1 Nkumi ya dikanga 5:1-18
5 Lam’akoke Hirama nkumekanga ka Tura+ dia wambokita Sɔlɔmɔna esɔ dia monga nkumekanga lo dihole dia she, nde akatomɛ Sɔlɔmɔna ekambi ande, nɛ dia Hirama aki nshi tshɛ ɔngɛnyi wa Davidɛ.*+
2 Sɔlɔmɔna nde lawɔ akatomɛ Hirama+ dui ate:
3 “Wɛ mbeyaka dimɛna dia Davidɛ dia papa kokoka mbika luudu dikambo dia lokombo la Jehowa Nzambi kande l’ɔtɛ w’ata wakawɔɔlɔshaka bɛkɛ tshɛ polo lam’akayokitsha Jehowa atunyi ande l’ɛse ka akaka+ ande.
4 Koko wonya ɔnɛ, Jehowa Nzambi kami ambombisha momuya lo bɛkɛ tshɛ.+ Ndooko onto landɔsha ndo ndooko dikambo dia kɔlɔ diatomba.+
5 Ɔnkɔnɛ, dimi nangaka mbika luudu dikambo dia lokombo la Jehowa Nzambi kami, oko wakalake Jehowa Davidɛ dia papa ate: ‘Ɔnayɛ layomodjashiya lo kiti kayɛ ka lowandji lo dihole diayɛ, nde kayoka luudu dikambo dia lokombo lami.’+
6 Ɔnkɔnɛ, djangɛ anto ayɛ dia vɔ kɔtɛmi esongo w’elondo wa la Lɛbanɔna.+ Ekambi ami wayokamba kaamɛ la ekambi ayɛ ndo dimi layofuta ekambi ayɛ lo ndjela kɛnɛ kayoyoshikikɛ, nɛ dia wɛ mbeyaka dia ndooko kaanga onto 1 l’atei aso leya woho wa nkɔta esongo oko ase Sidɔna.”+
7 Lam’akoke Hirama kɛnɛ kakate Sɔlɔmɔna, nde akangɛnangɛna efula ndo akate ate: “Jehowa atombɔme ɛlɔ, nɛ dia nde ambosha Davidɛ ɔna la lomba dia mbolɛ wodja wa woke* ɔnɛ!”+
8 Ko Hirama akatomɛ Sɔlɔmɔna dui ate: “Lakoke losango lakayantomɛ. Layosala kɛnɛ tshɛ kakombolayɛ lo kosha esongo w’elondo ndo wa dihake.+
9 Ekambi ami wayowaelaka oma la Lɛbanɔna oya lo ndjale ndo layokelekaka esongo akɔ ko mbakɛdia lo ndjale lo dihole diayoyombutɛ. Dimi layowakelekolaka lɛkɔ dia wɛ monga la akoka wa mbaɛmba. Koko wɛ lo wedi ayɛ, wɛ ayombishaka mbo ya ndɛ yayomokɔlɔmba dikambo di’ase luudu+ lami.”
10 Ko Hirama akatome esongo tshɛ w’elondo ndo wa dihake wakakombola Sɔlɔmɔna.
11 Ko Sɔlɔmɔna akashaka Hirama tɛdikɔ ta kɔra* nunu akumi ahende (20 000) t’eponga oko mbo ya ndɛ y’ase luudu lande ndo tɛdikɔ ta kɔra 20 t’esɔ k’ɔlivɛ ka dimɛna efula.* Diangɔ sɔ mbakashaka Sɔlɔmɔna Hirama ɔnɔnyi l’ɔnɔnyi.+
12 Jehowa akasha Sɔlɔmɔna lomba oko wakandoolake.+ Wɔladi waki lam’asa Hirama nde la Sɔlɔmɔna ndo vɔ akɔ 2 wakakɔtsha losalo.*
13 Nkumekanga Sɔlɔmɔna akɔshi apami oma lo Isariyɛlɛ dia mbakandjaka elimu la wolo; apami nunu akumi asato (30 000) wakɔsama.+
14 Nde akatomaka apami nunu dikumi (10 000) ngɔndɔ tshɛ otsha la Lɛbanɔna. Vɔ wakatshikalaka ngɔndɔ 1 la Lɛbanɔna ndo ngɔndɔ 2 lawakawɔ. Adɔnirama+ kaki owandji wa wanɛ wakawakandjaka elimu la wolo.
15 Sɔlɔmɔna aki la ase olimu ko ase olimu* nunu akumi esambele (70 000) ndo ambatshi w’ave+ nunu akumi enanɛi (80 000) lo akona,+
16 kaamɛ ndo topita+ taki Sɔlɔmɔna nunu sato la nkama shato (3 300) wakakambaka oko emendji w’ase olimu.
17 Lo ndjela didjango dia nkumekanga, vɔ wakɛmbaka ave wa weke, ave+ w’oshinga wolo dia nsala etshina+ ka luudu la ave wa lɔkɔlɔnga.+
18 Ɔnkɔnɛ, ambiki wa mvudu waki Sɔlɔmɔna vɔ la ambiki wa mvudu waki Hirama ndo ase Ngɛbala+ wakaate esongo ndo wakalɔngɔsɔla ave wa mbika luudu.
Nɔtɛ ka l'ɛse ka dikatshi
^ Kana “akalangaka Davidɛ nshi tshɛ.”
^ Kana “efula.”
^ Tshɛk., “esɔ k’ɔlivɛ wa lɔtɔ.”
^ Kana “wakadje sheke.”
^ Kana “amɛmbi wa wetsho.”
