KIOMBO YA WETSHELO 20A
Okahanyelo wa wodja
Woho wɔtɛkɛtami wedikelo shikaa w’elelo akashikikɛ wanɛ waki lo lɔhɔmbɔ dia wodja awɔ wakawalangaka akahombe kaloyama lo pondjo. Wetshelo akɔna wakokaso nkondja ɛlɔ kɛnɛ oma l’ɛnɛlɔ kɛnɛ? Tɔsɛdingole awui ahende wendana l’ɛnɛlɔ kakɔ:
Dihole di’ekokelo ndo ɔkɛndɛ wa nɛmɔ
Onto tshɛ l’atei wa wanɛ waki lo lɔhɔmbɔ wakakalola akahombe nkondja etenyi k’okitɔ lo Nkɛtɛ ya Daka yakakaloyama. Woho akɔ waamɛ mbele ɛlɔ kɛnɛ, okambi wa Jehowa tshɛ ekɔ la dihole lo paradiso ka lo nyuma. Oyadi ɔkɛndɛ wa tshitshɛ wakokaso monga la wɔ l’okongamelo, tekɔ la dihole di’ekokelo ndo ɔkɛndɛ wa nɛmɔ lo wodja wa lo nyuma. Le Jehowa, ekambi ande tshɛ wekɔ la nɛmɔ dia woho akɔ waamɛ.
Okahanyelo wa popo
L’ɛnɛlɔ ka Ɛzɛkiyɛlɛ, ɛtshi ka nkɛtɛ tshɛ ka lo Nkɛtɛ ya Daka kakakaloyama kakashaka anto waki lɔkɔ wahɔ wa woho akɔ waamɛ lo lokema la diangɔ dia lo wodja. Woho akɔ waamɛ mbele ɛlɔ kɛnɛ, Jehowa mbishaka ekambi ande tshɛ ɛtshɔkɔ wa woho akɔ waamɛ lo paradiso ka lo nyuma.
