PRƆFƐSIYA hiende yɔtɔnɛ yakakotshama l’ɔnɔnyi wa 1919: Kɛnɛ kendana la “weka wamboma,” ndo kɛnɛ kendana la ‘ɛmɛnyi ehende.’ Ɛnɛlɔ ka “weka wamboma” kakewoya etena k’otale efula (kakɔshi ɛnɔnyi nkama) kakakomɛ la okalwelo wa lo lɔsɛnɔ w’olui a woke w’ekambi wa Nzambi. (Ɛzk. 37:2-4; Ɛny. 11:1-3, 7-13) Prɔfɛsiya kendana la ‘ɛmɛnyi ehende’ kakɛnyaka etena ka mondo (kakakotshama l’ekomelo ka 1914 polo l’etatelo ka 1919) kakakomɛ la okalwelo wa lo lɔsɛnɔ wa djui ya tshitshɛ y’ekambi wa Nzambi. Prɔfɛsiya yakɔ hiende tɛkɛtaka dikambo dia eolwelo ka didjidji, ndo prɔfɛsiya yakɔ hiende yakakotshama lo nshi yaso nyɛ lo 1919 etena kaketawɔ Jehowa dia ekambi ande w’akitami “memala l’ekolo awɔ,” lo mimɔ oma lo lɔhɔmbɔ la Babilɔna ka Woke ndo lo ntshumana kaamɛ l’etshumanelo kambokaloyama.​—Ɛzk. 37:10.

Koko, tolembete dia otshikitanu w’ohomba wekɔ lo okotshamelo wa prɔfɛsiya nyɛ hiende. Prɔfɛsiya ka “weka wamboma” kakatatshi dia okalwelo wa lo lɔsɛnɔ w’atshikadi w’akitami tshɛ. Koko, Prɔfɛsiya ka ‘ɛmɛnyi ehende’ kakatatshi dia okalwelo wa lo lɔsɛnɔ w’atshikadi w’akitami wa Nzambi amɔtshi, mbuta ate wanɛ wakalɔmbɔlaka okongamelo ndo wakasɔnama dia monga “ɔhɔmbɔ wa kɔlamelo ndo kɛsɔ.”​—Mat. 24:45; Ɛny. 11:6. *

1. L’ƆKƆNGƆ WA 100 T.D.

   Ntatɛ lo ntambe ka hende T.D. ndo oma laasɔ etena kakadiakema etshumanelo k’Akristo w’akitami lo yoho ya didjidji, “okidi w’ebamubamu” wakalole tɔɔ la “weka”

2. ETATELO KA 1919

   1919: “Weka wamboma” wakonge la lɔsɛnɔ etena kakasale Jehowa dia akitami mimɔ oma lo Babilɔna ka Woke ko ntshumana l’etshumanelo kakakaloyama

1. L’EKOMELO KA 1914

   esambishelo ka la “akoto”

   1914: ‘Ɛmɛnyi ehende’ wakasambisha la “akoto” l’edja k’ɛnɔnyi esato l’etenyi. L’ekomelo k’etena kɛsɔ, vɔ wakadiakema lo yoho ya didjidji

2. nyɔi ka didjidji

3. ETATELO KA 1919

   1919: ‘Ɛmɛnyi ehende’ wakonge la lɔsɛnɔ etena kakɔshi djui ya tshitshɛ y’anangɛso w’akitami ɔkɛndɛ wa nɔmbɔla okongamelo ndo kakawasɔnama dia nkamba oko “ɔhɔmbɔ wa kɔlamelo ndo kɛsɔ”