Jɔbɔ 26:1-14
26 Jɔbɔ akakadimola ate:
2 “Ande woho wakayakimanyiya ɔnɛ laha la wolo lee!
Ande woho wakayashimbɛ anya waki komonga la lokalo lee!+
3 Ande dako dia mamba diakayasha ɔnɛ laha la lomba lee!+
Ande woho wakayashola lomba layɛ l’oshika* efula* lee!
4 Akɔna alangayɛ tɛkɛtɛɛ,Ndo akɔna akotshutshuya dia mbuta awui wa ngasɔ?*
5 Wanɛ waha la wolo wele lo nyɔi wambosaka lokomba;Vɔ wekɔ l’ɛse efula oleki ashi ndo kɛnɛ kele lɔkɔ.
6 Diombo* diekɔ otakataka la ntondo ka Nzambi,*+Ndo dihole di’elanyelo* hadiokombami.
7 Nde sandjolaka olongo wa lo lɛkɛ la nɔrdɛ* lo dihole dia hwe,*+Nɛndjalɛndjaka nkɛtɛ lam’aha ndooko ɛngɔ;
8 Nde mɔmbaka ashi lo wange ande,+Ko wange hawotondɔ l’ɛse l’ɔtɛ wa wotsho;
9 Nde mbifɛka ɛnamelo ka kiti kande ka lowandji,Lo nsandjola dinge diande laadiko diatɔ.+
10 Nde kadja oshidi* laadiko di’ashi lam’akomɛ washo;+Nde kadja olelo lam’asa osase la wodjima.
11 Dikundji di’olongo sukasukaka;Diɔ mambiyamaka la lohango lande.
12 Nde sutshasutshaka ndjale la wolo ande,+Ndo nde mbatshatshaka shimamba* la yimba yande.+
13 Nde mbɛdiaka olongo la loowe* lande;Lonya lande pendjahendjaka oloyi w’ɔsɛlɔ.
14 Eenda, ɔsɔ ekɔ tsho emamu wa mboka yande;+Paka hiɔtɛhɔtɛ ya tshitshɛ tsho kambokɛma lo dikambo diande!
Ko, akoka nshihodia dikungola diande dia wolo?”+
Nɔtɛ ka l'ɛse ka dikatshi
^ Kana “ekanelo k’ɔlɔlɔ.”
^ Kana “lo yɛdikɔ y’efula.”
^ Tshɛk., “Ndo lomu (nyuma) lakina latomba oma le yɛ?”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Tshɛk., “nde.”
^ Kana “Ndo Abadɔna.”
^ Tshɛk., “sandjolaka nɔrdɛ.”
^ Tshɛk., “lo hwe.”
^ Tshɛk., “otshimbedi.”
^ Tshɛk., “Rahaba.”
^ Kana “lɔpɛpɛ.”