Ɛnyɛlɔ 7:1-17
7 L’ɔkɔngɔ w’akambo asɔ, dimi lakɛnyi andjelo 4 wemadi l’atshuku 4 wa nkɛtɛ, wokime mpɛpɛ 4 ya la nkɛtɛ wolo diaha lɔpɛpɛ mpɛpa laadiko dia nkɛtɛ kana laadiko dia ndjale kana laadiko di’esongo.
2 Ko dimi lakɛnyi ondjelo okina ayadɛ oma l’ehotwelo ka wonya.* Nde akakimɛ ɛngɔ kɛmɔtshi kakandalongola oma le Nzambi kasɛna dia mbidja anto djembetelo la tɔ ndo akatɛ andjelo 4 wakawasha dikimɔ dia ndanya nkɛtɛ ndo ndjale la dui dia wolo,
3 ate: “Tanyolanyake nkɛtɛ kana ndjale kana esongo polo lam’ayotoshidiya mbidja ekambi wa Nzambi kaso djembetelo+ lo mfumu yawɔ.”+
4 Ko dimi lakoke lofulo la wanɛ wakadjama djembetelo, anto nunu lokama la akumi anɛi la nɛi (144 000)+ wakadjama djembetelo oma lo dioho tshɛ di’ana w’Isariyɛlɛ:+
5 Oma lo dioho dia Juda nunu dikumi la pende (12 000) mbakadjama djembetelo.Oma lo dioho dia Rubɛna nunu dikumi la pende (12 000).Oma lo dioho dia Ngada nunu dikumi la pende (12 000).
6 Oma lo dioho dia Ashɛrɛ nunu dikumi la pende (12 000).Oma lo dioho dia Nafɛtali nunu dikumi la pende (12 000).Oma lo dioho dia Manase+ nunu dikumi la pende (12 000).
7 Oma lo dioho dia Simɛyɔna nunu dikumi la pende (12 000).Oma lo dioho dia Lɛwi nunu dikumi la pende (12 000).Oma lo dioho dia Isakara nunu dikumi la pende (12 000).
8 Oma lo dioho dia Zebuluna nunu dikumi la pende (12 000).Oma lo dioho dia Yɔsɛfu nunu dikumi la pende (12 000).Oma lo dioho dia Bɛnjamina nunu dikumi la pende (12 000) mbakadjama djembetelo.
9 L’ɔkɔngɔ wa laasɔ, dimi lakɛnyi, nyolonge olui a woke w’anto wele ndooko onto lakoka mbadia, oma lo wedja tshɛ, oma lo waoho tshɛ ndo weho w’anto tshɛ ndo oma l’ɛtɛkɛta+ tshɛ wemadi la ntondo ka kiti ka lowandji ndo la ntondo k’Ɔna Ɔkɔkɔ, wɔlɔtshi ekutu wa wɛma+ ndo wokime waanga w’atoko l’anya awɔ.+
10 Vɔ wakahangɔhangɔka la dui dia wolo vate: “Panda kaso ndja oma le Nzambi kaso lodjashi lo kiti ka lowandji+ ndo oma le Ɔna Ɔkɔkɔ.”+
11 Andjelo tshɛ wakemala wodingi kiti ka lowandji la dikumanyi+ la ditongami 4 diasɛna, ndo vɔ wakayakɔsha ekukumadi la ntondo ka kiti ka lowandji ko wakatɛmɔla Nzambi,
12 wata vate: “Aamɛɛ! Lotombo ndo losaka ndo kɛnɛmɔ ndo wolo ndo nkudu kayalake le Nzambi kaso pondjo pondjo!+ Aamɛɛ.”
13 Ekumanyi kɛmɔtshi akamimbola ate: “Wanɛ wɔlɔtshi ekutu wa wɛma,+ waa na wewɔ ndo oma lende oyewɔ?”
14 Ko dimi lakookadimola mbala kakɔ ɔtɔi nte: “Wɛ keya, nkumɛmi.” Ko nde akambutɛ ate: “Vɔ wele wanɛ wamboya oma lo mfɔnu ka woke+ ndo vɔ wakasole ekutu awɔ ndo wakawaɛdia la dikila dia Ɔna Ɔkɔkɔ.+
15 Diakɔ diewɔ la ntondo ka kiti ka lowandji kaki Nzambi ndo vɔ wekɔ lo mbokambɛ olimu w’ekila la yanyi ndo l’otsho lo tɛmpɛlɔ kande. Ɔnɛ lodjashi lo kiti ka lowandji+ ayowakomba la luudu lande la dipɛma.+
16 Vɔ hawotoka ndjala nto kana mposa k’ashi ndo yanyi hayotowakɔmɔla ndo yanyi ya wolo hayotowakɔmɔla,+
17 nɛ dia Ɔna Ɔkɔkɔ+ lele l’atei* wa kiti ka lowandji ayowalama+ ndo ayowalɔmbɔla otsha lo tɔkɔkɔ* t’ashi wa lɔsɛnɔ.+ Ndo Nzambi ayokitola asɔyi tshɛ lo washo awɔ.”+
