1 Ɛkɔndɔ 4:1-43
4 Ana w’apami wa Juda vɔ anɛ: Perɛzɛ,+ Hɛzɛrɔna,+ Karami,+ Hura ndo Shobala.+
2 Reaya ɔna Shobala akote Jahata; Jahata akote Ahumai nde la Lahada. Ɔsɔ kele nkumbo y’aseka Zɔrata.+
3 Ana w’apami wa she Etamɛ+ vɔ anɛ: Jezɛrɛlɛ, Ishima ndo Idibashi (kadiyɛwɔ lokombo lande Hazɛlɛpɔni),
4 Penuɛlɛ akote Ngɛdɔrɛ, ndo Ezɛrɛ akote Husha. Wasɔ mbele ana w’apami wa Hura+ ɔna Efarata l’enondo ndo she Bɛtɛlɛhɛma.+
5 Ashura+ she Tekoa+ aki la wadi 2, Hela nde la Nara.
6 Nara akote la nde Ahuzama, Hefɛrɛ, Temɛni ndo Hahashitari. Wasɔ mbele ana w’apami wa Nara.
7 Ana w’apami wa Hela vɔ anɛ: Zɛrɛtɛ, Izɛhara ndo Etinana.
8 Kɔza akote Anuba, Zɔbɛba ndo nkumbo ya Aharɛlɛ ɔna Haruma.
9 Jabɛzɛ aki la nɛmɔ oleki anango, ko nyango akawɔlɛ Jabɛzɛ,* ata ate: “Lo kandji kamomowoota.”
10 Jabɛzɛ akalɔmbɛ Nzambi k’Isariyɛlɛ ate: “Otoyɔntshɔkɔla ndo otoyonunya olelo w’ɛtshi kami ka nkɛtɛ, ko lonya layɛ monga kaamɛ la mi ndo shimbɛmi lo mpokoso diaha waale komɛmi lo dikambo sɔ lee!” Ko Nzambi akasale kɛnɛ kakandalɔmbɛ.
11 Kelubɛ ɔnango Shuha akote Mɛhirɛ she Eshitɔna.
12 Eshitɔna akote Bɛtɛ-Rafa, Pasea ndo Tehina she Irɛ-Nahashi. Wasɔ mbaki aseka Rɛka.
13 Ana w’apami wa Kenazɛ vɔ anɛ: Otinyɛlɛ+ nde la Seraya, ndo ɔna* pami laki Otinyɛlɛ ko Hatatɛ.
14 Meonotai akote Ofara. Seraya akote Jɔaba she Ngɛ-Harashima;* vɔ wakelamɛka ngasɔ dikambo waki etshudi.
15 Ana w’apami wa Kalɛba+ ɔna Jefune vɔ anɛ: Iru, Ela ndo Naama; ɔna* pami laki Ela ko Kenazɛ.
16 Ana w’apami wa Jɛhalɛlɛ vɔ anɛ: Zifu, Zifa, Tiriya ndo Asarɛlɛ.
17 Ana w’apami wa Ezera vɔ anɛ: Jɛtɛrɛ, Mɛrɛdɛ, Efɛrɛ ndo Jalɔna; nde* akatshu diemi, ko akote Miriyama, Shamai ndo Ishiba she Eshitɛmɔa.
18 (Wadɛnde l’ose Juda akote nde la Jɛrɛdɛ she Ngɛdɔrɛ, Hebɛrɛ she Sɔkɔ ndo Jekutiyɛlɛ she Zanoa.) Wasɔ mbaki ana w’apami wa Bitiya ɔna womoto laki Farawɔ lakatshukama le Mɛrɛdɛ.
19 Ana w’apami wakote wadi aki Hɔdiya kadiyɔ aki Nahama mbakote Keila ose Ngarama nde la Eshitɛmɔa ose Maakata.
20 Ana w’apami wa Shimɔna vɔ anɛ: Aminɔna, Rina, Bɛnɛ-Hanana ndo Tilɔna. Ndo ana w’apami wa Ishi vɔ anɛ: Zɔhɛtɛ nde la Bɛnɛ-Zɔrɛta.
21 Ana w’apami wa Shɛla+ ɔna Juda vɔ anɛ: Ɛrɛ she Leka, Lada she Maresha ndo nkumbo y’asadi w’ahɔndɔ w’amɛna wa luudu la Ashibea,
22 kaamɛ ndo Jokima, ase Kɔzɛba, Jɔashi ndo Sarafu lakatshuke wamato w’ase Mɔaba la w’ase Jashubi-Lɛhɛmɛ. Ɔsɔ ekɔ ɛkɔndɔ w’edjedja.*
23 Vɔ waki akengi wa mpoke wakadjasɛka la Netayima ndo la Ngedɛra. Vɔ wakadjasɛka lɛkɔ ndo wakakambɛka nkumekanga.
24 Ana w’apami wa Simɛyɔna+ vɔ anɛ: Nɛmuɛlɛ, Jamina, Jaribɛ, Zera ndo Shaolo.+
25 Shaluma ɔnande, Mibisama ɔnande ndo Mishima ɔnande.
26 Ana w’apami wa Mishima vɔ anɛ: Hamuɛlɛ ɔnande, Zakura ɔnande, Shimei ɔnande.
27 Shimei aki l’ana w’apami 16 ndo ana wa wamato 6; koko anango kombota ana efula ndo l’atei wa nkumbo yawɔ, ndooko nkumbo kaki l’apami efula oko Juda.+
28 Vɔ wakadjasɛka la Bɛrɛ-Shɛba,+ Mɔlada,+ Hazara-Shuala,+
29 Biliha, Ezɛmɛ,+ Tɔlada,
30 Bɛtuɛlɛ,+ Horima,+ Zikilangɛ,+
31 Bɛtɛ-Marakabɔtɛ, Hazara-Susima,+ Bɛtɛ-Biri ndo la Sharayima. Ɔsɔ mbaki esomba awɔ polo lam’akolɛ Davidɛ.
32 Ahole wakawadjasɛka vɔ anɛ: Etamɛ, Ainɛ, Rimɔna, Tɔkɛna ndo Ashana,+ esomba 5,
33 kaamɛ la ahole awɔ wa mbidjasɛ wakadinge esomba ɛsɔ tshɛ polo la Baala. Ɔsɔ mbaki ofundjelo awɔ wa nkombo lo ndjela ɛlɔndji awɔ ndo ahole wakawadjasɛka.
34 Ndo Meshɔbaba, Jamalɛkɛ, Jɔsha ɔna Amaziya,
35 Jɔɛlɛ, Jehu ɔna Jɔshibiya ɔna Seraya ɔna Asiyɛlɛ,
36 ndo Eliyɔɛnai, Jaakɔba, Jɛshoshaya, Asaya, Adiyɛlɛ, Jɛsimiyɛlɛ, Bɛnaya,
37 ndo Ziza ɔna Shifi ɔna Alɔna ɔna Jedaya ɔna Shimiri ɔna Shemaya;
38 wanɛ woshilami nkombo mbaki ewandji lo nkumbo yawɔ ndo lofulo l’ase luudu la watshɛwɔ lakadɛ.
39 Ko vɔ wakatshu la soko dia Ngɛdɔrɛ lo ɛstɛ k’okidi dia toyangɛ dongalonga diawɔ adiyo.
40 Vɔ wakatotana dihole dia dimɛna diaki la adiyo efula ndo wodja akɔ waki woke, waki lo wɔladi ndo ndooko ofukutanu waki lɔkɔ. Ase Hama+ mbakadjasɛka ntondo laawɔ.
41 Wanɛ woshilami nkombo yawɔ wakaye lo nshi yakalɔmbɔlaka Hɛzɛkiya+ nkumekanga ka Juda, ko wakanyukola mvudu y’apɛma y’ase Hama ndo aseka Meunima waki lɛkɔ. Vɔ wakaalanya polo ndo ɛlɔ, ko wakadjasɛ lo dihole diawɔ, nɛ dia adiyo wa ndesha dongalonga waki lɛkɔ.
42 Aseka Simɛyɔna amɔtshi, apami 500 wakatshu lo Dikona dia Seirɛ+ kaamɛ la Pelatiya, Neariya, Rɛfaya ndo Uziyɛlɛ; ana wa Ishi asɔ mbakaalɔmbɔla.
43 Ko vɔ wakadiake atshikadi w’ase Amalɛka+ wanɛ wakalawɔ ndo wakadjasɛ laawɔ polo ndo ɛlɔ.
Nɔtɛ ka l'ɛse ka dikatshi
^ Ondo lokombo Jabɛzɛ mbɔtɔnɛka la tshɛkɛta ya lo Hɛbɛru yalembetshiya “kandji.”
^ Tshɛk., “ana.”
^ Kitshimudi ate: “Okidi w’Etshudi.”
^ Tshɛk., “ana.”
^ Ondo mendanaka la Bitiya lo div. 18.
^ Kana “ditelo dia mbekelo y’edjedja.”
