Amɔsɛ 8:1-14
8 Nkum’Olongo Nkumadiɔndjɔ Jehowa akamɛnya dui nɛ: Eenda, kisaka kɛmɔtshi k’elowa wa nshi y’ɔwɔ kakikɔ.
2 Oma laasɔ nde akate ate: “Kakɔna kɛnayɛ na Amɔsɛ?” Ko dimi lakakadimola nte: “Kisaka k’elowa wa nshi y’ɔwɔ.” Oma laasɔ, Jehowa akambutɛ ate: “Ekomelo kamboya dikambo dia wodja ami Isariyɛlɛ. Dimi handjowadimanyiya+ nto.
3 Nkum’Olongo Nkumadiɔndjɔ Jehowa kata ate: ‘Lushi lɔsɔ+ esambo wa lo tɛmpɛlɔ wayokadimɔ delo. Edo efula wayokashema lo ahole tshɛ,+ ayonga yɔɔ!’
4 Nyohokame dui nɛ, nyu wanɛ wahɔtshahɔtsha ose wolaNdo wela ekomelo+ k’akanga wa memakana wa lo wodja,
5 Wata ɔnɛ: ‘Etena kakɔna kayoshila fɛtɛ ka valelo ya ngɔndɔ+ dia sho nsondja ntɔngɔ yaso,Ndo Sabato+ dia sho nsondja ntɔngɔ?
Dia sho mɔndja yɛdikɔ ya efa*Ndo nunya shɛkɛlɛ,*Dia sho nanya kilɔ yaso ya lokeso;+
6 Dia sho nsomba ohombi la mfɛsaNdo ose wola la lokolo la losabata,+Ndo nsondja ntɔngɔ yele bu la nɛmɔ.’
7 Jehowa akatshibe lo ofunu wa Jakɔbɔ+ ate:‘Dimi hambohɛki etsha+ awɔ pondjo.
8 L’ɔtɛ wa dikambo sɔ, wodja* wayosaka lokomba,Ndo onto tshɛ ladjasɛ lɔkɔ ayosala otanda.+
Onde vɔ tshɛ hawotodɛ oko Nilɛ,Ndo ndola la nkitakita oko Nilɛ ka l’Edjibito?’+
9 Nkum’Olongo Nkumadiɔndjɔ Jehowa kata ate: ‘Lushi lɔsɔ,Dimi layosala dia wonya mbidja la midi,Ndo dimi layodja wodjima lo wodja la yanyi ya tɛɛ.+
10 Dimi layokadimola fɛtɛ otanda+Ndo esambo anyu tshɛ nkembo y’otanda.*
Dimi layɔlɔtsha nkende tshɛ akoto ndo layetɛ ɛtɛ tshɛ awandji;Dimi layetɛ dui sɔ oko otanda w’ɔna ɛtɔi,Ndo ekomelo ka dui sɔ oko lushi l’ololo.’
11 Nkum’Olongo Nkumadiɔndjɔ Jehowa kata ate: ‘Enda, lushi lekɔ lo ndjaye,Layomotoma ndjala lo wodja,Aha ndjala ka mbo ya ndɛ kana mposa k’ashi,Koko ka mboka ɛtɛkɛta wa Jehowa.+
12 Vɔ wayeteta oma lo ndjale kɛmɔtshi otsha lo ndjale kekinaNdo oma lo nɔrdɛ otsha lo ɛstɛ.*
Vɔ wayeteta dia nyanga ɔtɛkɛta wa Jehowa, koko hawotowotana.
13 Lushi lɔsɔ, esekaseka wa dimuma w’elangala wayɔlɛmba,Ndo ɛlɔngɔ w’apami l’ɔtɛ wa mposa k’ashi;
14 Wanɛ watshiba lo onongo wa Samariya+ ndo wata ɔnɛ:“Danɛ+ le, lo mɛtɛ oko wele nzambi kayɛ la lɔsɛnɔ!”
Ndo ɔnɛ: “Lo mɛtɛ oko wele mboka ka Bɛrɛ-Shɛba+ la lɔsɛnɔ!”
Vɔ wayɔkɔ ndo vɔ hawotemala nto.’”+
