Hɔsɛya 11:1-12
11 “Etena kaki Isariyɛlɛ dikɛnda, lakawoke ngandji,+Ndo dimi lakelɛ ɔnami+ oma l’Edjibito.
2 Etena kakawatalekaka* mbaelɛ,Mbakawatalekaka mangana la wɔ.+
Vɔ wakatetemala nambola dikishi+ dia Baala elamboNdo wakalambolaka dikishi+ elambo.
3 Koko dimi kaketsha Efrayimɛ woho wa nkɛndakɛnda,+ lakawaɛmbaka lo anya+ ami;Ndo vɔ kombetawɔ dia dimi kakaakɔnɔla.
4 La ɛkɔdi w’anto* kakamatetemala mbakotola, la eshinga wa ngandji;+Dimi laki le wɔ oko onto lanya osembe oma lo manga yawɔ,Ndo la ngandji tshɛ, dimi lakasha onto l’onto mbo ya ndɛ.
5 Vɔ hawotokalola lo wodja w’Edjibito, koko Asuriya ayonga nkumekanga+ kawɔ,Nɛ dia vɔ wakatone nkalola oya le mi.+
6 Ndo lokuwa la ta layɔlɔsha esomba+ andeLayolanya tokengete tande ndo layowalanya l’ɔtɛ w’awui wa kɔlɔ wakongɛwɔ.+
7 Anto ami wambotshininala dia nshisha kɔlamelo le mi.+
Kaanga mbakawawaelɛ la diko,* ndooko onto lakonɛɛ.
8 Efrayimɛ le, ngande wakokami kotshika?+
Isariyɛlɛ le, ngande wakokami kokimɔ?
Ngande wakokami kosalɛ akambo oko Adɛma?
Ngande wakokami ketɛ oko Zebɔyima?+
Dimi lambotshikitanya otema;L’etena kakɔ kaamɛ, kɛtshi kami kambofulanɛ.*+
9 Dimi hantɛnya nkɛlɛ kami kalombalomba.
Dimi hantolanya Efrayimɛ nto,+Nɛ dia dimi lekɔ Nzambi, aha onto,L’Ekila l’atei anyu;Ndo dimi hantoya nto le nyu la odudu.
10 Vɔ wayoyela Jehowa, ndo nde ayodikita oko ntambwɛ;+Etena kadikitande, anande wayoya wayasake lokomba oma lo owɛstɛ.+
11 Vɔ wayosaka lokomba oko fudu etena kayowotomba oma l’Edjibito,Oko fudu k’enga oma lo wodja w’Asuriya;+Ndo dimi layowadjashiya lo mvudu yawɔ,” mbata Jehowa.+
12 “Efrayimɛ ambonyinga la kashi,Ndo luudu l’Isariyɛlɛ la lokeso.+
Koko Juda ekɔ lo ntetemala mbekekɔ* la Nzambi,Ndo nde ekɔ la kɔlamelo otsha le Ɔnɛ loleki Ekila.”+
Nɔtɛ ka l'ɛse ka dikatshi
^ Mbuta ate amvutshi ndo anto akina wakatomama dia tetsha ase Isariyɛlɛ.
^ Kana “ɛkɔdi wa kɛtshi,” oko wa ombutshi.
^ Mbuta ate otsha lo yoho y’ɔtɛmwɛlɔ yambodiyama.
^ Tshɛk., “kambɔhɛtahɛta.”
^ Kana “nkɛndakɛnda.”
