Ngande wɔsayɛ nshi yayaye?
Onde andja aso ɔnɛ . . .
-
wayotshikala paka nganɛ?
-
wayoleka ndana?
-
wayokoma dimɛna efula?
KƐNƐ KATA BIBLE
“Nzambi . . . ayokitola asɔyi tshɛ oma lo washo awɔ, ndo nyɔi hatoyala nto, delo hadiotoyala nto, kaanga ndjawi kaanga kandji hatoyala nto. Akambo wa ntondo wamboshila.”—Ɛnyɛlɔ 21:3, 4, Ekadimwelo k’andja w’oyoyo.
ƐLƆLƆ WAKOKAYƐ NKONDJA
Olimu wa dimɛna ndo w’ɔngɛnɔngɛnɔ.—Isaya 65:21-23.
Hemɔ ndo asui hatonga nto.—Isaya 25:8; 33:24.
Lɔsɛnɔ l’ɔngɛnɔngɛnɔ ndo laha l’ekomelo kaamɛ l’ase nkumbo ndo l’angɛnyi.—Osambu 37:11, 29.
ONDE SHO KOKAKA MƐTƐ MBETAWƆ KƐNƐ KATA BIBLE?
Eelo, l’ɔtɛ w’ɛkɔkɔ ehende ɛnɛ:
-
Nzambi ekɔ l’akoka wa nkotsha daka sɔ. Lo Bible, Jehowa Nzambi oto mbelamɛ ɔnɛ: “Kanga-Wolo-Tshɛ,” nɛ dia nde ekɔ la wolo waha l’elelo. (Ɛnyɛlɔ 15:3) Ɔnkɔnɛ, nde ekɔ l’akoka wa nkotsha daka diande dia nkonya andja ɔnɛ dihole dia dimɛna efula. Oko wadita Bible, “le Nzambi, akambo tshɛ kokaka salema.”—Mateo 19:26.
-
Nzambi ekɔ la nsaki ka nkotsha daka diande. Ɛnyɛlɔ, Jehowa ekɔ lo ‘nomɔlomɔ’ dia mbolola wanɛ wakavu.—Jobo 14:14, 15.
Bible mɛnyaka nto dia Yeso, Ɔna Nzambi, akakɔnɔla ase hemɔ. Lande na? Nɛ dia nde akakombolaka nsala dui sɔ. (Makɔ 1:40, 41) L’ɛnyɛlɔ ka She, Yeso akakombolaka dia nkimanyiya wanɛ waki lo dihombo.—Joani 14:9.
Ɔnkɔnɛ, sho kokaka ndjashikikɛ dia Jehowa la Yeso kombolaka tokimanyiya dia sho ndjonga l’ɔngɛnɔngɛnɔ lo nshi yayaye.—Osambu 72:12-14; 145:16; 2 Petero 3:9.
DIMBOLA DIA NKANA LA DIƆ YIMBA
Ngande wayotshikitanya Nzambi andja ɔnɛ lo yoho ya dimɛna efula?
Bible kadimolaka dimbola sɔ lo MATEO 6:9, 10 ndo lo DANYELE 2:44.
Enda ndo lo...
TSHOTO Y'ETANGELO
Kɛnɛ kele mɛtɛ lo dikambo dia nshi yayaye
Keketsha elongamelo kayɛ lo kɛnɛ kata Nzambi lo dikambo dia nshi yayaye ya nkɛtɛ ndo y’anto wayɔsɛna lɔkɔ.
ESSENTIAL BIBLE TEACHINGS
Diolelo diaki Nzambi kɛdikɛdi na?
Lam’akandakambaka olimu ande lanɛ la nkɛtɛ, Yeso aketsha awui wendana la Diolelo diaki Nzambi oleki awui akina tshɛ. Aya ɛnɔnyi nkama walɔmba anto dia Diolelo sɔ ndja.
TSHOTO Y'ETANGELO
Kakɔna kayosala Diolelo diaki Nzambi?
Yeso akeyaka dia paka Diolelo dia Nzambi mbele tshɔi ya lowandji lakoka nkandola ekakatanu wa la nkɛtɛ. Kakɔna kamboshila Diolelo sɔ nsala dia sho monga l’eshikikelo?
AWUI WENDANA LA SO
Lɔmba dia onto ɔmɔtshi ndjokenda
Nyɔkɛtshanya dimbola dimɔtshi di’oma lo Bible, kana nyɔkɛtshanya awui efula wendana la Ɛmɛnyi wa Jehowa.
