Woho wakokayɛ ndeka nkondja wahɔ oma lo wekelo wa Bible ɔnɛ
Ntondotondo, sɛdingola ovuswelo ɔnɛ, ndo oma laasɔ, nyende VIDƐO.
ETENYI KA NTONDO
Dia nɔngɔsɔla wekelo tshɛ, adia etenyi ka ntondo. Ambola wele l’alɛta w’edima A) ndo avɛsa B) tɔtɔmiyaka awui woleki ohomba. Lembetɛ di’avɛsa amɔtshi fundama ɔnɛ “adia” kana “nyadia.”
ETENYI KA L’ATEI ATEI
Ɛtɛkɛta w’etatelo C) wele l’ɛse ka Nyomotshimola, nembetshiyaka awui wayela. Ɛtɛ w’awui wahɔnyi D) mbɔtshiyaka awui woleki ohomba. Kaamɛ la ombetsha ayɛ, nyadia avɛsa, nyokadimole ambola ndo nyende tovidɛo.
Tokombo tofundami ɔnɛ VIDƐO kotomaka lo diangɔ diakadjama l’eshinga. Tovidɛo tɔmɔtshi tekɔ l’ɛkɔndɔ w’awui wakete mɛtɛ. Tokina tekɔ adramɛ wele awui kana anto wa lɔkɔ bu wa mɛtɛ mɛtɛ, koko tɛkɛtaka di’awui wasalema.
Nyɔsɛdingole dimɛna esato ndo ɛtɛkɛta walembetshiya esato E), ndo nyokane yimba lo woho wa nkadimola dimbola dia lo etenyi kata ɔnɛ Anto amɔtshi mbutaka ɔnɛ F).
ETENYI K’EKOMELO
Etenyi kata ɔnɛ Lo tshena pe ndo ovuswelo G) mbakomiya wekelo. Funda datɛ diamboshila wekelo. Etenyi kata ɔnɛ Oyango H) mɛnyaka dui dimɔtshi diahombayɛ ndjalowanya lɔkɔ. Etenyi kata ɔnɛ Sala eyangelo I) kekɔ l’awui akina wakokayɛ mbadia kana tovidɛo tokina takokayɛ menda naka wɛ alanga.
Ɛtɛ w’awui
|
|
|
|
Woho wa ntana avɛsa wa lo Bible
Bible kekɔ la tobukubuku 66. Tɔ kahanyema lo ntenyi pende: Afundelo wa lo Hɛbɛru-Arameyɛ (“Daka di’edjedja”) ndo Afundelo w’Akristo wa lo Grɛkɛ (“Daka di’oyoyo”).
Etena kashilama divɛsa lo wekelo ɔnɛ, diɔ mɛnyama la lokombo la dibuku dia lo Bible A), ko ndjelana la tshapita B), ndo divɛsa kana avɛsa C).
Ɛnyɛlɔ, Joani 17:3 nangaka nembetshiya dibuku dia Joani, tshapita 17, divɛsa 3.
Enda ndo lo...
AMBOLA WALEKA ANTO NDJAOKA
Ngande wasalema wekelo wa Bible walɔmba Ɛmɛnyi wa Jehowa?
Lo ekongelo ka wekelo wa Bible k’ofele kalɔmba Ɛmɛnyi wa Jehowa, wɛ koka nkamba la ekadimwelo tshɛ ka Bible keyɛ la tɔ. Tengengake dia mbelɛ nkumbo k’otondo kana ɔngɛnyi ayɛ tshɛ dia mbɔtɔ kaamɛ la yɛ lo wekelo.
