Amɔsɛ 5:1-27
5 “Luudu l’Isariyɛlɛ le, nyohokame ɔtɛkɛta ɔnɛ watami lo dikambo dianyu oko lembo l’otanda:*
2 ‘Isariyɛlɛ, osekaseka w’emuma, ambɔkɔ;Nde hayokoka mbetɔ nto.
Nde ambɔsɛkama lo nkɛtɛ yande hita;Ndooko onto lawetola.’
3 “Nɛ dia Nkum’Olongo Nkumadiɔndjɔ Jehowa kata ate:
‘Osomba wakatshu l’anto kinunu (1 000), wayotshikala l’anto 100;Ndo wɔnɛ wakatombe l’anto 100, wayotshikala l’anto 10, dikambo dia luudu l’Isariyɛlɛ.’+
4 “Nɛ dia Jehowa katɛ luudu l’Isariyɛlɛ ate:
‘Nyonyange, ko nyayotetemala nsɛna.+
5 Tanyoyangake Bɛtɛlɛ,+Tanyotshɔke la Ngilingalɛ+ kana mbeta lɔkɔ otsha la Bɛrɛ-Shɛba,+Nɛ dia ndooko onyake, Ngilingalɛ ayotshɔ lo lɔhɔmbɔ,+Ndo Bɛtɛlɛ ayonga ɛngɔ k’anyanya.*
6 Nyoyange Jehowa, ko nyayotetemala nsɛna,+Diaha nde ndalɔ oko dja lo luudu la Yɔsɛfu,Yatatshumbe Bɛtɛlɛ, aha la onto layidima.
7 Nyu nyambokadimola losembwe ololo,Ndo nyambokasha sambo k’ɔlɔlɔ lo nkɛtɛ.+
8 Ɔnɛ lakasale olui wa tɔɔtɔ wa Kima* ndo olui wa tɔɔtɔ wa Kɛsilɛ,*+Ɔnɛ lakadimola wodjima wa hitɔɔ pindju,Ɔnɛ letɛ yanyi wodjima oko otsho,+Ɔnɛ latshumanya ashi wa lo ndjaleDia mbatondja laadiko dia nkɛtɛ,+Jehowa kele lokombo lande.
9 Nde ayela elanyelo ka shashimoya le kanga wolo,Lo mbela elanyelo lo ahole wodingami la mpele.
10 Vɔ petshaka wanɛ washa wongwelo lo soko di’osomba,Ndo vɔ mbokaka wanɛ wata mɛtɛ+ wɔnɔnyi.
11 Lam’ele nyu nɔmbaka falanga* oma le ose wolaNdo nyu mbɔsaka ntɔngɔ yande oko olambo,+Nyu hanyototetemala mbidjasɛ lo mvudu yakanyake+ yele l’ave wa lɔkɔlɔngaKana nnɔ wanu w’oma lo dikambɔ dia vinyɔ diakanyakambe.+
12 Nɛ dia dimi mbeyaka efula k’ɛtɔmbɔkwɛlɔ* anyuNdo woke woke wa pɛkato yanyuNyu nyambofukutanya sambo k’ɔlɔlɔ,Nyambɔsa etshimba,*Ndo la soko di’osomba,+ nyu minyaka yimba lo lotshungɔ lele la ose wola.
13 Ɔnkɔnɛ, wanɛ wele la shɛnɔdi wayɔlama l’etena kɛsɔ,Nɛ dia ɔsɔ ayonga etena ka mpokoso.+
14 Nyoyange kɛnɛ kele ɔlɔlɔ, koko aha kɛnɛ kele kɔlɔ,+Dia nyu ntshikala la lɔsɛnɔ.+
Ko Jehowa Nzambi kanga lolembelembe ayonga la nyu,Paka oko watanyu dia nde ekɔ kaamɛ la nyu.+
15 Nyohetsha kɛnɛ kele kɔlɔ ndo nyolange kɛnɛ kele ɔlɔlɔ,+Losembwe laleke monga lo soko di’osomba.+
Ondo Jehowa Nzambi kanga lolembelembeAyoka atshikadi wa Yɔsɛfu+ kɛtshi.’
16 “Ɔnkɔnɛ, Jehowa Nzambi kanga lolembelembe kata ate:
‘Alelo wayoyala lo asɛkɛ tshɛ,Ndo lo ɛsɛsɛ tshɛ, vɔ wayota vate: “Hayii, hayii!”
Vɔ wayelɛ akambi wa dikambɔ dia ndjolelaNdo andedi wa tomanamana dia ndjolela.’
17 ‘Lo dikambɔ dia vinyɔ tshɛ, delo diayonga;+Nɛ dia dimi layeta l’atei anyu,’ mbata Jehowa.
18 ‘Mananu le wanɛ wakombola lushi la Jehowa!+
Ko kakɔna kayolembetshiya lushi la Jehowa le nyu?+
Lɔ layonga wodjima, koko aha osase.+
19 Lɔ layonga oko pami katalawɔ ntambwɛ ko ambotohomana la laondo,Ndo etena kɔtɔnde lo luudu lande ndo kamamande lonya lo ehele, ko oloyi mbolumata.
20 Onde lushi la Jehowa halotonga wodjima, koko aha osase?Onde lɔ halotonga wodjima tshududu, koko aha ngaingai?
21 Dimi petshaka ndo dimi tonaka fɛtɛ+ yanyu,Ndo dimi haangɛnangɛna opumu wa nsanganya yanyu ya laande.
22 Oyadi nyu konambolaka elambo wa lotshumba w’etondo ndo elambo wa woshasha,Dimi hantowangɛnangɛna;+Ndo dimi hantenda elambo anyu w’osanga wa nyama ya wata la sso di’ɔlɔlɔ.+
23 Nyominye londjo la esambo anyu;Ndo dimi hantohokamɛ wendjo wa dihomahoma dianyu di’eshinga.+
24 Losembwe lakɛlake oko ashi,+Ndo sambo k’ɔlɔlɔ oko ɔkɛdi wahome.
25 Onde nyakambela elambo ndo elambo wa weshashaLo ɛnɔnyi 40 wakanyetsha l’oswe wa shɛnga, nyu luudu l’Isariyɛlɛ?+
26 Kakianɛ, nyayɛmba Sakuta nkumekanga kanyu ndo Kaiwana,*Dikishi dianyu, yɔɔtɔ ya jambizambi yanyu yakanyayasalɛ,
27 Ndo dimi layonyotoma lo lɔhɔmbɔ ndekana Damasɛkɛ,’+ mbata ɔnɛ lele lokombo lande Jehowa Nzambi kanga lolembelembe.”+
Nɔtɛ ka l'ɛse ka dikatshi
^ Kana “lomamba.”
^ Kana ondo “ehekesa.”
^ Ondo olui wa tɔɔtɔ wa Ɔriɔ.
^ Ondo tɔɔtɔ ta Pleyadɛ ta lo olui wa tɔɔtɔ wa Ngɔmbɛ.
^ Kana “futshaka mikanda.”
^ Kana “kɔta mishiko.”
^ Kana “kɔlɔ.”
^ Tozambizambi tɔsɔ tshɛ mbeyaka mendana la planɛtɛ ka Saturnɛ kakatɛmɔmaka oko jambizambi.
