Hɔsɛya 12:1-14
12 “Efrayimɛ ekɔ lo ndeshama lo lɔpɛpɛ.
Nde ekɔ lo mbitshana la lɔpɛpɛ l’oma lo ɛstɛ lushi l’otondo.
Nde ambofudia kashi ndo awui wa ngala.
Vɔ wambodja sheke la Asuriya+ ndo wambɔtɔla esɔ otsha l’Edjibito.+
2 Jehowa ekɔ la kilombo la Juda;+Nde ayokoya la Jakɔbɔ lo ndjela mboka yande,Ndo nde ayowofuta lo ndjela etsha+ ande.
3 Nde akakimɛ etshindji+ k’ɔnango l’otema wa nyango,Ndo la nkudu kande, nde akalɔshana la Nzambi.+
4 Nde akatetemala ndɔshana la ondjelo ko akalɛndja.
Nde akalele ndo akasɛngasɛnga dia mbokama kɛtshi.”+
Nzambi akootane la Bɛtɛlɛ, ndo Nde akatɛkɛta la so+ lɛkɔ,
5 Jehowa Nzambi kanga lolembelembe,+Jehowa kele lokombo lande layondohɔmaka.*+
6 “Ɔnkɔnɛ, kalola le Nzambi+ kayɛ,Lama ngandji ka kɔlamelo ndo losembwe,+Ndo longamɛka nshi tshɛ le Nzambi kayɛ.
7 Koko kilɔ ya lokeso yekɔ lo anya w’ose okanda;*Nde nangaka okadi.+
8 Efrayimɛ akatetemala mbuta ate: ‘Mɛtɛ, dimi lambɔngɔna;+Dimi lambokondja ɔngɔnyi.+
Ndo lo olimu ami tshɛ wa wolo, vɔ hawototana ndooko dui dia kɔlɔ kana pɛkato.’
9 Koko oma ko* wodja w’Edjibito,+ dimi kele Jehowa Nzambi kayɛ.
Dimi layokodjashiya nto lo mvudu y’apɛmaOko lo nshi y’etena kakashikikɛma.*
10 Dimi lakatɛkɛta l’amvutshi,+Dimi lakafudia waɛnɛlɔ awɔ,Ndo dimi lakatɛkɛta l’amvutshi lo tshimbo ya wɛɛla.
11 Le Ngiliyadɛ mbaki lokeso*+ ndo kashi.
La Ngilingalɛ mbakawalambola ngɔmbɛ,+Ndo dilambwelo diawɔ diekɔ oko tota di’ave lo emunda wa l’ekambɔ.+
12 Jakɔbɔ akalawɔ otsha l’ɛtshi ka nkɛtɛ* ka Arama;*+Isariyɛlɛ+ akakambe olimu lɛkɔ l’ɔtɛ wa wadi,+Ndo nde akalamaka ɛkɔkɔ+ l’ɔtɛ wa wadi.
13 Jehowa akatondja Isariyɛlɛ oma l’Edjibito+ lo tshimbo y’omvutshi,Ndo nde akalamemaka+ lo tshimbo y’omvutshi.
14 Efrayimɛ akasale kɔlɔ+ ya weke;Onongo ande wa dikila wekɔ le nde;Nkumɛnde ayowofuta l’ɔtɛ wa diɔnyɔ+ diande.”
Nɔtɛ ka l'ɛse ka dikatshi
^ Kana “kele lokombo lohɔmande.”
^ Kana “omundji w’okanda.”
^ Kana ondo “fɛtɛ.”
^ Kana “ntatɛ lo.”
^ Kana “kɛnɛ kele ehekesa; kɛnɛ kahamanema mfundo.”
^ Tshɛk., “ekambɔ.”
^ Kana “Suriya.”
