ETENYI KA TANU
‘Dimi layodjasɛ l’atei w’anto’—Ɔtɛmwɛlɔ wa pudipudi wa Jehowa wambokaloyama
DUI DIOLEKI OHOMBA: Akambo wa lo ɛnɛlɔ ka tɛmpɛlɔ ndo wetshelo wakondjaso oma lɔkɔ lo kɛnɛ kendana la ɔtɛmwɛlɔ wa pudipudi
Jehowa akɛnya omvutshi Ɛzɛkiyɛlɛ ndo ɔpɔstɔlɔ Joani waɛnɛlɔ wele l’awui amɔtshi wafɔna efula. Akambo wa lo waɛnɛlɔ asɔ toshaka wetshelo w’ohomba watokimanyiya dia ntɛmɔla Jehowa lo yoho yetawɔnde nshi nyɛ ndo todiholɛka lokuke otsha lo lɔsɛnɔ lo paradiso l’ɛlɔmbwɛlɔ ka Diolelo dia Nzambi.
LO ETENYI KƐNƐ
TSHAPITA 19
“Ɛngɔ tshɛ kayɔsɛna dihole tshɛ diakɛla ɔkɛdi ɔnɛ”
Ngande wakakotshama ɛnɛlɔ ka Ɛzɛkiyɛlɛ k’ɔkɛdi wakɛla oma lo tɛmpɛlɔ lo nshi y’edjedja, ngande wakotshamatɔ ɛlɔ kɛnɛ ndo ngande wayotokotshama lo nshi yayaye?
TSHAPITA 20
‘Nyokahanya wodja oko etenyi k’okitɔ’
Lo ɛnɛlɔ kɛmɔtshi, Nzambi akatɛ Ɛzɛkiyɛlɛ ndo asekande waki lo lɔhɔmbɔ dia vɔ nkahanya Nkɛtɛ ya Daka le waoho w’Isariyɛlɛ.
TSHAPITA 21
“Lokombo l’osomba layonga ɔnɛ: Jehowa ekɔ lɛkɔ”
Wetshelo akɔna wakokaso nkondja oma lo ɛnɛlɔ ka Ɛzɛkiyɛlɛ kendana l’osomba ndo lokombo lawɔ lele la kitshimudi y’ohomba?
TSHAPITA 22
“Tɛmɔla Nzambi”
Dibuku nɛ diakatondjama dia nkeketsha yɛdikɔ yaso ya tɛmɔlaka paka Jehowa ndamɛ oto.
