Mbɔtwɛlɔ ka Etenyi 10
Jehowa ekɔ Nkumekanga kaheme laadiko dia tshɛ. Nde mbatɔlɔmbɔlaka akambo nshi tshɛ ndo nde mbayotetemala mbaalɔmbɔlaka. Ɛnyɛlɔ, nde akashimbɛ Jɛrɛmiya oma lo difuku dia nyɔi. Nde akashimbɛ Shadrakɛ, Meshakɛ, ndo Abɛdɛ-Nɛngɔ oma lo nkuka ka dja ndo Danyɛlɛ oma lo enyɔ wa ntambwɛ. Jehowa akakokɛ Ɛsta l’oyango wa Ɛsta nshimbɛ wodja ande w’otondo. Nde hatetawɔ dia awui wa kɔlɔ ntetemala pondjo pondjo. Prɔfɛsiya yendana la lohingu la woke ndo otamba wa woke shikikɛka dia kem’edja, Diolelo diaki Jehowa diayonya awui wa kɔlɔ tshɛ ndo diayɔlɔmbɔla nkɛtɛ.
LO ETENYI KƐNƐ
Jehowa ambotoma Jɛrɛmiya dia tosambisha
Dikumanyi dia Juda diakomala efula l’ɔtɛ wa kɛnɛ kakate omvutshi w’ɔlɔngɔlɔngɔ ɔsɔ.
Jɛrusalɛma yambolanyema
Ase Juda wekɔ lo ntetemala ntɛmɔla tozambizambi ta kashi, diakɔ diele Jehowa ambowaoka ɔkɔngɔ.
Ana w’apami anɛi wakakitanyiya Jehowa
Ɛlɔngɔlɔngɔ w’ase Juda wambɔsa yɛdikɔ ya ntshikala la kɔlamelo le Jehowa oyadi kaanga laka nkumekanga ka Babilɔna.
Diolelo diayotshikalaka pondjo pondjo
Danyɛlɛ alembetshiya dɔ dia diambo dia Nɛbukadinɛza.
Vɔ kokusama
Shadrakɛ, Meshakɛ, ndo Abɛdɛ-Nɛngɔ wambotona ntɛmɔla lohingu la paonyi la nkumekanga ka Babilɔna.
Diolelo diele oko osongo wa woke
Dɔ dia Nɛbukadinɛza diakɛnya awui wayowokomɛ lo nshi yayaye.
Efundelo l’ehele
Etena kakɔna kakɛnama efundelo w’ehekesa ɛsɔ, ndo naa kitshumudi yawɔ?
Danyɛlɛ lo difuku dia ntambwɛ
Lɔmbaka Jehowa lushi tshɛ, paka oko wakasalaka Danyɛlɛ!
Ɛsta amboshimbɛ anto ande
Kaanga mbakinde ɔngɛndangɛnda, nde akamɔ oma lo monga ɔna etshike ko nkoma wadi aki nkumekanga.
Ɛzɛra ambetsha anto Ɛlɛmbɛ wa Nzambi
L’ɔkɔngɔ w’ase Isariyɛlɛ mpokamɛ Ɛzɛra, vɔ wakasale daka dia laande otsha le Nzambi.
Mpele dia Jɛrusalɛma
Nɛhɛmiya akeye sheke yakadje atunyi ande dia mbɔlɔsha. Lande na kakinde komboka wɔma?