1 Ɛkɔndɔ 14:1-17
14 Hirama+ nkumekanga ka Tura akatomɛ Davidɛ akɛndji kaamɛ la abaya w’osongo w’olondo, waa masɔ yaka l’ave* ndo etshudi w’abaya dia mbokɛ luudu.*+
2 Ko Davidɛ akeye dia Jehowa ambooshikikadia nkumekanga k’Isariyɛlɛ,+ nɛ dia lowandji lande lakadiyama efula lo wahɔ wa wodja Ande w’Isariyɛlɛ.+
3 Davidɛ akatshuke wadi+ akina la Jɛrusalɛma ndo Davidɛ akote ana akina w’apami ndo wa wamato.+
4 Nkombo y’ana wakandote la Jɛrusalɛma+ yɔ nyɛ: Shamua, Shobaba, Natana,+ Sɔlɔmɔna,+
5 Ibarɛ, Elishua, Ɛlɛfɛlɛtɛ,
6 Nɔnga, Nɛfɛngɛ, Jafia,
7 Elishama, Beliyada ndo Elifɛlɛtɛ.
8 Lam’akoke ase Filistiya dia wambokita Davidɛ esɔ dia monga nkumekanga k’Isariyɛlɛ w’otondo,+ ase Filistiya tshɛ wakaye dia ndjoyanga Davidɛ.+ Lam’akoke Davidɛ dui sɔ, nde akatshu dia taalɔsha.
9 Ko ase Filistiya wakaye ndo wakalɔshaka l’Okidi* wa Rɛfayima.+
10 Davidɛ akambola Nzambi ate: “Mbide dia tɔlɔsha ase Filistiya? Onde wɛ ayowakimɔ lo anya ami?” Ko Jehowa akawotɛ ate: “Dɛ, nɛ dia ndooko onyake dimi layowakimɔ lo anya ayɛ.”+
11 Ɔnkɔnɛ Davidɛ akatshu la Baala-Pɛrazima,+ ko nde akaadiake lɛkɔ. Ko Davidɛ akate ate: “Nzambi ka mɛtɛ ambohandjola atunyi ami lo tshimbo ya lonya lami oko watokolaka ashi nkonge.” Diakɔ diakawɔlɛ dihole diakɔ ɔnɛ Baala-Pɛrazima.*
12 Ase Filistiya wakatshike tozambizambi tawɔ lɛkɔ, ndo lam’akadjanga Davidɛ, wakatitshumbe lo dja.+
13 L’ɔkɔngɔ diko, ase Filistiya wakaye nto dia ndjɔlɔsha l’okidi.*+
14 Davidɛ akambola Nzambi nto, koko Nzambi ka mɛtɛ akawotɛ ate: “Tosembɔke tɔɔ otsha le wɔ, koko tshimba oma l’ɔkɔngɔ awɔ kele tɔlɔ la wɔ mbɛlanɛ la hioka y’esongo wa baka.+
15 Lam’ayoyoka nkindo ya lɔkɛndɔ la diko dia hioka y’esongo wa baka, kowalɔsha nɛ dia Nzambi ka mɛtɛ ayeta la ntondo dia ndjaka asɔlayi w’ase Filistiya.”+
16 Ɔnkɔnɛ, Davidɛ akasale paka oko wakawodjangɛ+ Nzambi ka mɛtɛ, ko vɔ wakadiake asɔlayi w’ase Filistiya oma la Ngibiyɔna polo la Ngezɛrɛ.+
17 Ko lokumu la Davidɛ lakahandjɔnɛ lo wedja tshɛ, ndo Jehowa akasale dia wedja tshɛ+ mbooka wɔma.
Nɔtɛ ka l'ɛse ka dikatshi
^ Kana “ambiki wa mpele.”
^ Kana “luudu l’owandji.”
^ Kana “Okidi w’Ebamubamu.”
^ Kitshimudi ate: “Owandji wahandjola.”
^ Kana “okidi w’ebamubamu.”