ETENYI KA HENDE
“Tɛmpɛlɔ kami k’ekila mbakayadje mindo”—Ɔtɛmwɛlɔ wa pudipudi wambɔtɔ mindo
DUI DIOLEKI OHOMBA: Juda ndo Jɛrusalɛma wambonga la lonyuma la kɔlɔ ndo la lɔkɛwɔ la mindo
Jehowa akokaka ase Isariyɛlɛ ngandji ndo akaasalɛka akambo oko ‘ɛngɔ kande ka nɛmɔ.’ (Eto. 19:5, nɔtɛ) Koko vɔ wakafute Jehowa lo ntɛmɔla tozambizambi ta kashi lo tɛmpɛlɔ kakɔ kaamɛ kakeyamaka oko tɛmpɛlɔ ka Jehowa! Vɔ wakanyangiya Jehowa ndo wakatɛngamisha lokombo lande. Lande na kakayonga ase Isariyɛlɛ la lɔkɛwɔ la mindo la ngasɔ? Wetshelo akɔna wakokaso nkondja oma lo prɔfɛsiya ka Ɛzɛkiyɛlɛ kendana la elanyelo ka Jɛrusalɛma? Ndo wetshelo akɔna wakokaso nkondja oma lo diɔtɔnganelo dia ase Isariyɛlɛ la wedja wakaadinge?
LO ETENYI KƐNƐ
TSHAPITA 5
“Enda akambo wa kɔlɔ wa wɔnɔnyi wasalema”
Ɛzɛkiyɛlɛ ekɔ lo mɛna akambo wa kɔlɔ ka ditshi wɛnya woho wambolana lonyuma la wodja w’otondo.
TSHAPITA 6
“Ekomelo kamboya kakianɛ le yɛ”
Kɛnyɔ ya prɔfɛsiya y’Ɛzɛkiyɛlɛ yakɛnyaka nkɛlɛ ka Jehowa otsha le Jɛrusalɛma.
TSHAPITA 7
Wedja “wayohomba mbeya dia dimi kele Jehowa”
Wedja watɛnga lokombo la Jehowa ndo wahɛnyahɛnya kana wadja ekambi ande mindo, hawotohandɔ oma l’etombelo w’etsha awɔ. Wetshelo akɔna wakokaso nkondja oma lo diɔtɔnganelo di’ase Isariyɛlɛ la wedja ɛsɔ?
