Dja yimba lo kɛnɛ kamboshilaka ampokami ayɛ mbeya. Lo dihole dia kololɛka tsho kɛnɛ kambokaka ampokami ayɛ, kimanyiyawɔ dia vɔ mɛna sawo diayɛ lo yoho y’oyoyo.

Sala eyangelo ndo kana yimba. Naka kokaka, dja awui wahaleke mbeyama kana awui weke ka ntomba dia nembetshiya tokanyi t’ohomba. Kanyiya efula lo dikambo dia awui wayoyɔmbɔla ndo lo diɔtɔnganelo diele lam’asa awui akɔ la kɛnɛ kayangayɛ nshila.

Ɛnya ohomba wa losango layɛ. Lembetshiya woho wakoka akambo w’ohomba w’oma l’Afundelo nkimanyiya ampokami ayɛ lo lɔsɛnɔ lawɔ la lushi la lushi. Tɛkɛta akambo shikaa, waonga ndo etsha wele ohomba le ampokami ayɛ.