Jɔbɔ 13:1-28
13 “Eelo, sso diami diambɛna awui asɔ tshɛ,Toyi diami diamboka ndo diamboshihodia dui diakɔ.
2 Kɛnɛ keyanyu, dimi lawɔ mbeyaka;Dimi keema l’ɛse kanyu.
3 Lo wedi ami, dimi lotɔtɛkɛta dimɛ la Kanga-Wolo-Tshɛ;Dimi kombolaka dia nsamba dikambo diami le Nzambi.+
4 Koko nyekɔ lo dianganya awui wa kashi lo dikambo diami;Nyu tshɛ nyekɔ adɔkɔtɛlɛ w’anyanya.+
5 Otonyotshikala tsho ki,Dui sɔ diotɛnya dia nyekɔ la lomba.+
6 Lam’alanganyu, nyohokame tokanyi tami,Ndo nyodje yimba lo ɛsɛngɔsɛngɔ w’ɛlɔmɔ ami.
7 Onde nyayota awui wa kɔlɔ lo dikambo dia Nzambi,Ndo nyayota awui wa lokeso lo dikambo diande?
8 Onde nyayeta lo wedi ande,*Onde nyayoyanga dia nsamba dikambo dia Nzambi ka mɛtɛ?
9 Onde otonga dimɛna otondonyɔsɛdingola?+
Onde nyayowokesa oko wotonyokesa onto okovɔ?
10 Ndooko onyake nde ayonyohangwɛNaka nyu nyanga lo woshɛshɛ dia monga la shɔnɔdi.+
11 Shi kɛnɛmɔ kande kayonyotsha wɔmaNdo nyayondama la wɔma ande?
12 Ɛtɛkɛta anyu wa lomba* wekɔ tokedi ta otoko;Eshamelo* kanyu kekɔ wɔdu oko diwomba.
13 Nyɔlame la ntondo kami kele ntɛkɛtɛ.
Kele kɛnɛ tshɛ kakoka komɛmi kankome!
14 Lande na katomoyadja lo waale*Ndo katomɔsa lɔsɛnɔ* lami lo anya ami?
15 Kaanga mbakokande ndjakami, dimi lototetemala nkonga;+Dimi lotosamba dikambo diami* la ntondo kande.
16 Ko nde otonga panda+ kami,Nɛ dia ndooko onto laheye Nzambi* lakoka ndja la ntondo kande.+
17 Nyohokame dimɛna ɛtɛkɛta ami;Nyodje yimba lo kɛnɛ katami.
18 Nyende, kakianɛ dimi lambɔlɔngɔsɔla kilombo kami;Dimi mbeyaka dia dimi kasɔ.
19 Akɔna ayɔndɔsha?
Dimi layovɔ naka dimi mbɔlama!*
20 Nzambi le, onsale paka akambo 2 anɛ,*Diaha dimi ndjashɛ la ntondo kayɛ:
21 Onya lonya layɛ la wotsho etale oma le mi,Ndo tetawɔke dia wɔma ayɛ mbatami asolo.+
22 Elɛ, ko dimi layetawɔ,Kana ontshike ntɛkɛtɛ, ko wɛ kadimolami.
23 Naa munga yami ndo pɛkato yami?
Ɔmɛnya kɔlɔ kami ndo pɛkato kami.
24 Lande na kashɛyɛ elungi kayɛ+Ndo kambɔsayɛ oko otunyi ayɛ?+
25 Onde wɛ ayokiya dikatshi diɛmbama la lɔpɛpɛ wɔmaKana ayoyelana la lɔlɛngɛsɛ lamboma?
26 Nɛ dia wɛ ekɔ lo ntetemala mfunda difundaki dia kɔlɔ lo dikambo diami,Ndo wɛ ekɔ lo mbishami dilanya l’ɔtɛ wa pɛkato yami ya lo dikɛnda.
27 Wɛ ambodja ekolo ami lo lowete,Wɛ sɛdingolaka mboka yami tshɛ,Ndo wɛ sangaka wanya ami tshɛ.
28 Ɔnkɔnɛ, onto* tɛngɔtɛngɔka oko ɛngɔ kambɔhɔnda,Oko dihɔndɔ diambɔlɛma la wɛdiya.
Nɔtɛ ka l'ɛse ka dikatshi
^ Kana “monga la shɔnɔdi otsha le nde.”
^ Kana “wohɔma.”
^ Tshɛk., “ambɔkɔ w’engawo.”
^ Tshɛk., “Lande na katomɛmba emunyi ami lo wanyu ami?”
^ Kana “anima.”
^ Kana “mamɛ mboka yami.”
^ Kana “ndooko ɔtɔlɔki.”
^ Kana ondo “Naka onto ɔmɔtshi nkoka, dimi layɔlama, ko mvɔ.”
^ Tshɛk., “Paka akambo 2 ato, tonsalɛke.”
^ Tshɛk., “nde,” ondo dia ntɛkɛta dikambo dia Jɔbɔ.
