1 Petero 5:1-14
5 Ɔnkɔnɛ, oko wemi osekanyu ekumanyi, ɔmɛnyi w’asui wa Kristo ndo ɔnɛ layolongola kaamɛ la nyu lotombo lahomba mbishɔma,+ dimi lambolaka* dikumanyi dia l’atei anyu nte:
2 Nyolamake ɛkɔkɔ wa Nzambi+ wakandanyosha ɔkɛndɛ lo nkamba oko emendji,* aha oko anto watshutshuyawɔ la wolo, koko la lolango la ntondo ka Nzambi;+ aha la ngandji ka wahɔ+ lo yoho ya kɔlɔ, koko la wangasanu;
3 aha la mbahemɛ wanɛ wele etenyi k’okitɔ kaki Nzambi,+ koko nyoyale bɛnyɛlɔ le ɛkɔkɔ.+
4 Lam’ayɛnama owandji w’alami w’ɛkɔkɔ,+ nyu nyayolongola dɛmbɔ dia nkoso dia lotombo+ diahalana.
5 Woho akɔ waamɛ mbele nyu akɛnda, nyoyakitshakitsha l’ɛse ka epalanga w’anto.*+ Nyu tshɛ nyɔlɔtɛ* okitshakitsha* lam’asanyu, nɛ dia Nzambi petshaka akanga wa lotamanya, koko nde salɛka akanga w’okitshakitsha+ ɔlɔlɔ waheyama mbɛdika.
6 Ɔnkɔnɛ, nyoyakitshakitsha l’ɛse ka lonya la wolo laki Nzambi dia nde nyodiya l’etena kahombama.+
7 Nyokitsha ekiyanu* anyu tshɛ le nde,+ nɛ dia nde ndjakiyanyaka dikambo dianyu.+
8 Nyambalɛke, nyosungukalake.+ Diabolo otunyi anyu ekɔ lo mbeteta oko ntambwɛ kadikita kayanga onto+ la nde ndɛ.*
9 Koko nyɔlɔshane la nde,+ nyoyale nge lo mbetawɔ, nyeya dia woho akɔ waamɛ w’asui wasowanyu mbasowa ndo tshunda di’otondo di’anangɛnyu* wa l’andja w’otondo.+
10 Koko, l’ɔkɔngɔ wa nyu nsowa lo tshanda mɔtshi, Nzambi koludi tɔɔ la ɔlɔlɔ waheyama mbɛdika, ɔnɛ lakanyelɛ oya lo lotombo+ lande la pondjo lo monga kaamɛ la Kristo ndamɛ ayoshidiya olowanyelo anyu. Nde ayonyokimanyiya dia nyu ntshikala nge,+ nde ayonyokeketsha,+ nde ayonyoshikikadia nge.
11 Nkudu kayalake le nde pondjo pondjo! Aamɛɛ.
12 Lo tshimbo ya Silvano*+ lɔsami oko ɔnalengo la kɔlamelo kamomonyofundɛ ɛtɛkɛta engana ɛnɛ, dia nyokeketsha ndo dia mɛnya la eshikikelo tshɛ dia ɔnɛ ekɔ mɛtɛ ɔlɔlɔ waheyama mbɛdika waki Nzambi. Nyoshikikale lɔkɔ.
13 Womoto* lele la Babilɔna, lele ɔsɔnami oko nyu anyotomɛ mɔyɔ. Ndo ɔnami Makɔ+ anyotomɛ mɔyɔ.
14 Nyoshane mɔyɔ wa la bizɛ ka ngandji.
Wɔladi wayale la nyu nyu tshɛ wanɛ wele kaamɛ la Kristo!
Nɔtɛ ka l'ɛse ka dikatshi
^ Kana “lambokeketsha.”
^ Kana “lo mbaendaka dimɛna dimɛna.”
^ Kana “dikumanyi.”
^ Kana “nyoyadinge la.”
^ Kana “yimba ya ndjaholoya.”
^ Kana “nyangu; ekakatanu.”
^ Kana “kayanga dia ndɛ onto ɔmɔtshi.”
^ Kana “nkumbo kanyu k’onto l’ɔnango.”
^ Nde kelamɛ nto Silasɛ.
^ Ondo womoto ɔsɔ nembetshiyaka etshumanelo.
