Amɔsɛ 1:1-15
1 Ɛtɛkɛta w’Amɔsɛ,* ɔnɛ laki l’atei w’alami w’ɛkɔkɔ w’oma la Tekoa,+ wakandalongola lo ɛnɛlɔ dikambo dia Isariyɛlɛ lo nshi ya Uziya,+ nkumekanga ka Juda ndo lo nshi ya Jɛrɔbɔama+ ɔna Jɔashi,+ nkumekanga k’Isariyɛlɛ, ɛnɔnyi 2 la ntondo ka didimu dia nkɛtɛ.+
2 Nde akate ate:
“Jehowa ayodikita oma lo Siɔna,Ndo nde ayokiya dui diande oma la Jɛrusalɛma.
Ahole w’alami w’ɛkɔkɔ wa ndeshaka dongalonga wayonga lo otanda,Ndo adiyo wa lo shɔdi ya Karamɛlɛ wayoma.”+
3 “Jehowa kata ate:‘“L’ɔtɛ wakatɔmbɔkɔ* Damasɛkɛ mbala 3 ndo 4, dimi hantotshikitanya yɛdikɔ,Nɛ dia vɔ wakasusola Ngiliyadɛ la dihomɔ di’esuswelo dia mbolo.+
4 Ɔnkɔnɛ, dimi layotoma dja lo luudu la Hazaɛlɛ,+Ndo yɔ yayotshumba totshoto ta Bɛnɛ-Hadada+ todingami la mpele.
5 Dimi layɔkɔla tokengete ta Damasɛkɛ;+Dimi layolanya anto wa lɔkɔ oma la Bikata-AvɛnaNdo ɔnɛ lolɛ* oma la Bɛtɛ-Ɛdɛna;Ndo ase Suriya wayotshɔ oko mfumbe la Kirɛ,”+ mbata Jehowa.’
6 Jehowa kata ate:‘“L’ɔtɛ wakatɔmbɔkɔ Ngaza+ mbala 3 ndo 4, dimi hantotshikitanya yɛdikɔ,Nɛ dia vɔ wakɔshi olui w’otondo wa mfumbe+ dia mbakimɔ lo anya wa Ɛdɔmɛ.
7 Ɔnkɔnɛ, dimi layotoma dja lo ehele ka Ngaza,+Ndo yɔ yayotshumba totshoto tawɔ todingami la mpele.
8 Dimi layolanya anto wa lɔkɔ oma la Ashidɔdɛ,+Ndo ɔnɛ lolɛ* oma la Ashikɛlɔna;+Dimi layokadimola lonya lami dia ndɔsha Ɛkɛrɔna,+Ndo atshikadi w’ase Filistiya wayolanyema,”+ mbata Nkum’Olongo Nkumadiɔndjɔ Jehowa.’
9 Jehowa kata ate:‘L’ɔtɛ wakatɔmbɔkɔ Tura+ mbala 3 ndo 4, dimi hantotshikitanya yɛdikɔ,Nɛ dia vɔ wakakimɔ olui w’otondo wa mfumbe lo anya wa Ɛdɔmɛ.Ndo nɛ dia vɔ kombohɔ sheke y’onto l’ɔnango.+
10 Ɔnkɔnɛ, dimi layotoma dja lo ehele ka Tura,Ndo yɔ yayotshumba totshoto+ tawɔ todingami la mpele.’
11 Jehowa kata ate:‘L’ɔtɛ wakatɔmbɔkɔ Ɛdɔmɛ+ mbala 3 ndo 4, dimi hantotshikitanya yɛdikɔ,Nɛ dia nde akayele ɔnango la lokuwa la ta,+Ndo nɛ dia nde akatone mbooka kɛtshi;Lo nkɛlɛ kande, nde tetemalaka mbaatshatsha aha la mpekɔ,Ndo nde tetemalaka+ mbaoka odudu.
12 Ɔnkɔnɛ, dimi layotoma dja lo Temana,+Ndo yɔ yayotshumba totshoto ta Bozɛra+ todingami la mpele.’
13 Jehowa kata ate:‘“L’ɔtɛ wakatɔmbɔkɔ ase Amɔna+ mbala 3 ndo 4, dimi hantotshikitanya yɛdikɔ,Nɛ dia vɔ wakaate akundju wa wamato w’ase Ngiliyadɛ dia nunya ɛtshi kawɔ ka nkɛtɛ.+
14 Ɔnkɔnɛ, dimi layodja dja lo ehele ka Raba,+Ndo yɔ yayotshumba totshoto tawɔ todingami la mpele,La kioko ya ta lo lushi la ta,La lɔpɛpɛ lo lushi la lɔpɛpɛ la wolo.
15 Ndo nkumekanga kawɔ ayotshɔ lo lɔhɔmbɔ kaamɛ la ewandji ande,”+ mbata Jehowa.’
Nɔtɛ ka l'ɛse ka dikatshi
^ Kitshimudi ate “Monga wotsho” kana “Mɛmba wotsho.”
^ Kana “kɔlɔ yakasale.”
^ Tshɛk., “ɔnɛ lokime danga dia lowandji.”
^ Tshɛk., “ɔnɛ lokime danga dia lowandji.”
