Ɛzɛkiyɛlɛ 35:1-15
-
Prɔfɛsiya kendana la akona wa la Seirɛ (1-15)
35 Ɔtɛkɛta wa Jehowa wakaye le mi nto ɔnɛ:
2 “Ɔna onto, ɛdiya elungi kayɛ otsha lo lɛkɛ l’akona la Seirɛ+ ndo ta prɔfɛsiya lo dikambo dialɔ.+
3 Tɛlɔ wate: ‘Nkum’Olongo Nkumadiɔndjɔ Jehowa kata ate: “Dimi layanga kɔlɔsha, wɛ lɛkɛ l’akona la Seirɛ ndo dimi layosembola lonya lami dia kɔlɔsha ndo ketɛ tɔngɔ to.+
4 Dimi layetɛ esomba ayɛ atota w’elanyelo ndo wɛ ayoyala tɔngɔ to;+ ko wɛ ayohomba mbeya dia dimi kele Jehowa.
5 Nɛ dia wɛ akɛnya lohetsho+ lahashile, ndo wɛ akakimɔ ase Isariyɛlɛ lo lokuwa la ta etena ka mpokoso kawɔ, etena ka dilanya diawɔ di’ekomelo.”’+
6 “‘Ɔnkɔnɛ, lo mɛtɛ oko wemi la lɔsɛnɔ,’ mbata Nkum’Olongo Nkumadiɔndjɔ Jehowa, ‘dimi layokɔlɔngɔsɔla dikambo dia ɔkɛdiɛlɔ wa dikila ndo ɔkɛdiɛlɔ wa dikila wayokoyela.+ Lam’ele dikila mbakayahetsha, ɔkɛdiɛlɔ wa dikila wayokoyela.+
7 Dimi layetɛ lɛkɛ l’akona la Seirɛ tɔngɔ to,+ ndo dimi layodiaka onto tshɛ leta laawɔ ndo onto tshɛ lakalola laawɔ.
8 Dimi layolodia akona wa lɔkɔ la edo; ndo wanɛ wayodiakema la lokuwa la ta wayokalema lo tokonakona tayɛ, lo ekidi ayɛ, ndo lo ɛkɛdi ayɛ tshɛ.
9 Dimi layoketɛ tshɛ tɔngɔ to, ndo anto hawotodjasɛ lo esomba ayɛ;+ ko wɛ ayohomba mbeya dia dimi kele Jehowa.’
10 “Lam’ele wɛ akate wate: ‘Wedja ɛnɛ 2, ndo bɛtshi dia nkɛtɛ nɛ 2 diayoyala diami, ndo tayɔsa wedja akɔ 2,’+ kaanga mbaki Jehowa ndamɛ lɛkɔ,
11 ‘ɔnkɔnɛ lo mɛtɛ oko wemi la lɔsɛnɔ,’ mbata Nkum’Olongo Nkumadiɔndjɔ Jehowa, ‘dimi layokosalɛ akambo la nkɛlɛ kakɔ kaamɛ ndo la kandjema kakayakɛnɛmɔla lo lohetsho laki la yɛ otsha le wɔ;+ ndo dimi layoyaeyanya l’atei awɔ etena kayomokolombosha.
12 Ko wɛ ayohomba mbeya dia dimi Jehowa dimɛ lakoke awui tshɛ wa kɔlɔ wakatɛkɛtama lo dikambo dia akona wa lo Isariyɛlɛ etena kakayate wate: “Vɔ wambotshikala tɔngɔ to ndo wambotoshawɔ dia sho mbalɛ.”*
13 Ndo wɛ akantɛkɛtɛ la lotamanya tshɛ ndo wɛ akafudia ɛtɛkɛta ayɛ oya le mi.+ Dimi lakoke tshɛ.’
14 “Nkum’Olongo Nkumadiɔndjɔ Jehowa kata ate: ‘Nkɛtɛ k’otondo kayɔngɛnangɛna etena kayomoketɛ tɔngɔ to.
15 Oko wakayangɛnangɛna etena kakatshikala etenyi k’okitɔ ka luudu la Isariyɛlɛ tɔngɔ to, ngasɔ kayomokosalɛ akambo.+ Wɛ ayoyala dihole di’elanyelo, wɛ lɛkɛ l’akona la Seirɛ, eelo, Ɛdɔmɛ w’otondo;+ ko vɔ wayohomba mbeya dia dimi kele Jehowa.’”
Nɔtɛ ka l'ɛse ka dikatshi
^ Tshɛk., “oko mbo ya ndɛ.”
