Hɔsɛya 4:1-19
4 Ase Isariyɛlɛ le, nyohokame ɔtɛkɛta wa Jehowa,Nɛ dia Jehowa ekɔ la dikambo dia nsamba l’anto wa lo wodja,+Nɛ dia mɛtɛ ndo ngandji ka kɔlamelo kana ewo ka Nzambi bu lo wodja.+
2 Ditshibelo dia kashi,+ lokeso ndo odiakanelo+Wovi ndo loseka+ wambokokanɛ,Ndo ɔkɛdiɛlɔ wa dikila ndjelanaka la ɔkɛdiɛlɔ okina wa dikila.+
3 Diakɔ diele wodja wayonga l’otanda+Ndo onto tshɛ ladjasɛ lɔkɔ ayɔndanɛ;Nyama ya l’okonda ndo tofudu ta l’olongo,Kaanga nse ya lo ndjale yayovɔ.
4 “Koko onto atɔlɔshake kana mpangɔ,+Nɛ dia anto ayɛ wekɔ oko wanɛ walɔshana la ɔlɔmbɛdi.+
5 Ɔnkɔnɛ, wɛ ayotakana la yanyi ya tɛɛ,Ndo omvutshi ayotakana kaamɛ la yɛ wate kana l’otsho.
Ndo dimi layɔlɛmbɔhaya* nyɔ.
6 Anto ami wayɔlɛmbɔhala,* nɛ dia ewo bu.
Lam’ele wɛ ambotona ewo,+Dimi lawɔ layotona dia wɛ kambɛmi oko ɔlɔmbɛdi;Ndo lam’ele wɛ akohɛ ɛlɛmbɛ* wa Nzambi+ kayɛ,Dimi layohɛ anayɛ.
7 Lam’akawatalekaka mfula, mbakawatalekaka salɛmi pɛkato.+
Dimi layokadimola lotombo lawɔ nsɔnyi.*
8 Vɔ ndɛka pɛkato y’anto ami,Ndo vɔ ndjashaka la lokaki tshɛ lo* munga kawɔ.
9 Kɛnɛ kayokomɛ wodja kayokomɛ ndo ɔlɔmbɛdi;Dimi layokoya la wɔ l’ɔtɛ wa mboka yawɔ,Ndo dimi layowafuta lo ndjela etsha+ awɔ.
10 Vɔ wayɔlɛ, koko hawotolota.+
Vɔ wayonga waa numba,* koko hawotofulanɛ,+Nɛ dia vɔ kɔmbɔsa Jehowa la nɛmɔ.
11 Kinumba,* wanu ndo wanu w’eyoyoMinyaka nsaki ka nsala kɛnɛ kele ɔlɔlɔ.*+
12 Anto ami mimbolaka dikishi diawɔ di’esongo tokanyi,Lo nsala kɛnɛ kawatɛ danga;*Nɛ dia yimba ya kinumba* mbakonyaka dia vɔ ntakɔ mboka,Ndo l’ɔtɛ wa kinumba* kawɔ, vɔ tonaka dia ndjakitshakitsha la ntondo ka Nzambi kawɔ.
13 Vɔ nambolaka olambo+ lo tɔsɔdi t’akona,Ndo vɔ tutolaka edinga w’elambo lo tokonakona,L’ɛse k’esongo wa ɔakɛ, wa stiraksɛ ndo osongo tshɛ wa woke,+Nɛ dia alɛdi awɔ wekɔ amɛna.
Diakɔ diasala ananyu wa wamato kinumba*Ndo mbasala wadi w’ananyu loseka.
14 Dimi hantokoya l’anayɛ wa wamato l’ɔtɛ wa kinumba* kawɔ,Ndo la wadi w’anayɛ l’ɔtɛ wa loseka lawɔ.
Nɛ dia apami sɛnaka la wamato wa numbaNdo nambolaka olambo kaamɛ la numba ya lo tɛmpɛlɔ;Anto wa ngasɔ wele bu la timba+ wayolanyema.
15 Isariyɛlɛ le,+ kaanga mbasalayɛ kinumba,*Juda atongake la onongo.+
Tanyoyake la Ngilingalɛ+ kana la Bɛtɛ-Avɛna,+Ndo tanyotshibake nyate: ‘Lo mɛtɛ oko wele Jehowa la lɔsɛnɔ!’+
16 Nɛ dia oko ngɔmbɛ k’ɔtɛ wolo, Isariyɛlɛ aya ɔtɛ wolo.+
Onde l’etena kɛnɛ Jehowa ayowalama oko ɔsɔngɔ w’ɔkɔkɔ w’omi lo dihole dia hwe dia ndesha dongalonga?*
17 Efrayimɛ amboyasha le dikishi.+
Nyootshike!
18 Etena kashila wanu* awɔ,Vɔ mongaka waa numba.*
Ndo ewandji* ande nangaka diɔnyɔ+ efula.
19 Lɔpɛpɛ layowɔmba lo ahafu alɔ,Ndo vɔ wayoshama nsɔnyi l’ɔtɛ w’elambo awɔ.”
Nɔtɛ ka l'ɛse ka dikatshi
^ Kana “layolanya.”
^ Kana “wayolanyema.”
^ Kana “wetshelo.”
^ Kana ondo “Vɔ wakengola lotombo lami hita la nsɔnyi.”
^ Kana “mbɛdiyaka anima awɔ lo.” Enda Elembetshielo, “Anima.”
^ Kana “wayonga atshi w’awui wa mindo wa dieyanelo lo yoho y’efula; wayoyasha lo kinumba.”
^ Tshɛk., “Wambonya otema.”
^ Kana “Awui wa mindo; Loseka mfɔ ka mfɔ.”
^ Kana “danga di’osadi wa diendja.”
^ Kana “awui wa mindo; loseka mfɔ ka mfɔ.”
^ Kana “awui wa mindo; loseka mfɔ ka mfɔ.”
^ Kana “awui wa mindo; loseka mfɔ ka mfɔ.”
^ Kana “awui wa mindo; loseka mfɔ ka mfɔ.”
^ Kana “awui wa mindo; loseka mfɔ ka mfɔ.”
^ Tshɛk., “dihole dia woke?”
^ Kana “wanu w’eponga.”
^ Kana “mongaka atshi w’awui wa mindo lo yoho y’efula; ndjashaka lo kinumba.”
^ Tshɛk., “dingawo.”
