Hɔsɛya 6:1-11
6 “Nyoye, kele tokalole le Jehowa,Nɛ dia nde ambotaatshatsha,+ koko nde ayotɔkɔnɔla.
Nde akatohomuya, koko nde ayɔmba mpota yaso.
2 Nde ayotosha lɔsɛnɔ nto l’ɔkɔngɔ wa nshi 2.
Lushi la 3, nde ayotetola,Ndo sho tayɔsɛna la ntondo kande.
3 Sho tayeya, tayoyanga l’otema ɔtɔi dia mbeya Jehowa.
Otombelo ande wekɔ shikaa oko ehotwelo ka wonya;Nde ayoya le so oko mvula ngembe,Oko mvula ka lɔlɔla djɛsɛ katɔlɔyaka nkɛtɛ.”
4 Ahombami nsala la yɛ, wɛ Efrayimɛ?
Ahombami nsala la yɛ, wɛ Juda?
Nɛ dia ngandji kayɛ ka kɔlamelo kekɔ oko wange wa pindju,Oko loonge latoshishɔka esadi esadi.
5 Diakɔ diayomaahembola lo tshimbo y’amvutshi;+Dimi layowadiaka la ɔtɛkɛta w’oma l’onyɔ+ ami.
Ndo dombwelo diayɔhɛta le yɛ oko osase.+
6 Nɛ dia dimi ngɛnangɛnaka lo ngandji ka kɔlamelo,* aha lo olambo,Ndo lo ewo ka Nzambi, koko aha lo elambo wa lotshumba+ w’etondo.
7 Koko vɔ wakɔnyɔla sheke,+ oko anto w’anyanya.
Vɔ wakankese lɛkɔ.
8 Ngiliyadɛ ekɔ shombasomba y’atshi wa kɔlɔ,+Yokombami la akaka wa dikila.+
9 Olui w’ɛlɔmbɛdi wekɔ oko olui wa dengalenga waholamɛ onto.
Vɔ ndjakanaka lo mboka ka la Shɛkɛmɛ,+Nɛ dia lɔkɛwɔ lawɔ lekɔ nsɔnyi efula.
10 Dimi lakɛnyi dui dia wɔnɔnyi efula lo luudu l’Isariyɛlɛ.
Lɛkɔ, Efrayimɛ ekɔ lo nsala kinumba;+Isariyɛlɛ akayadje mindo.+
11 Ndo nto, wɛ Juda, etena ka dinela kamboshikikɛma dikambo diayɛ,Etena kayomokaloya wodja ami+ wele lo lɔhɔmbɔ.”
Nɔtɛ ka l'ɛse ka dikatshi
^ Kana “lo kɛtshi.”
