KIOMBO YA WETSHELO 7B
Ditelo di’ohomba dia lo dibuku dia Ɛzɛkiyɛlɛ
“Ɔna onto”
MBALA NDEKANA 90
Ɛzɛkiyɛlɛ mbelamɛka ɔnɛ “ɔna onto” mbala ndekana 90. (Ɛzk. 2:1) Lo nkamba la etelo kɛsɔ, Jehowa akawohola dia kaanga mbakandalongola waɛsɛ wa weke, nde aki tsho onto lakɔsama oma lo nkɛtɛ. Lo ɛkɔndɔ wa lo Evanjiliɔ, Yeso mbelamɛka ɔnɛ “Ɔna onto” mbala oko 80, dia mɛnya dia nde akakome onto tshɛ lo tshɛ ndo nde komonga tsho ondjelo wakalɔtɛ demba di’onto.—Mat. 8:20.
“. . . Wayohomba mbeya dia dimi kele Jehowa”
MBALA NDEKANA 50
Ɛzɛkiyɛlɛ akafunde ɛtɛkɛta wa Nzambi w’ɔnɛ anto “wayohomba mbeya dia dimi kele Jehowa,” mbala ndekana 50 dia ntɔtɔmiya dia paka Jehowa oto mbahombaso ntɛmɔla lo ɔtɛmwɛlɔ wa pudipudi.—Ɛzk. 6:7.
“Nkum’Olongo nkumadiɔndjɔ Jehowa”
MBALA 217
Etelo k’ɔnɛ “Nkum’Olongo Nkumadiɔndjɔ Jehowa” katanema mbala 217, mbishaka lokombo la Nzambi dihole dioleki lokumu lahomba monga la lɔ ndo tɔtɔmiyaka dia ditongami tshɛ diekɔ l’ɛse ka Jehowa.—Ɛzk. 2:4.
