Jɔbɔ 7:1-21
7 “Shi lɔsɛnɔ l’onto okovɔ la nkɛtɛ lekɔ oko olimu wakandjanawɔ la wolo,Ndo shi nshi yande yekɔ oko nshi y’ose olimu?+
2 Oko mfumbe, nde atokombolaka dɛdi,Ndo oko ose olimu, nde atolongamɛka difuto+ diande.
3 Ngasɔ mbakawambisha ngɔndɔ y’anyanyaNdo mbakawambadiɛ etsho w’asui.+
4 Etena katometamaka, dimi mimbolaka nte: ‘Wonya akɔna wayometɔ?’+
Koko lam’ele otsho mongaka otale, dimi tokadimɔkadimɔka la ɔlɛmbɛlɔ polo lam’atofuwɔka wonya.*
5 Demba diami diambololanɛ la nkuso ndo la ekama wa mindo;+Lokoho lami lambolola la nkaya ndo la tonya.+
6 Nshi yami yambeta esadi ndeka ntɛdi k’ombidji wa nsɔsɔ,+Ndo yɔ yaya l’ekomelo aha la elongamelo.+
7 Ohɔ dia lɔsɛnɔ lami lekɔ lɔpɛpɛ,+Dia sso diami hatɛna ɔngɛnɔngɛnɔ* nto pondjo.
8 Sso diamɛna wonya ɔnɛ hadiotɔmɛna nto;Washo ayɛ wayomenda, koko laasɔ ko dimi lambotshɔ.+
9 Oko dinge diambɔlɛlɔ ndo diaya bu,Ɔnɛ latshɔ lo Diombo* hakalola.+
10 Nde hatokalola nto lo luudu lande,Ndo dihole diande hadiotoweya nto.+
11 Ɔnkɔnɛ, dimi hantoshimba onyɔ ami.
Dimi layɔtɛkɛta l’ɔtɛ wa shɔkɔ yele lo lomu lami;Dimi layoyakiyanya l’ɔtɛ wa lɔkɔnyɔ l’efula lele la mi!*+
12 Onde ndjale kemi kana shimamba,Dia wɛ kitshɛɛmi olami?
13 Lam’atami nte: ‘Nkɔsa kami k’otale kayonsamba;Mbeto kami kayonkimanyiya dia nkitshakitsha shɔkɔ yami,’
14 Ko wɛ mbotshakami wɔma la alɔNdo mbatakami asolo la waɛnɛlɔ,
15 Lo yɛdikɔ yele dimi* lotɔsɔna mvɔ la etitadi,Ɛɛ, nyɔi lo dihole dia demba diami nɛ.*+
16 Lambohetsha lɔsɛnɔ lami;+ dimi handjolanga ntetemala nsɛna.
Ontshike, nɛ dia nshi yami yekɔ oko hiɛlɛlɛ.+
17 Onto okovɔ eende katoyohomba ndjakiyanya dikambo diandeNdo mbodja yimba?*+
18 Lande na katoyowendaka pindju tshɛNdo katoyoohembaka wonya tshɛ?+
19 Onde wɛ hatonya washo ayɛ oma le miNdo hatontshika yema dia dimi mɛna lɔsɔyi?+
20 Naka dimi lakasale pɛkato, ngande wakokami kosalɛ kɔlɔ, wɛ Ɔsɛdingodi w’anto?+
Lande na kamboyɔnsɔma?
Onde dimi laya wotsho le yɛ?
21 Lande na kahayandimanyiya lo kɔlɔ kamiNdo kahayankimwɛ lo munga kami?
Nɛ dia keema edja, dimi layetama lo ditshu,+Ndo wɛ ayomenda, koko laasɔ ko dimi lambotshɔ.”
Nɔtɛ ka l'ɛse ka dikatshi
^ Kana “polo la pindju ka hiotshihotshi.”
^ Tshɛk., “mɛna ɔlɔlɔ.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “la anima ami w’ololo!”
^ Kana “anima ami.”
^ Tshɛk., “lo dihole dia weka ami.”
^ Tshɛk., “mbidja otema ayɛ le nde.”
