Mbɔtwɛlɔ ka Etenyi 2
Lande na kakela Jehowa elola kakalanya andja l’etena kɛsɔ? Oma l’etatelo k’ɔkɔndɔ w’anto, ta dimɔtshi diakatatɛ, mbuta ate ta dia lam’asa ɔlɔlɔ la kɔlɔ. Anto amɔtshi, ɛnyɛlɔ oko Adama l’Eva ndo ɔnawɔ Kɛna, wakasɔnɛ dia mbeta lo wedi wa kɔlɔ. Anto akina yema tshitshɛ, ɛnyɛlɔ oko Aabɛlɛ ndo Nɔa wakasɔnɛ dia mbeta lo wedi w’ɔlɔlɔ. Anto efula wakayokoma anto wa kɔlɔ efula, diakɔ diakela Jehowa ekomelo k’andja wa kɔlɔ ɔsɔ. Etenyi kɛnɛ kayotokimanyiya dia mbeya dia Jehowa mbeyaka wedi akɔna wasɔnaso ndo dia nde hetawɔki pondjo dia kɔlɔ ndanya ɔlɔlɔ.
LO ETENYI KƐNƐ
Adama l’Eva wakahindolɛ Nzambi
Kakɔna kaki dui dia laande lo kɛnɛ kendana l’osongo ɔmɔtshi shikaa waki l’ekambɔ k’Ɛdɛna? Lande na kakale Eva olowa w’oma lɔkɔ?
Oma lo nkɛlɛ polo lo ndjaka onto
Nzambi aketawɔ olambo wa Aabɛlɛ koko kombetawɔ wa Kɛna. Etena kakɛnyi Kɛna dui sɔ, nde akadunganɛ la nkɛlɛ k’efula ndo akasale dikambo dia kɔlɔ efula.
Waato wa luudu wa Nɔa
Etena kakatshuke andjelo wa kɔlɔ wamato la nkɛtɛ, vɔ wakote la wɔ ana wakayonga akongote wakahɛnyahɛnyaka anto. Akambo wa ngala wakikɔ l’ahole tshɛ. Koko Nɔa akatshikitana la wɔ—nde akokaka Nzambi ngandji ndo akookitanyiyaka.
Anto enanɛi wakashimbamɛ lo Mvula k’elola
Mvula k’elola kakalɔ nshi 40 la etsho 40. Nɔa la nkumbo kande waki lo waato wa luudu ndekana ɔnɔnyi ɔtɔi. L’ekomelo, vɔ wakakoke ntomba.
