1 Ɛkɔndɔ 26:1-32
26 Elui w’alami w’asoko+ waki nganɛ: Oma le aseka Kɔra: Meshɛlɛmiya+ ɔna Kɔre l’atei w’ana w’apami wa Asafu.
2 Ana w’apami wa Meshɛlɛmiya vɔ anɛ: Zɛkariya ɔna l’enondo, Jɛdiyaɛlɛ la 2, Zebadiya la 3, Jatiniyɛlɛ la 4,
3 Elama la 5, Jɛhɔhanana la 6 ndo Eliyeho-Enai la 7.
4 Ana w’apami wa Ɔbɛdɛ-Ɛdɔmɛ vɔ anɛ: Shemaya ɔna l’enondo, Jɛhɔzabada la 2, Joa la 3, Sakara la 4, Netanɛlɛ la 5,
5 Amiyɛlɛ la 6, Isakara la 7 ndo Peulɛtai la 8; dikambo Nzambi akɔɔtshɔkɔla.
6 Ɔnande Shemaya akote ana w’apami waki ewandji wa mvudu ya washɛwɔ, nɛ dia vɔ waki apami wa wolo ndo wele la akoka.
7 Ana w’apami wa Shemaya vɔ anɛ: Otini, Rɛfaɛlɛ, Ɔbɛdɛ ndo Elizabada. Elihu nde la Sɛmakiya anango waki vɔ lawɔ apami wele la akoka.
8 Vɔ tshɛ waki ana w’apami wa Ɔbɛdɛ-Ɛdɔmɛ. Vɔ l’anawɔ ndo anangɛwɔ waki apami wele la akoka ndo wakakotshaka kɛnɛ kalɔmbama dia nkamba olimu, anto 62 waki Ɔbɛdɛ-Ɛdɔmɛ.
9 Meshɛlɛmiya+ aki la ana w’apami ndo anango, apami 18 wele la akoka.
10 Hɔsa ɔna Merari aki l’ana w’apami. Shimiri kaki owandji, nɛ dia kaanga mbakinde komonga enondo, she akɔɔsɔnɛ owandji,
11 Hilikiya la 2, Tebaliya la 3 ndo Zɛkariya la 4. Ana w’apami tshɛ ndo anango Hɔsa waki 13.
12 L’atei w’elui w’alami w’asoko asɔ, ewandji waki la ɛkɛndɛ paka oko wakasalaka anangɛwɔ, dia nkamba lo luudu la Jehowa.
13 Ko vɔ wakoke owale,+ akɛnda ndo epalanga lo ndjela mvudu ya washɛwɔ dikambo dia asoko wotshikitanyi.
14 Ko owale wa lo ɛstɛ wakakɔ le Shelemiya. Lo dikambo dia ɔnande Zɛkariya, ondaki wa kɛsɔ, vɔ wakoke owale, ko owale wakakɔ lo nɔrdɛ.
15 Wa Ɔbɛdɛ-Ɛdɔmɛ wakakɔ lo sidɛ, ndo anande w’apami+ wakalongola ɔkɛndɛ wendana la mvudu ya waombelo.
16 Wa Shupima nde la Hɔsa+ wakakɔ lo owɛstɛ, suke la Soko dia Shalɛkɛtɛ lo mboka k’otsha la diko, olui w’alami mbɛlanɛ l’olui w’alami.
17 Ase Lɛwi 6 waki lo ɛstɛ; lo nɔrdɛ 4 lushi tshɛ, ndo lo sidɛ 4 lushi tshɛ. Lo dikambo dia mvudu ya waombelo,+ ahende ahende;
18 lo dikambo dia dɛfu dia lo owɛstɛ, 4 waki lo mboka ka woke+ ndo 2 lo dɛfu.
19 Wasɔ mbaki elui w’alami w’asoko l’atei w’ana w’apami w’aseka Kɔra ndo w’aseka Merari.
20 Lo kɛnɛ kendana l’ase Lɛwi, Ahidja kaki la ɔkɛndɛ wa namaka diangɔ dia nɛmɔ dia lo luudu la Nzambi ka mɛtɛ ndo diangɔ dia nɛmɔ diakakidiama.*+
21 Ana w’apami wa Ladana vɔ anɛ: Ana w’apami w’aseka Ngɛrɛshɔna waki wa Ladana, ɛtɛ wa nkumbo ya washɛwɔ waki Ladana l’oseka Ngɛrɛshɔna, Jɛhiyɛli+
22 ndo ana w’apami wa Jɛhiyɛli: Zetama nde la Jɔɛlɛ ɔnango. Vɔ waki la ɔkɛndɛ wa namaka diangɔ dia nɛmɔ dia lo luudu la Jehowa.+
23 Oma le aseka Amurama, aseka Izɛhara, aseka Hɛbɛrɔna ndo aseka Uziyɛlɛ,+
24 Shɛbuɛlɛ ɔna Ngɛrɛshɔmɛ ɔna Mɔsɛ aki ɔnɔmbɔdi wakendaka mvudu ya waombelo.
25 Lo kɛnɛ kendana l’anango, oma le Eliɛzɛrɛ:+ Rɛhabiya+ ɔnande, Jɛshaya ɔnande, Jɔrama ɔnande, Zikiri ɔnande ndo Shelɔmɔta ɔnande.
26 Shelɔmɔta shɔ nde l’anango mbaki la ɔkɛndɛ wa namaka diangɔ dia nɛmɔ tshɛ dia lo diangɔ diakakidiama,+ diakakidia nkumekanga Davidɛ,+ ɛtɛ wa nkumbo ya washɛwɔ,+ ewandji w’anto nunu nunu ndo w’anto nkama nkama, ndo ewandji w’asɔlayi.
27 Vɔ wakakidia diangɔ dimɔtshi di’oma lo ata,+ diangɔ dia dimbo+ dia nɔngɔsɔla luudu la Jehowa.
28 Ndo diangɔ tshɛ diakakidia Samuɛlɛ ɔmɛnyi w’akambo woshɛmi,+ Saolo ɔna Kisha, Abinɛrɛ+ ɔna Nɛrɛ ndo Jɔaba+ ɔna Zeruya.+ Wakasha Shelomita nde l’anango ɔkɛndɛ wa namaka ɛngɔ tshɛ kakakidiaka onto ɔmɔtshi.
29 Oma le aseka Izɛhara,+ Kɛnaniya nde l’anande w’apami wakalongola ɔkɛndɛ wendana la elimu wa l’andja oko topita ndo toshushi+ ta l’Isariyɛlɛ.
30 Oma le ase Hɛbɛrɔna,+ Hashabiya nde l’anango, apami kinunu la nkama esambele (1 700) wele la akoka waki la ɔkɛndɛ wa nɔmbɔlaka akambo w’ase Isariyɛlɛ lo ɛtshi ka nkɛtɛ ka lo owɛstɛ wa Jɔrdana dikambo dia olimu tshɛ wa Jehowa ndo dikambo dia olimu wa nkumekanga.
31 Oma le ase Hɛbɛrɔna, Jeridja+ kaki owandji w’ase Hɛbɛrɔna lo ndjela ɔlɔndji wa tokanula ta luudu l’aseka shɛwɔ. Lo ɔnɔnyi wa 40 wa lowandji la Davidɛ,+ vɔ wakayange, ko wakɛnyi apami wa wolo ndo wele la akoka l’atei awɔ la Jazɛrɛ+ ndo la Ngiliyadɛ.
32 Ndo lofulo l’anango, apami wele la akoka ndo ɛtɛ wa nkumbo ya washɛwɔ laki nunu pende la nkama esambele (2 700). Ɔnkɔnɛ nkumekanga Davidɛ akawadje ewandji w’aseka Rubɛna, aseka Ngada ndo k’ahende ɔtɔi ka dioho dia Manase lo kɛnɛ tshɛ kendana la Nzambi ka mɛtɛ ndo kendana la nkumekanga.
Nɔtɛ ka l'ɛse ka dikatshi
^ Kana “diangɔ diakakimɔma.”