1 Ɛkɔndɔ 24:1-31
24 Elui wa tokanula t’Arɔna vɔ ɛnɛ: Ana w’apami wa Arɔna vɔ anɛ: Nadaba, Abihu,+ Eleazara ndo Itamara.+
2 Koko Nadaba nde l’Abihu wakavu la ntondo ka shɛwɔ+ ndo vɔ komonga l’ana w’apami. Eleazara+ nde la Itamara wakatetemala nkamba oko ɛlɔmbɛdi.
3 Davidɛ kaamɛ la Zadɔka+ oma l’atei w’ana w’apami wa Eleazara ndo Ahimɛlɛkɛ oma l’atei w’ana w’apami wa Itamara wakakenge elui awɔ dikambo di’ɔkɛndɛ w’olimu awɔ.
4 Lam’ele ana w’apami wa Eleazara waki la ewandji efula ndeka ana w’apami wa Itamara, wakaakahanya lo yoho nyɛ: Ana w’apami wa Eleazara waki l’anto 16 waki ɛtɛ wa nkumbo ya washɛwɔ, ndo ana w’apami wa Itamara waki l’anto 8 waki ɛtɛ wa nkumbo ya washɛwɔ.
5 Ndo nto, vɔ wakaakahanya lo eokelo k’owale,+ olui ɔmɔtshi kaamɛ l’olui okina, nɛ dia ewandji wa dihole di’ekila ndo ewandji wakakambɛka Nzambi ka mɛtɛ wakɔsama l’atei w’ana w’apami wa Eleazara ndo ana w’apami wa Itamara.
6 Oma laasɔ, Shemaya ɔna Netanɛlɛ laki ofundji w’ase Lɛwi akafunde nkombo yawɔ la ntondo ka nkumekanga, k’ewandji, k’ɔlɔmbɛdi Zadɔka,+ ka Ahimɛlɛkɛ+ ɔna Abiyatara+ ndo la ntondo k’ɛtɛ wa nkumbo ya washe ɛlɔmbɛdi la ase Lɛwi, nkumbo kɛmɔtshi ka washɛwɔ kakasɔnama dikambo dia Eleazara ndo kekina kakasɔnama dikambo dia Itamara.
7 Owale wa ntondo wakakɔ le Jɛhɔyaribɛ; wa 2 le Jedaya,
8 wa 3 le Harimɛ, wa 4 le Seɔrimɛ,
9 wa 5 le Malakidja, wa 6 le Midjamina,
10 wa 7 le Hakɔzɛ, wa 8 le Abidja,+
11 wa 9 le Jeshua, wa 10 le Shekaniya,
12 wa 11 le Eliyashibɛ, wa 12 le Jakima,
13 wa 13 le Hupa, wa 14 le Jɛshɛbɛabɛ,
14 wa 15 le Bilinga, wa 16 le Imɛrɛ,
15 wa 17 le Heziri, wa 18 le Hapizɛzɛ,
16 wa 19 le Petahiya, wa 20 le Jɛhɛzɛkɛlɛ,
17 wa 21 le Jakina, wa 22 le Ngamula,
18 wa 23 le Delaya, ndo wa 24 le Maziya.
19 Ɔsɔ mbaki ɛkɛndɛ awɔ wa l’olimu awɔ+ etena kakawahombaka ndja lo luudu la Jehowa lo ndjela woho wakakongɛ Arɔna wa tshɛwɔ, paka oko wakawodjangɛ Jehowa Nzambi k’Isariyɛlɛ.
20 Ndo oma le ase Lɛwi akina tshɛ: Oma le ana w’apami wa Amurama: Shubaɛlɛ;+ oma le ana w’apami wa Shubaɛlɛ:+ Jɛdɛya;
21 oma le Rɛhabiya:+ Oma le ana w’apami wa Rɛhabiya: Ishiya laki owandji;
22 oma le aseka Izɛhara: Shelɔmɔta;+ oma le ana w’apami wa Shelɔmɔta: Jahata;
23 oma le ana w’apami wa Hɛbɛrɔna: Jɛriya+ laki owandji, Amariya la 2, Jahaziyɛlɛ la 3, Jɛkameamɛ la 4.
24 Oma le ana w’apami wa Uziyɛlɛ: Mika; oma le ana w’apami wa Mika: Shamira.
25 Ishiya aki ɔnango Mika; oma le ana w’apami wa Ishiya: Zɛkariya.
26 Ana w’apami wa Merari+ vɔ anɛ: Mahili nde la Mushi. Oma le ana w’apami wa Jaziya: Beno.
27 Ana w’apami wa Merari vɔ anɛ: Oma le Jaziya: Beno, Shohama, Zakura ndo Ibiri.
28 Oma le Mahili: Eleazara laki kombota ana w’apami.+
29 Oma le Kisha: Ana w’apami wa Kisha: Jerahemɛlɛ;
30 ndo ana w’apami wa Mushi vɔ anɛ: Mahili, Edɛrɛ ndo Jerimɔtɛ.
Wasɔ mbele ana w’apami wa Lɛwi lo ndjela ɛtɛ wa nkumbo ya washɛwɔ.
31 Vɔ lawɔ wakoke owale+ oko anangɛwɔ ana wa Arɔna lo washo wa nkumekanga Davidɛ, Zadɔka, Ahimɛlɛkɛ ndo ɛtɛ wa nkumbo ya washe ɛlɔmbɛdi l’ase Lɛwi. Lo kɛnɛ kendana la nkumbo ya washɛwɔ, owandji aki paka oko ɔnango la kose.