Hɔsɛya 8:1-14
8 “Dja wɔɔndjɔ lo onyɔ ayɛ!+
Onto ɔmɔtshi ekɔ lo ndjaye oko mpongo dia ndjɔlɔsha luudu la Jehowa,+Nɛ dia vɔ wakɔnyɔla sheke+ yami ndo wakasekola ɛlɛmbɛ+ ami.
2 Vɔ wekɔ lo mbelɛmi vate: ‘Nzambi kaso le, sho ase Isariyɛlɛ keyaka!’+
3 Isariyɛlɛ ambotona kɛnɛ kele ɔlɔlɔ.+
Otunyi awotshanya.
4 Vɔ wambɔsɔna nkumi ya dikanga, koko aha oma le mi.
Vɔ wambɔsɔna ewandji, koko dimi kombaetawɔ.
La mfɛsa yawɔ ndo la paonyi yawɔ, vɔ wambosala dikishi,+Dia elanyelo kawɔ hita.+
5 Samariya+ le, ekishi kayɛ ka ngɔmbɛ kambɔsɛkama.
Nkɛlɛ kami kambofula otsha le wɔ.+
Polo l’etena kakɔna kahawatokoka mɛnya dia vɔ bu la onongo?*
6 Nɛ dia tɔ ndja oma lo Isariyɛlɛ.
Otshudi kakakisale, koko aha Nzambi;Ekishi ka ngɔmbɛ ka la Samariya kayatshatshema.
7 Nɛ dia vɔ wekɔ lo monɛ lɔpɛpɛ,Ndo vɔ wayona ponganɛndji.+
Ndooko lɔlɛngɛsɛ latondja ntɔngɔ+ yambotshunda;*Kɛnɛ tshɛ katomba hatondja ofushi.
Naka lɔmɔtshi ntomba, kete ase wodja okina* mbayolimɛna.+
8 Isariyɛlɛ ayɔmɛnama.+
Vɔ wayoyala l’atei wa wedja,+Oko dɔnga diele bu ohomba.
9 Nɛ dia vɔ wambotshɔ otsha l’Asuriya+ oko mponda ka l’okonda k’okalema.
Efrayimɛ amboyanga waa numba.+
10 Kaanga mbaayangawɔ l’atei wa wedja,Dimi layowatshumanya;Vɔ wayotatɛ nsowa+ l’ɔtɛ wa wotsho wayowaɛndja nkumekanga ndo ewandji.
11 Nɛ dia Efrayimɛ ambofudia dilambwelo dia nsala pɛkato.+
Vɔ waya dilambwelo diande dia salaka pɛkato.+
12 Dimi lakoofundɛ awui efula wa lo ɛlɛmbɛ* ami,Koko vɔ wakɔsamaka oko dui di’oyoyo.+
13 Vɔ nambolakami weshasha ndo vɔ ndɛka onatshi,Koko Jehowa hawangɛnangɛna.+
Wonya ɔnɛ, nde ayanga mbohɔ munga yawɔ ndo mbasha dilanya l’ɔtɛ wa pɛkato+ yawɔ.
Vɔ wakakalola* otsha l’Edjibito.+
14 Isariyɛlɛ ambohɛ Otungi+ ande ndo amboka waa tɛmpɛlɔ,+Ndo Juda ambofudia esomba wodingami la mpele.+
Koko dimi layotoma dja lo esomba ande,Ko yɔ yayolongoya totshoto ta lo osomba l’osomba.”+
Nɔtɛ ka l'ɛse ka dikatshi
^ Kana “nyekɔ pudipudi?”
^ Kana “yemadi.”
^ Kana “angɛndangɛnda.”
^ Kana “wetshelo.”
^ Kana ondo “Vɔ wayokalola.”
