WEKELO 16
Awui wakeketsha ndo w’amɛna
Jɔbɔ 16:5
LO TSHENA PE: Leka ndjasha lo woho wa nkandola ekakatanu ndo l’akambo wayokeketsha ampokami ayɛ.
WOHO WA NSALA DUI SƆ:
-
Onga la kanyi y’ɔlɔlɔ lo dikambo di’ampokami ayɛ. Onga l’eshikikelo di’asekayɛ ambetawudi nangaka ngɛnyangɛnya Jehowa. Kaanga etena kahombayɛ mbisha dako, ntondotondo andola l’otema ɔtɔi etena tshɛ kakoka.
-
Awui wahakeketsha watongake efula. Tɛkɛta awui wahakeketsha lo sawo diayɛ paka lo yɛdikɔ yakokawɔ monga ohomba. Wɛ pombaka ntɛkɛta awui w’amɛna lo sawo diayɛ di’otondo.
-
Kamba dimɛna l’Ɔtɛkɛta wa Nzambi. Kotola yambalo lo kɛnɛ kakasale Jehowa, lo kɛnɛ kasalande ndo lo kɛnɛ kayondosalɛ anto. Kamba l’ɛtɛkɛta wayosha ampokami ayɛ elongamelo ndo wayowakeketsha.