WEKELO 10
Wengwelo wa dui
Tokedi 8:4, 7
LO TSHENA PE: Ɔmbɔla tokanyi lo yoho yokɛma hwe ndo lomialomia nsaki k’ampokami lo mengolaka yɛdikɔ, wondjo ndo lowango la dui.
WOHO WA NSALA DUI SƆ:
-
Tshikitanyaka yɛdikɔ ya dui diayɛ. Diyaka dui dia ntɔtɔmiya awui woleki ohomba ndo dia ntshutshuya ampokami ayɛ. Sala woho akɔ waamɛ etena kadiayɛ divɛsa diatɛkɛta dia kilombo. Kitshakitsha dui etena katɛkɛtayɛ dikambo di’elongamelo, dia wɔma kana di’okiyanu.
-
Tshikitanyaka wondjo wa dui diayɛ. Naka ekɔ dimɛna l’ɔtɛkɛta anyu, diya dui dia nkɛnɛmɔla wangasanu kana dia mɛnya woke la etale. Kitshakitsha dui dia nkɛnɛmɔla lonyangu kana okiyanu.
-
Tshikitanyaka lowango la dui diayɛ. Tɛkɛta esadi esadi dia nkɛnɛmɔla ɔngɛnɔngɛnɔ. Tɛkɛta ɔkɔkɛ etena katɛkɛtayɛ awui w’ohomba.
