1 Ɛkɔndɔ 7:1-40
7 Ana w’apami wa Isakara vɔ anɛ: Tola, Pua, Jashubɛ ndo Shimirɔna,+ 4.
2 Ana w’apami wa Tola vɔ anɛ: Uzi, Rɛfaya, Jɛriyɛlɛ, Jahamai, Ibisama ndo Shemuɛlɛ, ɛtɛ wa nkumbo ya washɛwɔ. Tokanula ta Tola waki andɔshi wa ta wa wolo; lo nshi ya Davidɛ, lofulo lawɔ laki nunu akumi ahende la pende la nkama shamalo (22 600).
3 Tokanula* ta Uzi tɔ tɔnɛ: Izirahiya ndo ana w’apami wa Izirahiya vɔ anɛ: Mikayɛlɛ, Obadiya, Jɔɛlɛ ndo Ishiya, vɔ akɔ 5 waki ewandji.*
4 Asɔlayi awɔ nunu akumi asato la samalo (36 000) waki suke dia ndɔ ta waki kaamɛ la wɔ, lo ndjela mvudu ya washɛwɔ, nɛ dia vɔ waki la wadi ndo la ana efula.
5 Anangɛwɔ wa lo nkumbo tshɛ ya Isakara waki andɔshi wa ta wa wolo nunu akumi enanɛi l’esambele (87 000), oko woshilamiwɔ lo ofundjelo wa nkombo lo ndjela ɛlɔndji awɔ.+
6 Ana w’apami wa Bɛnjamina+ vɔ anɛ: Bɛla,+ Bɛkɛrɛ+ ndo Jɛdiyaɛlɛ,+ 3.
7 Ana w’apami wa Bɛla vɔ anɛ: Ezebɔna, Uzi, Uziyɛlɛ, Jerimɔtɛ ndo Iri, 5; vɔ waki ɛtɛ wa nkumbo ya washɛwɔ, andɔshi wa ta wa wolo ndo nunu akumi ahende la pende la akumi asato l’anɛi (22 034) wakafundjama nkombo+ lo ndjela ɛlɔndji awɔ.
8 Ana w’apami wa Bɛkɛrɛ vɔ anɛ: Zemira, Jɔashi, Eliɛzɛrɛ, Eliyɔɛnai, Omiri, Jɛrɛmɔtɛ, Abidja, Anatɔta ndo Alɛmɛtɛ, wasɔ tshɛ mbele ana w’apami wa Bɛkɛrɛ.
9 Ofundjelo awɔ wa nkombo lo ndjela ɛlɔndji awɔ, lo ndjela tokanula tawɔ lo kɛnɛ kendana l’ɛtɛ wa nkumbo ya washɛwɔ, vɔ waki andɔshi wa ta wa wolo nunu akumi ahende la nkama hiende (20 200).
10 Ana w’apami wa Jɛdiyaɛlɛ+ vɔ anɛ: Bilihana ndo ana w’apami wa Bilihana vɔ anɛ: Jeushɛ, Bɛnjamina, Ehudɛ, Kɛnana, Zetana, Tarashishi ndo Ahishahara.
11 Wasɔ tshɛ mbele ana w’apami wa Jɛdiyaɛlɛ lo ndjela ɛtɛ wa watshɛwɔ, andɔshi wa ta wa wolo nunu dikumi l’esambele la nkama hiende (17 200) waki suke dia ntshɔ lo ta.
12 Shupima nde la Hupima mbele ana w’apami wa Irɛ;+ aseka Hushima waki ana w’apami wa Ahɛra.
13 Ana w’apami wa Nafɛtali+ vɔ anɛ: Jahaziɛlɛ, Nguni, Jezɛrɛ ndo Shaluma,* tokanula* ta Biliha.+
14 Ana w’apami wa Manase vɔ anɛ:+ Asiriyɛlɛ ɔna lakandote la oseka ande w’ose Suriya (nde akote la nde Makiri+ she Ngiliyadɛ.
15 Makiri akatshukɛ Hupima nde la Shupima wadi ndo kadiyɛnde lokombo lande Maaka.) La 2 lokombo lande Zelɔfɛhadɛ, koko Zelɔfɛhadɛ+ akote paka ana wa wamato.+
16 Maaka wadi aki Makiri akote ɔna pami, ko akawɔlɛ Pereshɛ. Ɔnango lokombo lande Sherɛshɛ; ndo nde akote Ulama ndo Rɛkɛmɛ.
17 Ɔna* pami laki Ulama ko Bedana. Wasɔ mbele ana w’apami wa Ngiliyadɛ ɔna Makiri ɔna Manase.
18 Hamɔlɛkɛtɛ aki kadiyɛnde. Nde akote Ishihɔdɛ, Abiɛzɛrɛ ndo Mahala.
19 Ana w’apami wa Shemida vɔ anɛ: Ahiyanɛ, Shɛkɛmɛ, Liki ndo Aniyamɛ.
20 Ana w’apami wa Efrayimɛ+ vɔ anɛ: Shutela,+ Bɛrɛdɛ ɔnande, Tahata ɔnande, Eleada ɔnande, Tahata ɔnande,
21 Zabada ɔnande, Shutela ɔnande, Ezɛrɛ ndo Eleadɛ. Aseka Ngata+ wakotɔ lo wodja akɔ wakaadiake, nɛ dia vɔ wakaholɔ dia tɔsa dongalonga diawɔ.
22 Efrayimɛ wa shɛwɔ akalele l’edja ka nshi efula ndo anango wakayaka dia ndjoosamba.
23 L’ɔkɔngɔ wa laasɔ, nde akeyana la wadɛnde, ko wadɛnde akatshu diemi ndo akote ɔna pami. Ko nde akawɔlɛ Beriya,* nɛ dia nde aki la mpokoso lo luudu lande.
24 Nde aki la ɔna womoto, lokombo lande Shɛra, ɔnɛ lakake Bɛtɛ-Hɔrɔna+ ka l’Ɛse la ka la Diko+ ndo Uzɛna-Shera.
25 Anande w’apami vɔ anɛ: Rɛfa ɔnande, Rɛshɛfu, Tɛla ɔnande, Tahana ɔnande,
26 Ladana ɔnande, Amihudɛ ɔnande, Elishama ɔnande,
27 Nuna ɔnande ndo Jashua*+ ɔnande.
28 Ɛtshi kawɔ ka nkɛtɛ ndo ahole wakawadjasɛka vɔ anɛ: Bɛtɛlɛ+ la tosombasomba tendɛ le tɔ;* ndo lo ɛstɛ: Narana; lo owɛstɛ: Ngezɛrɛ la tosombasomba tendɛ le tɔ; ndo Shɛkɛmɛ la tosombasomba tendɛ le yɔ, polo la Aya* la tosombasomba tendɛ le wɔ;
29 ndo suke la tokanula ta Manase: Bɛtɛ-Sheana+ la tosombasomba tendɛ le tɔ, Tanaka+ la tosombasomba tendɛ le tɔ, Mengido+ la tosombasomba tendɛ le tɔ, ndo Dɔra+ la tosombasomba tendɛ le diɔ. Lo ahole asɔ mbakadjasɛka tokanula ta Yɔsɛfu ɔna Isariyɛlɛ.
30 Ana w’apami wa Ashɛrɛ vɔ anɛ: Imɛna, Ishiva, Ishivi, Beriya,+ ndo Sɛra+ aki kadiyɛwɔ.
31 Ana w’apami wa Beriya vɔ anɛ: Hebɛrɛ nde la Malakiyɛlɛ ɔnɛ lakote Birizayita.
32 Hebɛrɛ akote Jafɛlɛtɛ, Shomɛrɛ, Hɔtama ndo Shua aki kadiyɛwɔ.
33 Ana w’apami wa Jafɛlɛtɛ vɔ anɛ: Pasaka, Bimala ndo Ashivatɛ. Wasɔ mbele ana w’apami wa Jafɛlɛtɛ.
34 Ana w’apami wa Shemɛrɛ* vɔ anɛ: Ahi, Rɔnga, Jehuba ndo Arama.
35 Ana w’apami wa Helɛmɛ* ɔnango vɔ anɛ: Zɔfa, Imina, Shelɛshɛ ndo Amala.
36 Ana w’apami wa Zɔfa vɔ anɛ: Sua, Haranɛfɛrɛ, Shuala, Beri, Imira,
37 Bezɛrɛ, Hɔda, Shamma, Shilisha, Itirana ndo Bɛra.
38 Ana w’apami wa Jɛtɛrɛ vɔ anɛ: Jefune, Pisipa ndo Arra.
39 Ana w’apami wa Ula vɔ anɛ: Ara, Haniyɛlɛ ndo Riziya.
40 Wasɔ tshɛ waki ana w’apami wa Ashɛrɛ, ɛtɛ wa nkumbo ya watshɛwɔ, wanɛ wakasɔnama, andɔshi wa ta wa wolo, ɛtɛ w’ewandji; ndo lofulo lawɔ lakafundjama nkombo+ lo ndjela ɛlɔndji awɔ laki apami nunu akumi ahende la samalo (26 000)+ waki suke dia ntshɔ lo ta.
Nɔtɛ ka l'ɛse ka dikatshi
^ Tshɛk., “ɛtɛ.”
^ Tshɛk., “ana w’apami.”
^ Tshɛk., “ana w’apami.”
^ Nde kelamɛ “Shilɛmɛ” lo Eta 46:24 ndo Wal 26:49.
^ Tshɛk., “ana w’apami.”
^ Kitshimudi ate: “La mpokoso.”
^ Kana “Jehoshua,” kitshimudi ate: “Jehowa ekɔ Panda.”
^ Kana “tosukanyi la tɔ.”
^ Kana ondo “Ngaza,” kaanga mbele aha Ngaza ka la Filistiya.
^ Nde kelamɛ “Shomɛrɛ” lo div. 32.
^ Ondo woho akɔ waamɛ la “Hɔtama” lo div. 32.