Jɔɛlɛ 2:1-32
2 “Nyode wɔɔndjɔ lo Siɔna!+
Nyode kioko ya ta lo dikona diami di’ekila.
Anto tshɛ wa lo wodja* wasake lokomba,Nɛ dia lushi la Jehowa lekɔ lo ndjaye!+ Lɔ laya suke!
2 Lɔ lekɔ lushi la wodjima ndo la tshududu,+Lushi la wange ndo la wodjima wa tshududu,+Oko osase wa pindju wakokanɛ l’akona.
Ekɔ anto amɔtshi wele efula ndo la wolo;+Anto wele oko vɔ watayalaka ndooko lushi,Ndo ndooko lushi layoyala anto akina wele oko vɔLo ɛnɔnyi wa lo nɔnga tshɛ.
3 Dja yekɔ lo nongoya la ntondo kawɔ,Ndo loombe lekɔ lo ntshumba+ l’ɔkɔngɔ awɔ.
Nkɛtɛ yele la ntondo kawɔ yekɔ oko ekambɔ k’Ɛdɛna,+Koko oswe wambolana wekɔ l’ɔkɔngɔ awɔ,Ndo ndooko ɛngɔ kakoka mpandɔ.
4 Ɛnamelo kawɔ kekɔ oko ɛnamelo ka mfalasa,Ndo vɔ ndawɔka oko mfalasa ya ta.+
5 Londjo lawɔ lekɔ oko la pusupusu etena katayadɛ lo tɔsɔdi t’akona,+Oko lohelo la dja yalombalomba yatshumba nsɔdu.
Vɔ wekɔ oko akanga wa wolo wambɔlɔngama+ dia ndɔ ta.
6 Anto wayonga la paa l’ɔtɛ awɔ.
Dungi tshɛ diayondama la wɔma.
7 Vɔ pongɔka oko andɔshi wa ta,Vɔ mbidɛka lo ehele oko asɔlayi,Onto l’onto tetemalaka la lɔkɛndɔ lande,Ndo vɔ hawotakɔ mboka yawɔ.
8 Vɔ hawosokɔna;Onto l’onto sembɔka la lɔkɛndɔ lande.
Naka dihomɔ dia ta* nkɔsha amɔtshi,Akina hawomɔ oma lo ɛnɔngɔ.
9 Vɔ pongɔka lo osomba ndo vɔ ndawɔka lo ehele.
Vɔ mbidɛka lo mvudu, vɔ mbɔtɔka lo adidishi oko wovi.
10 La ntondo kawɔ wodja didimaka ndo olongo sukasukaka.
Wonya la ngɔndɔ waya wodjima,+Ndo tɔɔtɔ tamboshisha osase atɔ.
11 Jehowa ayokiya dui diande la ntondo k’alembe+ ande, nɛ dia mpango kande kekɔ efula ka mamba.+
Dikambo ɔnɛ lawelɛ ɔtɛkɛta Ande ekɔ wolo;Nɛ dia lushi la Jehowa lekɔ woke ndo wɔma efula.+
Akɔna akoka likikɛ?”+
12 “Koko oyadi kakianɛ” mbata Jehowa, “nyokalole le mi la etema+ anyu tshɛ,La ekilelo ka mbo ya ndɛ,+ la delo ndo la delo di’efula.
13 Nyatshatsha etema anyu,+ koko aha ahɔndɔ anyu,+Ndo nyokalole le Jehowa Nzambi kanyu,Nɛ dia nde mbokanaka kandji* ndo kɛtshi, hoke nkɛlɛ+ esadi ndo ndola tɔɔ la ngandji ka kɔlamelo,+Ndo nde ayonyomenda* mpokoso kendana la ekambi ande.
14 Akɔna eeya kana nde ayokadimɔ ndo ayonyomenda*+Ko nyosha ɔtshɔkɔ,Olambo wa ntɔngɔ ndo olambo wa lotɛ dikambo dia Jehowa Nzambi kanyu?
15 Nyode wɔɔndjɔ lo Siɔna!
Nyewoya* dia anto nkila mbo ya ndɛ; nyewoya losanganya la laande.+
16 Nyotshumanya anto; nyokidia etshumanelo.+
Nyotshumanya epalanga w’anto;* nyotshumanya ana w’akɛnda ndo ana w’ashashi.+
Otshuki atombe oma lo luudu lande la l’etei ndo otshukami oma lo luudu lande l’otshukami.
17 Lam’asa tshoto y’otale la elambwelo+Ɛlɔmbɛdi, ekambi wa Jehowa walele ndo wate vate:
‘Jehowa le, oka anto ayɛ kɛtshi;Tetɛke etenyi kayɛ k’okitɔ ɛngɔ ka lɔsɔkɔ,Lo ntshika dia wedja mbawahemɛ.
Lande na kahomba anto mbuta ɔnɛ: “Lende ele Nzambi kawɔ?”’+
18 Ko Jehowa ayonga la ohetoheto dikambo dia wodja andeNdo ayoka anto ande+ kɛtshi.
19 Jehowa ayokadimola anto ande ate:
‘Dimi layanga nyotomɛ ntɔngɔ, wanu w’eyoyo ndo esɔ,Ko nyu nyayolota+ efula;Dimi hantonyetɛ nto ɛngɔ ka lɔtɛngɔ l’atei wa wedja.+
20 Dimi layotshanya lɛkɛ la nɔrdɛ etale la nyu;Dimi layowohandjola lo ɛtshi ka nkɛtɛ ka womu ndo kele tɔngɔ to,La andɔshi ande wa la ntondo* otsha lo ndjale ka lo ɛstɛ*Ndo andɔshi ande wa l’ɔkɔngɔ otsha lo ndjale ka lo owɛstɛ.*
Nsolo katomba oma le nde kayodɛ,Wutshu w’oma le nde wayotetemala mbidɛ;+Nɛ dia Nde ayosala akambo wa weke.’
21 Wodja le, tokake wɔma.
Ngɛnangɛna ndo oka ɔlɔ, nɛ dia Jehowa ayosala akambo wa weke.
22 Tanyokake wɔma, nyu nyama ya l’okonda,Nɛ dia adiyo wa l’oswe wayonga ashi wa djɛsɛ,+Ndo esongo wayɔtɔ elowa;+Osongo wa fingo ndo ɔkɔdi wa vinyɔ wayɔtɔ elowa efula.+
23 Nyu ana wa Siɔna, nyɔngɛnɛngɛnɛ ndo nyoke ɔlɔ le Jehowa Nzambi kanyu;+Nɛ dia nde ayonyosha avula w’alɔhɔki lo yɛdikɔ yahombama,Ndo nde ayonyotomɛ mvula ngembe,Avula w’alɔhɔki ndo avula wa lɔlɔla djɛsɛ oko wakidiɔ ntondo.+
24 Ahole w’esuswelo wayolola la ntɔngɔ ya pudipudi,Ndo wamula wayofukɔfukɔ la wanu w’eyoyo ndo la esɔ.+
25 Ndo dimi layonyofuta l’ɔtɛ w’ɛnɔnyiWakale akata w’ɛndjɔ wele elui elui, akata w’ɛndjɔ wele bu la nsala, akata w’ɛndjɔ walanya ndo akata w’ɛndjɔ washila oshiki,Alembe ami w’efula wakamatome l’atei anyu.+
26 Nyu mɛtɛ nyayɔlɛ ko ndota,+Ndo nyu nyayotombola lokombo la Jehowa Nzambi+ kanyu,Ɔnɛ lakasale akambo wa diambo lo wahɔ anyu;Anto ami hawoshamaki nsɔnyi+ nto pondjo.
27 Ndo nyu la dia mbeya dia dimi lekɔ l’atei w’Isariyɛlɛ+Ndo dia dimi kele Jehowa Nzambi+ kanyu, ndooko okina!
Anto ami hawoshamaki nsɔnyi nto pondjo.
28 Oma laasɔ, dimi layotshola nyuma+ kami le weho w’anto tshɛ,Ko ananyu w’apami l’ananyu wa wamato wayota prɔfɛsiya,Esombe anyu wayɛna alɔ,Ndo ɛlɔngɔ anyu w’apami wayɛna waɛnɛlɔ.+
29 Ndo kaanga le ekambi ami w’apami ndo wa wamatoDimi layotshola nyuma kami lo nshi shɔ.
30 Ndo dimi layɛnya akambo wa diambo* l’olongo ndo la nkɛtɛ,Dikila, dja ndo ɛnɔngɔ w’edinga+ watadɛ.
31 Wonya wayokadimɔ wodjima ndo ngɔndɔ kayokadimɔ dikila+La ntondo ka lushi la woke ndo la wɔma la Jehowa+ ndja.
32 Ndo onto tshɛ lelɛ* lokombo la Jehowa ayoshimbamɛ;+Nɛ dia wanɛ wayoka+ wayoyala lo Dikona dia Siɔna ndo la Jɛrusalɛma, paka oko wakate Jehowa,Ehandɔ welamɛ oma le Jehowa.”
Nɔtɛ ka l'ɛse ka dikatshi
^ Kana “nkɛtɛ.”
^ Kana “akuwa.”
^ Kana “tɛtɛka solo.”
^ Kana “ayonyomonga la lonyangu l’ɔtɛ wa.”
^ Kana “ayonyomonga la lonyangu.”
^ Tshɛk., “Nyokidia.”
^ Kana “dikumanyi.”
^ Tshɛk., “La elungi kande.”
^ Mbuta ate Ndjale Kambovɔ.
^ Mbuta ate Ndjale ka Mediteraneya.
^ Kana “tolembetelo.”
^ Kana “latɛndɛ.”
