diolelo diaki Nzambi diekɔ tshɔi y’elongamelo le anto tshɛ. Yeso akatetemala nsambisha awui wendana la Diolelo diakɔ polo lam’akandavu. (Luka 4:43; 8:1; 23:42, 43) Nde akate di’ambeki ande wayohomba nsambisha akambo wendana la Diolelo diakɔ. Naka onto ɔmɔtshi ambokemadja dia kosambisha akambo wendana la Diolelo diaki Nzambi, ɔtɛmwɛlɔ akɔna wafɔnyayɛ wende?
—Adia Mateu 24:14. -
Ambeki waki Yeso hawoyatambiya l’awui wa l’andja ɔnɛ wa kɔlɔ. Wɛ kokaka mbaeya lo woho wahawayatambiya l’awui wa pɔlitikɛ kana l’ewanu watomba l’atshunda w’anto. (Joani 17:16; 18:36) Ndo nto, vɔ hawôkoya ditshelo dia wâle ndo waonga wa kɔlɔ wele l’anto wa l’andja ɔnɛ.
—Adia Jakoba 4:4. -
Akristo wa mɛtɛ mbokanaka ngandji k’efula lam’asawɔ. L’ekimanyielo k’Ɔtɛkɛta wa Nzambi, vɔ mbekaka dia nɛmiya waoho w’anto tshɛ. Mbala efula ɛtɛmwɛlɔ wa kashi sukɛka ata walɔma lo wedja, koko atɛmɔdi wa mɛtɛ tonaka dia nsala dikambo sɔ. (Mika 4:1-3) Akristo wa mɛtɛ kambaka la wenya ndo l’ekundji awɔ lo yoho ya dimɛna dia nkimanyiya ndo nkeketsha anto akina.
—Adia Joani 13:34, 35; 1 Joani 4:20.
4. Onde wɛ kokaka mbeya ɔtɛmwɛlɔ wa mɛtɛ?
Ɔtɛmwɛlɔ akɔna watondja wetshelo awɔ tshɛ oma l’Ɔtɛkɛta wa Nzambi, walɛmiya lokombo laki Nzambi, ndo wasambisha Diolelo diande oko tshɔi y’elongamelo k’anto? Oko le yɛ, waa na wôkana ngandji lam’asawɔ ndo wahayatambiya l’awui w’ata?