1 Ɛkɔndɔ 27:1-34
-
Topita l’olimu wa nkumekanga (1-34)
27 Ɔnɛ ele lofulo l’ase Isariyɛlɛ, ɛtɛ wa nkumbo ya washɛwɔ, ewandji w’anto nunu nunu ndo w’anto nkama nkama,+ topita tawɔ takakambɛka nkumekanga+ l’oseka dikambo tshɛ diendana la elui wakatshɔka ndo wakakalolaka ngɔndɔ la ngɔndɔ lo ngɔndɔ yakɔ tshɛ ya l’ɔnɔnyi; olui tshɛ waki l’anto nunu akumi ahende la nɛi (24 000).
2 Jashobeama+ ɔna Zabidiyɛlɛ kaki omendji w’olui wa ntondo wa lo ngɔndɔ ka ntondo, ndo anto nunu akumi ahende la nɛi (24 000) waki l’olui ande.
3 L’atei w’ana w’apami wa Perɛzɛ,+ nde kaki ɔtɛ w’ewandji tshɛ w’elui waki la ɔkɛndɛ wa kambaka lo ngɔndɔ ka ntondo.
4 Dodai+ ɔna Ahɔhi+ kaki omendji w’olui wa lo ngɔndɔ ka 2, Mikilɔtɛ kaki ɔnɔmbɔdi, ndo anto nunu akumi ahende la nɛi (24 000) waki l’olui ande.
5 Bɛnaya+ ɔna Jɛhɔyada+ laki owandji w’ɛlɔmbɛdi kaki owandji w’olui wa 3 waki la ɔkɛndɛ wa kambaka lo ngɔndɔ ka 3, ndo anto nunu akumi ahende la nɛi (24 000) waki l’olui ande.
6 Bɛnaya aki ɔndɔshi wa ta ɔmɔtshi wa wolo l’atei w’andɔshi wa ta wa wolo 30 ndo nde kaki owandji w’andɔshi wa ta wa wolo 30, ndo ɔnande Amizadaba kaki omendji w’olui ande.
7 Asahɛlɛ+ ɔnango Jɔaba+ kaki omendji w’olui wa lo ngɔndɔ ka 4; oma laasɔ ko ɔnande Zebadiya, ndo anto nunu akumi ahende la nɛi (24 000) waki l’olui ande.
8 Shamihutɛ oseka Izira kaki owandji wa 5 wa lo ngɔndɔ ka 5, ndo anto nunu akumi ahende la nɛi (24 000) waki l’olui ande.
9 Ira+ ɔna Ikɛshɛ ose Tekoa+ kaki omendji wa 6 wa lo ngɔndɔ ka 6, ndo anto nunu akumi ahende la nɛi (24 000) waki l’olui ande.
10 Helɛzɛ+ ose Pelɔna l’atei w’aseka Efrayimɛ kaki omendji wa 7 wa lo ngɔndɔ ka 7, ndo anto nunu akumi ahende la nɛi (24 000) waki l’olui ande.
11 Sibekai+ ose Husha l’atei w’aseka Zera+ kaki omendji wa 8 wa lo ngɔndɔ ka 8, ndo anto nunu akumi ahende la nɛi (24 000) waki l’olui ande.
12 Abiɛzɛrɛ+ ose Anatɔta+ l’atei w’aseka Bɛnjamina kaki omendji wa 9 wa lo ngɔndɔ ka 9, ndo anto nunu akumi ahende la nɛi (24 000) waki l’olui ande.
13 Maharai+ ose Netɔfa l’atei w’aseka Zera+ kaki omendji wa 10 wa lo ngɔndɔ ka 10, ndo anto nunu akumi ahende la nɛi (24 000) waki l’olui ande.
14 Bɛnaya+ ose Piratɔna l’atei w’ana w’apami wa Efrayimɛ kaki omendji wa 11 wa lo ngɔndɔ ka 11, ndo anto nunu akumi ahende la nɛi (24 000) waki l’olui ande.
15 Helɛdai ose Netɔfa l’atei w’aseka Otinyɛlɛ kaki omendji wa 12 wa lo ngɔndɔ ka 12, ndo anto nunu akumi ahende la nɛi (24 000) waki l’olui ande.
16 Ɛnɔmbɔdi wa waoho wa l’Isariyɛlɛ vɔ ɛnɛ: Eliɛzɛrɛ ɔna Zikiri kaki ɔnɔmbɔdi w’aseka Rubɛna; Shefatiya ɔna Maaka kaki ɔnɔmbɔdi w’aseka Simɛyɔna;
17 Hashabiya ɔna Kɛmuɛlɛ kaki ɔnɔmbɔdi w’aseka Lɛwi; Zadɔka kaki ɔnɔmbɔdi w’aseka Arɔna;
18 Elihu+ ɔnango Davidɛ kaki ɔnɔmbɔdi w’aseka Juda; Omiri ɔna Mikayɛlɛ kaki ɔnɔmbɔdi w’aseka Isakara;
19 Ishimaya ɔna Obadiya kaki ɔnɔmbɔdi w’aseka Zebuluna; Jerimɔtɛ ɔna Aziriyɛlɛ kaki ɔnɔmbɔdi w’aseka Nafɛtali;
20 Hɔshɛya ɔna Azaziya kaki ɔnɔmbɔdi w’aseka Efrayimɛ; Jɔɛlɛ ɔna Pedaya kaki ɔnɔmbɔdi wa k’ahende ɔtɔi ka dioho dia Manase;
21 Ido ɔna Zɛkariya kaki ɔnɔmbɔdi wa k’ahende ɔtɔi ka dioho dia Manase diaki la Ngiliyadɛ; Jasiyɛlɛ ɔna Abinɛrɛ+ kaki ɔnɔmbɔdi w’aseka Bɛnjamina;
22 Azarɛlɛ ɔna Jɛrɔhama kaki ɔnɔmbɔdi w’aseka Danɛ. Wasɔ mbaki ewandji wa waoho wa l’Isariyɛlɛ.
23 Davidɛ kombadia wanɛ waki l’ɛnɔnyi oma lo 20 otsha l’ɛse, nɛ dia Jehowa akalake dia mbetɛ Isariyɛlɛ efula oko tɔɔtɔ ta l’olongo.+
24 Jɔaba ɔna Zeruya kakatatɛ mbadia, koko nde koshidiya. Ko nkɛlɛ ka Nzambi kakaye le Isariyɛlɛ* l’ɔtɛ wa dikambo sɔ,+ ndo lofulo lakɔ kɔmbɔtɔ lo ɔkɔndɔ wa tena dia nkumekanga Davidɛ.
25 Azɛmavɛta ɔna Adiyɛlɛ kaki omendji wa waombelo waki nkumekanga.+ Jɔnatana ɔna Uziya kaki omendji wa mvudu ya waombelo* yaki lo tosamba, lo esomba, lo ngelo ndo lo tosombasomba.
26 Eziri ɔna Kelubɛ kaki omendji w’akambi wa dikambɔ, wanɛ wakakambaka nkɛtɛ.
27 Shimei ose Rama kaki omendji wa dikambɔ dia vinyɔ; Zabidi ose Sifimɔtɛ kaki omendji wa diangɔ diatondja wanu di’oma lo dikambɔ dia vinyɔ.
28 Baala-Hanana ose Ngedɛrɛ kaki omendji wa dikambɔ di’ɔlivɛ ndo w’esongo wa lokumu+ wa la Shɛfɛla;+ Jɔashi kaki omendji wa bisɔ.
29 Shitirai ɔna Sharɔna+ kaki omendji wa ngɔmbɛ yakalɛka adiyo la Sharɔna; ndo Shafata ɔna Adɛlai kaki omendji wa ngɔmbɛ yakalɛka lo ekidi.
30 Ɔbili oseka Ishimaɛlɛ kaki omendji wa kamɛlɔ; Jɛdɛya ose Merɔnɔtɛ kaki omendji wa mponda.*
31 Jazizɛ ose Hangirɛ kaki omendji w’ɛkɔkɔ. Wasɔ tshɛ mbaki ewandji wa diangɔ dia nkumekanga Davidɛ.
32 Jɔnatana+ ɔna ɔnango Davidɛ aki ondaki, pami ka yimba ndo nde aki ofundji; Jɛhiyɛlɛ ɔna Hakimɔni aki olami w’ana+ wa nkumekanga.
33 Ahitɔfɛlɛ+ aki ondaki wa nkumekanga; ndo Hushai+ ose Araka aki ɔngɛnyi wa nkumekanga.
34 L’ɔkɔngɔ wa Ahitɔfɛlɛ mbaki Jɛhɔyada ɔna Bɛnaya+ ndo Abiyatara;+ Jɔaba+ aki owandji w’asɔlayi wa nkumekanga.
Nɔtɛ ka l'ɛse ka dikatshi
^ Tshɛk., “Ko nkɛlɛ kaki lo Isariyɛlɛ.”
^ Kana “waombelo.”
^ Tshɛk., “mponda ya wadi.”