WEKELO 60
Tetemala mpama
Lo wekelo wa Bible ɔnɛ w’otondo wɛ ambeka awui efula wendana la Jehowa. Awui wamboyeka wambokokonya dia mbooka ngandji k’efula, diakɔ diele mbeyaka monga ko wɛ akayakimɔ le nde ndo akabatizama. Naka bu, kete ondo wɛ ekɔ lo nkanyiya dia nsala dikambo sɔ keem’edja. Koko ohamelo ayɛ hawokomɛ lo batisimu. Wɛ koka ntetemala ndeka ndjasukanya la Jehowa pondjo pondjo. Lo woho akɔna?
1. Lande na kahombayɛ ntetemala nkeketsha lɔngɛnyi lasayɛ la Jehowa?
Sho pombaka nsala la wolo dia ntetemala nkeketsha lɔngɛnyi lasaso la Jehowa. Lande na? “Diaha sho ndjotakɔ mboka,” ko ndjangana la nde. (Hɛbɛru 2:1) Kakɔna kakoka tokimanyiya dia ntetemala kambɛ Jehowa la kɔlamelo? Sho koka ntetemala ndjasha l’olimu w’esambishelo, ndo nyanga toho tokina ta kambɛ Nzambi kaso lo yɛdikɔ y’efula. (Adia Filipɛ 3:16.) Kambɛ Jehowa ekɔ yoho ya lɔsɛnɔ yoleki tshɛ dimɛna!—Osambo 84:10.
2. Naa dui dikina diahombayɛ ntetemala nsala?
Kaanga mbayangayɛ nshidiya wekelo ɔnɛ wa Bible mbutaka dia sho pombaka “ndɔta lonto l’oyoyo.” (Ɛfɛsɔ 4:23, 24) Naka wɛ ntetemala mbeka Ɔtɛkɛta wa Nzambi ndo mbɔtɔka lo nsanganya ya l’etshumanelo, kete wɛ ayeka akambo w’eyoyo wendana la Jehowa ndo la waonga ande. Yanga toho ta nyomoleka mbokoya lonto lande lo lɔsɛnɔ layɛ. Tetemala nsala etshikitanu tshɛ wahombama dia ngɛnyangɛnya Jehowa.
3. Ngande wayokokimanyiya Jehowa dia mpama?
Bible mbutaka ɔnɛ: ‘Nzambi ndamɛ ayoshidiya olowanyelo ayɛ. Nde ayokokimanyiya dia ntshikala nge, nde ayokokeketsha, nde ayokoshikikadia nge.’ (1 Petero 5:10) Sho tshɛ pomanaka l’ehemba. Koko Jehowa toshaka kɛnɛ keso l’ohomba dia nshika tanga la ntondo k’ehemba akɔ. (Osambo 139:23, 24) Nde kolakaka dia nkosha nsaki ndo wolo wa mbokambɛ la kɔlamelo.—Adia Filipɛ 2:13.
NYOMOTSHIMOLA
Enda woho wakokayɛ ntetemala mpama ndo woho wayokɔtshɔkɔla Jehowa.
4. Tetemala nsawola l’ɔngɛnyi ayɛ woleki tshɛ
Dɔmbɛlɔ ndo wekelo wa Bible wakakokimanyiya dia nkoma ɔngɛnyi wa Jehowa. Ngande wakoka awui asɔ kokimanyiya dia ndeka ndjasukanya la nde?
Nyadia Osambo 62:8, ndo oma laasɔ, nyɔkɛtshanya dimbola nɛ:
-
Dia nkeketsha lɔngɛnyi lasayɛ la Jehowa, ngande wakokayɛ ndowanya alɔmbɛlɔ ayɛ?
Nyadia Osambo 1:2 ndo nɔtɛ ka l’ɛse ka dikatshi, ndo oma laasɔ, nyɔkɛtshanya dimbola nɛ:
-
Dia nkeketsha lɔngɛnyi lasayɛ la Jehowa, ngande wakokayɛ ndowanya wadielo ayɛ wa Bible?
Kakɔna kakokayɛ nsala dia ndeka nkondja wahɔ oma lo wekelo ayɛ wa Bible? Dia nkondja tokanyi tɔmɔtshi, nyende VIDƐO, ndo oma laasɔ, nyɔkɛtshanya ambola wayela anɛ:
-
Alako akɔna wa lo vidɛo nyɛ wakokayɛ nkamba la wɔ?
-
Awui akɔna wakombolayɛ mbeka?
5. Yadjɛ eyango wa lo nyuma
Ndjadjɛ eyango l’olimu wa Jehowa ayokokimanyiya dia ntetemala mpama. Nyende VIDƐO, ndo oma laasɔ, nyɔkɛtshanya dimbola diayela nɛ:
-
Lo vidɛo yɛnyiso, wahɔ akɔna wakakondja Cameron lo ndjadjɛ eyango wa lo nyuma?
Aha onto tshɛ mbakoka monɔ dia tosambisha lo wodja okina. Koko sho tshɛ koka ndjadjɛ eyango wakokaso nkotsha. Nyadia Tokedi 21:5, ndo oma laasɔ, nsɛdingola eyango wakombolayɛ ndjadjɛ . . .
-
l’etshumanelo.
-
l’olimu w’esambishelo.
Ngande wakoka kokimanyiya tɔndɔ dia lo divɛsa ndo dia wɛ nkotsha eyango ayɛ?
Eyangɔ ɛmɔtshi wakokayɛ nsala la wolo dia nkotsha
-
Lowanya alɔmbɛlɔ ayɛ.
-
Adia Bible k’otondo.
-
Yanga dia mbeya onto tshɛ la l’etshumanelo kanyu.
-
Tatɛ ndo tetemala mbeka Bible l’onto ɔmɔtshi.
-
Kamba oko ombatshi mboka wa tshanda kana wa pondjo.
-
Naka wɛ ekɔ ɔnangɛso, kete nkotsha kɛnɛ kalɔmbama dia nkamba oko okambi wakimanyiya.
6. Ngɛnangɛnaka la lɔsɛnɔ pondjo pondjo!
Nyadia Osambo 22:26, ndo oma laasɔ, nyɔkɛtshanya dimbola nɛ:
-
Ngande wakokayɛ ngɛnangɛnaka la lɔsɛnɔ oma ko kakianɛ ndo pondjo pondjo?
LO TSHENA PE
Tetemala nkeketsha lɔngɛnyi lasayɛ la Jehowa ndo yadjɛ eyango wa lo nyuma. Oma laasɔ wɛ ayokoka ngɛnangɛnaka la lɔsɛnɔ pondjo pondjo!
Ovuswelo
-
Ngande wakokayɛ monga l’eshikikelo dia Jehowa ayokokimanyiya dia mbokambɛ la kɔlamelo tshɛ?
-
Ngande wakokayɛ nkeketsha lɔngɛnyi lasayɛ la Jehowa?
-
Ngande wakoka eyango wa lo nyuma kokimanyiya dia mpama?
SALA EYANGELO
Kakɔna kaleka Jehowa mbɔsa la nɛmɔ, onde nsala dui dimɔtshi dia diambo efula diɛnya dia takayakimɔ le nde, ko kana mbokambɛ la kɔlamelo tshɛ lushi la lushi lɔsɛnɔ laso l’otondo?
Kaanga okambi wa Jehowa wele la kɔlamelo, mbeyaka nshisha ɔngɛnɔngɛnɔ. Enda woho wakokande nyomonga nto l’ɔngɛnɔngɛnɔ.
Toonge nto l’ɔngɛnɔngɛnɔ waki la so lo mbekaka ndo lo kanaka yimba la kɛnɛ kekaso (5:25)
Ngande wakokayɛ ndjadjɛ eyango wa lo nyuma ndo mbakotsha?
“Tombola Otungi ayɛ lo ndjadjɛ eyango wa lo nyuma” (Tshoto y’Etangelo, Ngɔndɔ k’esambele 15, 2004)
Lande na kele ekɔ ohomba nkoma Okristo wambotshunda lo nyuma, ndo ngande wakokayɛ tshunda lo nyuma?
“Tosale la wolo dia tshunda lo nyuma ‘nɛ dia lushi la wuki la [Jehowa] laya suki’” (Tshoto y’Etangelo, Ngɔndɔ ka tanu 15, 2009)
Enda ndo lo...
AMBOLA WALEKA ANTO NDJAOKA
Ngande wasalema wekelo wa Bible walɔmba Ɛmɛnyi wa Jehowa?
Lo ekongelo ka wekelo wa Bible k’ofele kalɔmba Ɛmɛnyi wa Jehowa, wɛ koka nkamba la ekadimwelo tshɛ ka Bible keyɛ la tɔ. Tengengake dia mbelɛ nkumbo k’otondo kana ɔngɛnyi ayɛ tshɛ dia mbɔtɔ kaamɛ la yɛ lo wekelo.
