Yeso aketsha anto awui wendana la Diolelo dia l’olongo. Nde akawaetsha nto dia nɔmba dia lokombo la Nzambi kidiama, dia Diolelo diande ndja ndo dia lolango lande salema la nkɛtɛ. Naka wɛ ekɔ ombutshi, lembetshiya ɔnayɛ kɛnɛ kalembetshiya dɔmbɛlɔ sɔ le so. Yeso kombetawɔ dia Satana ndanya kɔlamelo yande. Yeso akasɔnɛ apɔstɔlɔ ande ndo vɔ wakonge anto wa ntondo wakahombe nkenga Diolelo. Ɛnyande woho waki Yeso l’ohetoheto lo ɔtɛmwɛlɔ wa mɛtɛ. Lam’ele nde akalange nkimanyiya anto akina, Yeso akakɔnɔla ase hemɔ, akalesha anto waki la ndjala ndo akolola wanɛ wakavu. Oma lo ahindo asɔ tshɛ, nde akɛnya kɛnɛ kayosalɛ Diolelo anto.