Ɛzɛkiyɛlɛ 15:1-8
-
Jɛrusalɛma, ɔkɔdi wa vinyɔ w’anyanya (1-8)
15 Ɔtɛkɛta wa Jehowa wakaye le mi nto ɔnɛ:
2 “Ɔna onto, ngande watɛdikama nkunyi ya ɔkɔdi wa vinyɔ la nkunyi ya osongo okina kana la ntahe ya esongo wa l’okonda?
3 Onde osembe w’oma lɔkɔ koka kambema olimu ɔmɔtshi? Kana onde anto salaka tɔkɔhɔ la wɔ dia panɛka diangɔ?
4 Nyende, vɔ wambodjama lo dja oko nkunyi ndo dja yambotshumba tokoma takɔ tohende ndo yambɔtɔnyatɔnya okendeka awɔ. Onde wonya ɔnɛ vɔ wayokoka lo olimu ɔmɔtshi?
5 Kaanga etena kakiwɔ otondo vɔ kokoka nkamba ndooko olimu, kete hoke etena kambowotshumbama lo dja ndo kambowolongola!”
6 “Diakɔ diata Nkum’Olongo Nkumadiɔndjɔ Jehowa ate: ‘Oko nkunyi ya ɔkɔdi wa vinyɔ l’atei wa esongo wa l’okonda wamomokimɔ oko nkunyi lo dja, ngasɔ mbayomosalɛ ase Jɛrusalɛma.+
7 Dimi lambɛdiya elungi kami otsha le wɔ. Vɔ wakahande oma lo dja, koko dja yayowatshumba. Ko nyu nyayohomba mbeya dia dimi kele Jehowa etena kayomɛdiya elungi kami otsha le wɔ.’”+
8 “‘Dimi layetɛ wodja akɔ tɔngɔ+ to nɛ dia vɔ wakashisha kɔlamelo,’+ mbata Nkum’Olongo Nkumadiɔndjɔ Jehowa.”
