KIOMBO YA WETSHELO 21A
“Woshasha wayonyokitsha laande”
Nyɛsɔ toyele Ɛzɛkiyɛlɛ etena katandasɛdingola la yambalo tshɛ ɛtshi ka nkɛtɛ kakakitsha Jehowa laande. Tɔ kekɔ la ahole atanu. Naa ahole akɔ? Naa oyango wele la wɔ?
A. “Woshasha”
Ekɔ lo dikambo dia ewandji ndo mbɔsamaka oko “ɛtshi ka nkɛtɛ kakadjasɛka ɛnɔmbɔdi.”
B. “Woshasha w’otondo”
Vɔ wakakitshama laande lo dikambo dia ɛlɔmbɛdi, ase Lɛwi ndo lo dikambo di’osomba. Ndo nto, anto w’oma lo waoho akɔ 12 wakɔtɔka lo dihole sɔ dia ntɛmɔla Jehowa ndo nsukɛ tɛdikɔ t’ɛnɔmbɔdi.
C. “Ɛtshi ka nkɛtɛ kaki owandji”
“Ɛtshi ka nkɛtɛ kɛsɔ kayonga kande lo Isariyɛlɛ.” “Tɔ kayonga dikambo dia owandji.”
D. “Woshasha w’ekila”
Dihole sɔ diakɔsamaka nto oko “ɛtshi ka nkɛtɛ k’ekila.” Etenyi ka la diko kaki “dikambo dia ase Lɛwi.” Tɔ kaki “ɛngɔ k’ekila.” Etenyi ka l’atei atei kaki “woshasha w’ekila dikambo di’ɛlɔmbɛdi.” Tɔ kaki “dihole dia mvudu yawɔ ndo dihole diambokidiama dikambo dia tɛmpɛlɔ k’ekila.”
E. “Dihole diatshikala”
“[Diɔ diayonga] dikambo dia luudu la Isariyɛlɛ l’otondo” ndo “diayonga dikambo di’okambelo w’anto tshɛ wa l’osomba, dia mbika mvudu ndo ndeshaka dongalonga.”
