Amɔsɛ 2:1-16
2 “Jehowa kata ate:‘“L’ɔtɛ wakatɔmbɔkɔ* Mɔaba+ mbala 3 ndo 4, dimi hantotshikitanya yɛdikɔ,Nɛ dia nde akatshumbe weka wa nkumekanga k’Ɛdɔmɛ dia nkondja mpɛmbɛ.
2 Ɔnkɔnɛ, dimi layotoma dja lo Mɔaba ndo yɔ yayotshumba totshoto ta Keriɔtɛ+ todingami la mpele;Mɔaba ayovɔ l’atei wa lofunguso,La kioko ya ta, la londjo la wɔɔndjɔ.+
3 Dimi layonya omboledi* oma latei awɔNdo layodiaka ewandji awɔ tshɛ kaamɛ la nde,”+ mbata Jehowa.’
4 Jehowa kata ate:‘L’ɔtɛ wakatɔmbɔkɔ Juda+ mbala 3 ndo 4, dimi hantotshikitanya yɛdikɔ,Nɛ dia vɔ wakɔnyɔla ɛlɛmbɛ* wa Jehowa,Ndo nɛ dia vɔ konama wadjango+ ande;Koko kashi yakɔ yaamɛ yakayele watshɛwɔ yakaakonya dia ntakɔ mboka.+
5 Ɔnkɔnɛ, dimi layotoma dja lo Juda,Ndo yɔ yayotshumba totshoto ta Jɛrusalɛma+ todingami la mpele.’
6 Jehowa kata ate:‘L’ɔtɛ wakatɔmbɔkɔ Isariyɛlɛ+ mbala 3 ndo 4, dimi hantotshikitanya yɛdikɔ,Nɛ dia vɔ wakasondja onto ɔlɔlɔ la mfɛsa,Ndo ose wola la lokolo la losabata.+
7 Vɔ wakahɔtshahɔtsha ɛtɛ wa tombolambola lo ditshu dia nkɛtɛ,+Ndo vɔ wakadihe mboka ka kanga memakana.+
Ɔna pami la she mbeyanaka kaamɛ la ɔna womoto 1,Ko mbidjaka lokombo lami l’ekila mindo.
8 Vɔ mbalemaka suke la elambwelo+ tshɛ lo ahɔndɔ wakawande ɔkɔlɛ;+Ndo oma le wanɛ wadjawɔ kibawo mbakawakondja wanu wanɔwɔ lo luudu* la tozambizambi tawɔ.’
9 ‘Koko dimi kakashile ase Amɔra oshiki la ntondo kawɔ,+Wanɛ waki etale oko esongo w’elondo ndo waki la wolo oko esongo wa ɔakɛ;Dimi lakalanya elowa awɔ wa la diko ndo edio awɔ wa l’ɛse.+
10 Dimi lakanyotondja oma lo wodja w’Edjibito,+Ndo dimi lakanyetshetsha l’oswe wa shɛnga ɛnɔnyi 40,+Dia nyu mbɔsa nkɛtɛ y’ase Amɔra.
11 Dimi lakasɔnɛ ananyu amɔtshi amvutshi+Ndo ɛlɔngɔ anyu w’apami ɛmɔtshi Akidiami.+
Ase Isariyɛlɛ le, onde aha ngasɔ mbakidiɔ?’ mbata Jehowa.
12 ‘Koko nyu nyakatetemala mbisha Akidiami wanu dia vɔ nnɔ,+Ndo nyu nyakadjangɛ amvutshi nyate: “Hanyohombe mbuta prɔfɛsiya.”+
13 Ɔnkɔnɛ, dimi layonyominola lo dihole dienyu,Oko pusupusu kele la wotsho wa ntɔngɔ yambowona kaminola kɛnɛ kele l’ɛse katɔ.
14 Ondawi wa lowango hatonga la dihole dia ndawɔ,+Kanga wolo hatonga la wolo ande,Ndo ndooko ɔndɔshi wa ta wayohandja lɔsɛnɔ* lande.
15 Ɔnɛ lakamba la ota hatoka ekolo,Ɔnɛ lalawɔ efula la ekolo hatohanda,Ndo ombahemi wa mfalasa hatohandja lɔsɛnɔ* lande.
16 Oyadi ɔnɛ loleki dihonga* l’atei w’andɔshi wa taAyolawɔ otakataka lushi lɔsɔ,’+ mbata Jehowa.”
Nɔtɛ ka l'ɛse ka dikatshi
^ Kana “kɔlɔ yakasale.”
^ Tshɛk., “shushi.”
^ Kana “wetshelo.”
^ Kana “tɛmpɛlɔ.”
^ Kana “anima.”
^ Kana “anima.”
^ Kana “otema wolo.”
