Mbɔtwɛlɔ ka Etenyi 6
Lam’akayɔtɔka ase Isariyɛlɛ lo nkɛtɛ ya Daka, tabɛrnaklɛ akayokomaka dihole diakalɔmbɔmaka ɔtɛmwɛlɔ wa mɛtɛ. Ɛlɔmbɛdi waketshaka Ɛlɛmbɛ ndo toshushi mbakalɔmbɔlaka wodja. Etenyi kɛnɛ mɛnyaka shɛngiya ya wolo yonga la tɛdikɔ ndo etsha w’onto le anto akina. Ose Isariyɛlɛ tshɛ aki l’ɔkɛndɛ le Jehowa ndo le osekande onto. Ɛnya shɛngiya yaki la Dɛbɔra, Naɔmi, Jashua, Hana, ɔna womoto laki Jafɛta ndo Samuɛlɛ le anto wakadjasɛka la wɔ. Tɔtɔmiya woho wele kaanga anto amɔtshi waki komonga ase Isariyɛlɛ, ɛnyɛlɔ oko Rahaba, Ruta, Jaɛlɛ ndo ase Ngibiyɔna wakɔshi yɛdikɔ ya mbeta lo wedi w’ase Isariyɛlɛ nɛ dia vɔ wakeye dia Nzambi aki kaamɛ la wɔ.
LO ETENYI KƐNƐ
Jehowa ambɔsɔna Jashua
Nzambi akasha Jashua alako wakoka tokimanyiya ndo sho ɛlɔ kɛnɛ.
Rahaba amboshɛ atɔpi
Mpele dia Jeriko diambonyukɔ. Koko, luudu la Rahaba konyukɔ kaanga mbakalakama lo ehele k’osomba.
Jashua la ase Ngibiyɔna
Jashua akalɔmbɛ Nzambi ate: “Wonya le, emala!” Onde Nzambi akawokɛ?
Ɔnɔmbɔdi w’oyoyo ndo wamato ahende waki la dihonga
L’ɔkɔngɔ wa nyɔi ka Jashua, ase Isariyɛlɛ wakatatɛ ntɛmɔla dikishi. Lɔsɛnɔ laki wolo, koko ekimanyielo kakaye oma le Shushi Baraka, omvutshi wa womoto Dɛbɔra ndo Jaɛlɛ la wokɔ ande wa luudu la dipɛma!
Ruta la Naɔmi
Wamato ahende wakashisha waomɛwɔ wambokalola l’Isariyɛlɛ. Womoto ɔmɔtshi, lakawelɛka Ruta, akatshu dia tokamba l’ekambɔ, lɛnɛ akatowɛnaka Bɔaza.
Ngidiyɔna akalɛndja ase Midiyana
L’ɔkɔngɔ w’ase Midiyana mbetɛ lɔsɛnɔ l’ase Isariyɛlɛ wolo, ase Isariyɛlɛ wakayange ekimanyielo le Jehowa. Ngande wakalɛndja yema y’asɔlayi waki Ngidiyɔna atunyi awɔ 135000?
Hana ambɔlɔmba dia mbota
Elekana atatshu la Hana, Penina ndo nkumbo dia tɔtɛmɔla lo tabɛrnklɛ la Shilo. Lɛkɔ, Hana akalɔmbɛ dia mbota. Ɔnɔnyi ɔtɔi l’ɔkɔngɔ, nde akote Samuɛlɛ!
Daka diaki Jafɛta
Daka diakɔna diakalake Jafɛta ndo lande na? Kakɔna kakasale ɔna Jafɛta la womoto lo daka diakalake she?
Jehowa ambɔtɛkɛta la Samuɛlɛ
Ana ahende w’apami wa ɔlɔmbɛdi a laadiko Eli wakakambaka oko ɛlɔmbɛdi lo tabɛrnaklɛ, koko vɔ kokitanyiyaka ɛlɛmbɛ wa Nzambi. Samuɛlɛ laki eke dikɛnda akatshikitana la wɔ ndo Jehowa akatɛkɛta la nde.
Jehowa ambetɛ Samisɔna kanga wolo
Nzambi akasha Samisɔna wolo wa ndɔ l’ase Filistiya, koko etena kakɔshi Samisɔna yɛdikɔ ya kɔlɔ, ase Filistiya wakawonde.