Eohwelo k’Ɛlɛmbɛ 33:1-29
33 Ɔnɛ ele ɔtshɔkɔ wakatshɔkɔla Mɔsɛ okambi wa Nzambi ka mɛtɛ ase Isariyɛlɛ la ntondo ka nde mvɔ.+
2 Nde akate ate:
“Jehowa, oma la Sinayi kakandaye,+Nde akaahɛtshɛ osase oma la Seirɛ.
Nde akahɛtsha osase lo lotombo oma lo lɛkɛ l’akona la Parana,+Ndo nunu akumi akumi di’ekilami waki kaamɛ la nde,+Andɔshi ande wa ta+ lo lonya lande l’omi.
3 Nde akalangaka anto ande;+Ekilami awɔ tshɛ wekɔ lo lonya+ layɛ.
Vɔ wakadjasɛka lo ekolo+ ayɛ;Vɔ wakatatɛ mpokamɛ ɛtɛkɛta+ ayɛ.
4 (Mɔsɛ akatosha didjango, ɔlɛmbɛ,+Oko ɛngɔ kaki etshumanelo ka Jakɔbɔ.)+
5 Nde akayala nkumekanga la Jeshuruna,*+Etena kakatshumana ɛtɛ wa wodja,+Kaamɛ la waoho tshɛ w’Isariyɛlɛ.+
6 Rubɛna asɛnake ndo atovɔke,+Ndo anto ande watongake yema tshitshɛ.”+
7 Nde akatshɔkɔla Juda+ ate:
“Jehowa le, ohokame dui dia Juda,+Ndo owokaloya le anto ande.
Anya ande wambamɛ kɛnɛ kele kande,Ndo owokimanyiya dia nde ndɔsha andɔshi ande.”+
8 Lo dikambo dia Lɛwi, nde akate ate:+
“Tumimɛ kayɛ* la Urimɛ+ ayɛ wekɔ waki onto lele la kɔlamelo le yɛ,+Ɔnɛ lakayadje lo ohemba la Masa.+
Wɛ akatatɛ mbɔlɔsha lo ashi wa Meriba,+
9 Onto lakatɛ she la nyango ate: ‘Dimi halawalɛnya.’
Kaanga anango, nde kombaetawɔ,+Nde akanya anande hita yimba.
Nɛ dia vɔ wakakitanyiya ɔtɛkɛta ayɛ,Ndo vɔ wakalame sheke+ yayɛ.
10 Vɔ wetsha Jakɔbɔ tɛdikɔ tayɛ ta dombo+Ndo Isariyɛlɛ Ɛlɛmbɛ+ ayɛ.
Vɔ walambole tshɔ oko opumu wa dimɛna le yɛ*+Ndo olambo w’otondo lo elambwelo+ kayɛ.
11 Jehowa le, ɔtshɔkɔlɛ wolo ande,Ndo ɛnya dia wɛ ngɛnangɛnaka olimu w’anya ande.
Ɔtɛtshatɛtsha ekolo wa wanɛ wɔɔlɔsha,Diaha wanɛ woohetsha ndjowɔlɔsha nto.”
12 Lo dikambo dia Bɛnjamina, nde akate ate:+
“Olangemi wa Jehowa adjasɛ lo lotui tshitshi suke la nde;Etena kolamande lushi l’otondo,Nde ayodjasɛ lam’asa ahɛka ande.”
13 Lo dikambo dia Yɔsɛfu, nde akate ate:+
“Wodja ande watshɔkwame oma le Jehowa+La diangɔ di’amɛna dia l’olongo,La loonge ndo la ashi w’oma lo tɛkɔ dia l’ɛse,+
14 La diangɔ di’amɛna diatomba oma lo wonyaNdo diangɔ di’amɛna ngɔndɔ tshɛ,+
15 La diangɔ dioleki amɛna di’oma lo akona w’edjedja*+Ndo diangɔ di’amɛna di’oma lo tokonakona ta pondjo,
16 La diangɔ di’amɛna dia la nkɛtɛ ndo kɛnɛ koludi lɔkɔ,+Ndo la lotshungɔ l’oma le Ɔnɛ lakadjasɛ lo dikombokombo di’atɛndɛ.+
Diɔ diayale l’ɔtɛ wa Yɔsɛfu,Lo lowako la ɔtɛ wa ɔnɛ lakawakakitola l’anango.+
17 Lotombo lande lekɔ oko la ɔna ngɔmbɛ l’enondo,Ndo nseke yande yekɔ nseke ya ndjate.
La yɔ kayondotshanya* antoTshɛ kaamɛ polo lo tokoma ta nkɛtɛ.
Vɔ wekɔ nunu akumi akumi diaki Efrayimɛ,+Ndo vɔ wekɔ nunu diaki Manase.”
18 Lo dikambo dia Zebuluna, nde akate ate:+
“Zebuluna le, ɔngɛnangɛnake lam’ayoyotombaka,Ndo wɛ Isakara, lo mvudu yayɛ y’apɛma.+
19 Vɔ wayelɛ anto lo dikona.
Lɛkɔ mbayowotolambola elambo wa losembwe.
Nɛ dia vɔ wayɔsa diangɔ di’oma lo ɔngɔnyi w’efula* wa lo ndjaleNdo ɔngɔnyi woshɛmi lo ditshu.”
20 Lo dikambo dia Ngada, nde akate ate:+
“Ɔnɛ lataloya elelo wa Ngada atshɔkwame.+
Nde polamaka lɛkɔ oko ntambwɛ,Ele suke dia mbatshatsha lonya, ɛɛ, lowako la l’ɔtɛ.
21 Nde ayɔsɔna etenyi ka ntondo dikambo diande,+Nɛ dia lɛkɔ kombami etenyi k’ombidji w’ɛlɛmbɛ.+
Ɛtɛ wa wodja wayotshumana kaamɛ.
Nde ayokotsha losembwe laki Jehowa,Ndo tɛdikɔ tande ta dombo le Isariyɛlɛ.”
22 Lo dikambo dia Danɛ, nde akate ate:+
“Danɛ ekɔ ɔna ntambwɛ.+
Nde ayofumbɔ oma la Bashana.”+
23 Lo dikambo dia Nafɛtali, nde akate ate:+
“Nafɛtali ambondoya wetawɔmeloNdo ambolola la ɔtshɔkɔ wa Jehowa.
Ɔsa lɛkɛ la lo owɛstɛ ndo la lo sidɛ.”
24 Lo dikambo dia Ashɛrɛ, nde akate ate:+
“Ashɛrɛ atshɔkwame la ana.
Nde ahomɔ lokolo l’ɔlɔ le anango,Ndo nde atambiya* ekolo ande lo esɔ.
25 Kɔkɔmɔ ya nkuke yayɛ yekɔ ya mbolo ndo ya nkonga,+Ndo wɛ ayokokamɛ lo nshi yayɛ tshɛ.*
26 Ndooko lɛdimi la Nzambi ka mɛtɛ+ kaki Jeshuruna,+Keteta l’olongo dia ndjokokimanyiyaNdo keteta lo wange lo lɔnɛnɛ lande.+
27 Nzambi ekɔ eshamelo oma ko nshi y’edjedja,+Anya ande wa pondjo wekɔ l’ɛse kayɛ.+
Ndo nde ayotshanya otunyi oma la ntondo kayɛ,+Ndo ayota ate: ‘Shilawɔ oshiki!’+
28 Isariyɛlɛ ayodjasɛ lo lotui tshitshi,Ndo ɛtɛkɔ ka Jakɔbɔ kayanganyemaLo wodja wa ntɔngɔ ndo wa wanu w’eyoyo,+Wele olongo ande wayɔkɔshaka loonge.+
29 Isariyɛlɛ le, wɛ ekɔ l’ɔngɛnɔngɛnɔ!+
Ele oko wɛ,+Anto wele la panda ka Jehowa,+Engawo kayɛ k’ekokelo+Ndo lokuwa layɛ la ta la diambo?Atunyi ayɛ wayokalola ɛkɔngɔkɔngɔ la ntondo kayɛ,+Ndo wɛ ayɔhɔtshahɔtsha ɛkɔngɔ awɔ.”*
Nɔtɛ ka l'ɛse ka dikatshi
^ Kitshimudi ate: “Onto losembwe,” titrɛ ka nɛmɔ kaki Isariyɛlɛ.
^ “Kayɛ” ndo “wɛ” kele lo divɛsa nɛ mendanaka la Nzambi.
^ Tshɛk., “lo ɛhɛmbɛ ayɛ.”
^ Kana ondo “akona wa lo ɛstɛ.”
^ Kana “kayondohomuya.”
^ Tshɛk., “wayohiha lokema la.”
^ Kana “asole.”
^ Tshɛk., “oko nshi yayɛ mbayonga wolo ayɛ.”
^ Kana ondo “ahole awɔ wa laadiko.”
