Amɔsɛ 4:1-13
4 “Nyohokame dui nɛ, nyu ngɔmbɛ ya la Bashana,Yele lo dikona dia Samariya,+Nyu wamato wakesa tombolambola+ ndo waminola ase wola,Watɛ waomɛwɔ* ɔnɛ: ‘Nyotela yangɔ ya nnɔ!’
2 Nkum’Olongo Nkumadiɔndjɔ Jehowa ambotshiba lo ekila kande ate:‘“Eenda, nshi yekɔ lo ndjaye le nyu etena kayondonyodiya la tɔkɔhɔ takɔhɛwɔ nyamaNdo anto anyu akina la tɔɔdi.
3 Nyu nyayotomba lo wesho wa lo ehele, onto l’onto nsembɔ tɔɔ;Ndo nyayokashema la Haramɔna,” mbata Jehowa.’
4 ‘Nyoye la Bɛtɛlɛ ndo nyoyosale kɔlɔ,*+La Ngilingalɛ kele nyoyoleke+ nsala kɔlɔ!
Nyela weshasha+ anyu la pindju,Ndo tenyi dianyu dia dikumi+ lushi la 3.
5 Nyotshumbe elambo wa eokelo ka losaka wa mapa+ wa la wodoya;Nyewoya la dui dia wolo elambo anyu wa la lolango!
Nɛ dia kɛsɔ mbalanganyu nsala, nyu ase Isariyɛlɛ,’ mbata Nkum’Olongo Nkumadiɔndjɔ Jehowa.
6 ‘Ndo lo wedi ami, dimi lakɛdia wanyu anyu aha la mbo ya ndɛ* lo esomba anyu tshɛNdo lakasale dia mapa nshila lo mvudu+ yanyu tshɛ;Koko nyu kokalola le mi,’+ mbata Jehowa.
7 ‘Ndo nto, dimi lakanyodime mvula l’edja ka ngɔndɔ 3 la ntondo ka dinela;+Dimi lakakilɔsha l’osomba ɔmɔtshi, koko aha l’osomba okina.
Mvula kakalɔ lo ɛtshi ka nkɛtɛ kɛmɔtshi,Koko ɛtshi ka nkɛtɛ kekina kaki ofumbo.
8 Anto wa lo esomba 2 kana 3 wakatshu lo osomba 1 dia tɔnɔ ashi,+Ko vɔ komondoya mposa;Koko nyu kokalola oya le mi,’+ mbata Jehowa.
9 ‘Dimi lakanyotomɛ tanyi ta wolo ndo mombolenge.+
Nyu nyakafudia tojardɛ tanyu ndo dikambɔ dia vinyɔ,Koko akata w’ɛndjɔ wakale esongo anyu wa fingo ndo esongo w’ɔlivɛ;+Ndo nyu kokalola le mi,’+ mbata Jehowa.
10 ‘Dimi lakatome olando l’atei anyu oko wa l’Edjibito.+
Dimi lakadiake ɛlɔngɔ anyu w’apami+ la lokuwa la ta ndo lakande mfalasa+ yanyu.
Dimi lakasale dia nsolo ka lo mpango yanyu mbidɛ l’ɛhɛmbɛ+ anyu;Koko nyu kokalola le mi,’ mbata Jehowa.
11 ‘Dimi lakanyɔkɔshaOko wakakɔsha Nzambi Sɔdɔma la Ngɔmɔra.+
Ndo nyu nyaki oko efuki ka dja kakawafumbola oma lo dja.Koko nyu kokalola le mi,’+ mbata Jehowa.
12 Ɔnkɔnɛ, kɛsɔ mbayomokosalɛ, wɛ Isariyɛlɛ.
Lam’ele kɛsɔ mbayomokosalɛ,Isariyɛlɛ le, yalɔngɔsɔla dia mpomana la Nzambi kayɛ.
13 Eenda, nde kele Ɔnɛ lakakenge akona+ ndo lakatonge lɔpɛpɛ;+Nde mbewoyaka onto kɛnɛ kele tokanyi Tande,Nde kadimolaka osase wa pindju wodjima,+Ndo nde mbetetaka lo ahole wa la diko wa la nkɛtɛ;Jehowa Nzambi kanga lolembelembe kele lokombo lande.”+
Nɔtɛ ka l'ɛse ka dikatshi
^ Kana “nkumi yawɔ.”
^ Kana “nyoyɔtɔmbɔkɔ.”
^ Kana “dimi konyosha mbo ya ndɛ.”
