Kayisa Ogistɛ omboledi wa diolelo dia Rɔmɔ, akadjanga dia ase Juda tshɛ nkalola l’esomba wakawotɔ dia tofundja nkombo. Ɔnkɔnɛ Yɔsɛfu nde la Mariya wakande lɔkɛndɔ otsha la Bɛtɛlɛhɛma, lɛnɛ akatɔngɔ nkumbo ka Yɔsɛfu. Laasɔ ko Mariya aya suke la mbota.

Etena kakawakome la Bɛtɛlɛhɛma, dihole ɔtɔi diakawakoke ntana ele lɛnɛ akalɛka waa nyama. Lɛkɔ mbakatota Mariya Yeso. Nde akawɔmbɛ l’ahɔndɔ ko akawetanya ɔkɔkɛ lo dihole dialɛ waa nyama.

Suke la Bɛtɛlɛhɛma, alami amɔtshi w’ɛkɔkɔ waki l’andja l’otsho walama dongalonga diawɔ. Mbala kakɔ ɔtɔi, ondjelo ɔmɔtshi akemala la ntondo kawɔ ko osase wa lotombo la Jehowa wakaadinge. Alami w’ɛkɔkɔ wakandama la wɔma, koko ondjelo akate ate: ‘Tanyokake wɔma. Lekɔ la losango la dimɛna efula. Mɛsiya ambotɔ ɛlɔ la Bɛtɛlɛhɛma.’ Etena kɛsɔ, andjelo efula  wakɛnama l’olongo wata vate: ‘Lotombo le Nzambi l’olongo ndo wɔladi la nkɛtɛ.’ Ko andjelo kɔmɛnama nto. Kakɔna kakasale alami w’ɛkɔkɔ?

Alami w’ɛkɔkɔ wakatanɛ lam’asawɔ ɔnɛ: ‘Nyɛsɔ totshu la Jɛrusalɛma paka kakiye.’ Vɔ wakatshu esadi eto ko wakatotana Yɔsɛfu la Mariya lo dihole diatowoleshaka nyama kaamɛ la ɔnawɔ l’otwe.

Onto tshɛ lakoke kɛnɛ kakatɛ ondjelo alami w’ɛkɔkɔ akaambe efula. Mariya akakanaka yimba efula la ɛtɛtɛka wa ondjelo ndo nde kombaohɛ. Alami w’ɛkɔkɔ wakakalola dia tolama dongalonga diawɔ watoke Jehowa losaka l’ɔtɛ wa kɛnɛ tshɛ kɛnyiwɔ ndo kokiwɔ.