Jɔɛlɛ 3:1-21
3 “Nɛ dia eenda, lo nshi shɔ ndo l’etena kɛsɔ,Lam’ayomokaloya ase Juda ndo ase Jɛrusalɛma+ wakandama mfumbe,
2 Ndo nto, dimi layotshumanya wedja tshɛNdo layowaholoya lo Okidi* wa Jɛhɔshafata.*
Dimi layowalombosha lɛkɔ+Lo wahɔ w’anto ami ndo w’Isariyɛlɛ, etenyi kami k’okitɔ,Nɛ dia vɔ wakaahandjola l’atei wa wedja,Ndo vɔ wakakahana wodja ami lam’asawɔ.+
3 Nɛ dia vɔ wakoke anto ami owale;+Vɔ wakakimɔka ɔna pami dia nkondja womoto la numbaNdo wakasondjaka ɔna womoto dia nkondja wanu wa nnɔ.
4 Ndo nto, kakɔna kasanyu la mi,Nyu Tura, Sidɔna ndo bɛtshi dia nkɛtɛ tshɛ dia la Filistiya?
Onde nyekɔ lo futami l’ɔtɛ w’ɛngɔ kɛmɔtshi?
Naka nyekɔ lo futami,Dimi layela difuto dianyu lo ɛtɛ+ anyu aha la ntshimbatshimba.
5 Nɛ dia nyu nyakɔshi mfɛsa ndo paonyi+ yami,Ndo nyu nyakatɔlɛ diangɔ diami dioleki amɛna lo tɛmpɛlɔ yanyu;
6 Ndo nyu nyakasondja ase Juda l’ase Jɛrusalɛma le ase Ngirika,+Dia mbanya etale oma lo ɛtshi kawɔ ka nkɛtɛ;
7 Dimi layanga mbakaloya oma lɛnɛ akanyaasondja,+Ndo dimi layela difuto dianyu lo ɛtɛ anyu.
8 Dimi layosondja ananyu w’apami ndo ananyu wa wamato l’anya w’ase Juda,+Ndo vɔ wayowasondja le ase Shɛba, le wodja w’etale;Nɛ dia Jehowa ndamɛ kakate dikambo sɔ.
9 Nyewoya dui nɛ l’atei wa wedja+ nyate:
‘Nyoyalɔngɔsɔlɛ dikambo dia* ta! Nyemule apami wa wolo!
Asɔlayi tshɛ wasukane, vɔ waye oya la ntondo!+
10 Nyotshule nkongo yanyu tokuwa ta ta ndo tɔshɔlɔ tanyu takɔlɔngawɔ adiyo akɔnga.
Ɔnɛ lele wɔdu ate ate: “Dimi lekɔ la wolo.”
11 Nyu wedja tshɛ wodingi, nyoye nyoyokimanyiya, nyosangane kaamɛ!’”+
Jehowa le, holoya anto ayɛ wa wolo* otsha lo dihole sɔ.
12 “Wedja wemɔ ndo waye l’Okidi* wa Jɛhɔshafata;Nɛ dia dimi layodjasɛ lɛkɔ dia nombosha wedja+ tshɛ wodingi.
13 Nyetsha lokuwa, nɛ dia diangɔ dia dinela diambɛla.
Nyoye ndo nyɔhɔtshahɔtsha, nɛ dia diamula diambolola.+
Afuku wekɔ lo mfukɔfukɔ, nɛ dia kɔlɔ kawɔ kambofulanɛ.
14 Elui w’anto, elui w’anto wekɔ lo okidi* wa kilombo,Nɛ dia lushi la Jehowa laya suke lo okidi* wa kilombo.+
15 Wonya la ngɔndɔ wayonga wodjima,Ndo tɔɔtɔ tayoshisha osase atɔ.
16 Jehowa ayodikita oma la Siɔna,Oma la Jɛrusalɛma kayondookiya dui diande.
Ndo olongo la nkɛtɛ wayodidima;Koko Jehowa ayonga eshamelo le anto ande,+Longele le ase Isariyɛlɛ.
17 Ndo nyu la dia mbeya dia dimi kele Jehowa Nzambi kanyu, kadjasɛ la Siɔna, dikona+ diami di’ekila.
Jɛrusalɛma ayonga dihole di’ekila,+Ndo angɛndangɛnda* hawoteta lɔkɔ nto.+
18 Lushi lɔsɔ, akona wayotondja wanu wa mpɛ,+Abɛlɛ wayɔkɛlanɛ lo tokonakona,Ndo ɛkɛdi tshɛ wa la Juda wayɔkɛdia ashi.
Ɛtɛkɔ kayɔkɛlaka+ oma lo luudu la Jehowa,Ko tɔ kayɔlɔyaka Okidi w’esongo wa Akasia.
19 Koko Edjibito ayonga tɔngɔ to,+Ndo Ɛdɔmɛ ayonga oswe+ w’elanyelo,L’ɔtɛ w’akambo wa ngala wakawasalɛ ase Juda,+Wodja wakawakɛdia dikila+ diaha la onongo.
20 Koko anto wayodjasɛka pondjo pondjo la Juda,Ndo la Jɛrusalɛma lo nɔnga la nɔnga.+
21 Dimi layonya onongo wa dikila waki la wɔ ntondo;+Ndo Jehowa ayodjasɛ la Siɔna.”+
Nɔtɛ ka l'ɛse ka dikatshi
^ Kana “Okidi w’Ebamubamu.”
^ Kitshimudi ate: “Jehowa ekɔ Shushi.”
^ Tshɛk., “Nyokidia.”
^ Kana “andɔshi ayɛ wa ta.”
^ Kana “Okidi w’Ebamubamu.”
^ Kana “okidi w’ebamubamu.”
^ Kana “okidi w’ebamubamu.”
^ Kana “ase wedja ekina.”
