KIOMBO YA WETSHELO 18A
Jehowa ekɔ lo mpɛmɔla anto lo dikambo dia ta dia woke diayaye
Bible kekɔ la prɔfɛsiya efula yasha ɔhɛmwɛlɔ lo ta dia woke diayolanya Jehowa wanɛ tshɛ wɔɔlɔsha ndo walɔsha ekambi ande. Prɔfɛsiya mɔtshi l’atei ayɔ yɔ nyɛ lanɛ l’ɛse. Tende woho wɔtɔnɛ ɛhɛmwɛlɔ ɛsɔ ndo woho washikikɛ Jehowa dia anto tshɛ wekɔ la diaaso dia mboka ɛhɛmwɛlɔ akɔ ndo nsala dui dimɔtshi.
LO NSHI Y’ISARIYƐLƐ W’EDJEDJA
ƐZƐKIYƐLƐ: “‘Dimi layelɛ lokuwa la ta dia mbɔlɔsha [Ngɔngɔ] lo akona ami tshɛ,’ mbata Nkum’Olongo Nkumadiɔndjɔ Jehowa.”—Ɛzk. 38:18-23.
JƐRƐMIYA: “[Jehowa] ndamɛ ayela kilombo le anto tshɛ. Ndo nde ayodja akanga wa kɔlɔ lo lokuwa la ta.”—Jɛr. 25:31-33.
DANYƐLƐ: “Nzambi ka l’olongo ayotondja Diolelo . . . diayominola waolelo akɔ tshɛ ndo diayowashila oshiki.”—Dan. 2:44.
LO NTAMBE KA NTONDO T.D.
YESO: “Mfɔnu ka woke kayoyala woho wahatayalaka oma ko etatelo k’andja.”—Mat. 24:21, 22.
PƆƆLƆ: “Yeso . . . la andjelo ande wa wolo . . . [wayɔ]sɔmbɔya wanɛ waheye Nzambi.”—2 Tɛs. 1:6-9.
PETERO: “Lushi la Jehowa layoya oko wovi, . . . ndo nkɛtɛ la diangɔ diele lɔkɔ diayotomba sɛkɛ.”—2 Pe. 3:10.
JOANI: “Lokuwa l’otale la ta la mpɛmɔ lakayatombaka oma l’onyɔ [wa Yeso] dia nde nkɔta wedja.”—Ɛny. 19:11-18.
NSHI NYƐ
Bible mbele dibuku diamboleka kadimɔma ndo kahanyema lo tena tshɛ
EKAMBI WA JEHOWA WA NSHI NYƐ . . .
-
Wekɔ lo nkaha miliyara y’ekanda walembetshiya Bible lo nkama y’ɛtɛkɛta
-
Wekɔ lo mbetsha miliyɔ nkama ya wenya ɔnɔnyi tshɛ l’esambishelo
